Ramtun chillkatun dungu Tañi lifru Biblia nütram nielu

1 Nütram

Ngünechen amuli itrofill ñi dewmael

1.  ¿Chew tuwi kom kümeke dungu? ¿Feypiafuymi chem dewman?

2.  ¿Chem wüne dewmay Ngünechen wemaltu mu?

3.  ¿Chumngelu (chemu) doy sakin-ngekey wünen werken küme püllü?

4.  Feypinge chumlekefuy Mapu ellaka mu (adkintunge ti adentun).

5.  ¿Chumngechi Ngünechen pepikafi ti Mapu, kom pu kulliñ ka che ngelu?

Ka ramtun dungu:

1.  Chillkatual Jeremia 10:12.

   ¿Chem ñi chumngen Ngünechen, pengelkey ñi dewman mew? (Isa. 40:26; Rom. 11:33.)

2.  Chillkatual Kolosense 1:15-17, Traducción del Nuevo Mundo, TNM.

   ¿Chem küdaw niekefuy Jesu feychi mew, ka chumngechi tüfachi dungu kakünutuay chumngechi taiñ pekefiel kidu?

3.  Chillkatual Genesis 1:1-10.

   1.  ¿Iney am dewmay Mapu? (Gen. 1:1.)

   2.  ¿Chem dungu rupay wüne dewmaelchi antü? (Gen. 1:3-5.)

   3.  ¿Chem dungu rupay epu konchi antü mu? (Gen. 1:7, 8.)

2 Nütram

Kiñe tutelu malaltükulechi rayen

1.  ¿Chumngechi Ngünechen pepikafi tüfachi Mapu iñchiñ mu?

2.  Ngünechen dewmay fentren kulliñ. ¿Üytuafuymi kiñeke? (Adkintunge ti adentun).

3.  ¿Chumngelu (chemu) am doy sakin-ngey feychi malaltükulechi rayen, Eden pingekefuy?

4.  ¿Chumngechi ayülefuy Ngünechen tüfachi Mapu ñi trürümtual?

Ka ramtun dungu:

1.  Chillkatual Genesis 1:11-25.

   1.  ¿Chem dewmay Ngünechen küla konchi antü? (Gen. 1:12.)

   2.  ¿Chem dungu rupay meli konchi antü? (Gen. 1:16.)

   3.  ¿Chem kulliñ dewmay Ngünechen kechu ka kayu konchi antü mu? (Gen. 1:20, 21, 25.)

2.  Chillkatual Genesis 2:8, 9.

   ¿Chem epu sakin anümka Ngünechen elkünuy malaltükulechi rayen mew, ka chem dungu pengelelkeeiñmew?

3 Nütram

Wünen wentru ka domoche

1.  Küla Nütram ñi adentun mu, ¿chem kangentun müley epu Nütram ñi adentun mu?

2.  ¿Iney am dewmay wünen wentru, ka chem üy niefuy?

3.  ¿Chem küdaw elelfi Ngünechen ta Adan?

4.  ¿Chumngelu (chemu) Ngünechen trürümelfi ñi umawtun ta Adan?

5.  ¿Tunteñma mongeleafuyngu Adan ka Eva, ka chem küdaw ayüfuy Jewba ñi femal engu?

Ka ramtun dungu:

1.  Chillkatual Salmo 83:18.

   ¿Chem üy niey Chaw Ngünechen, ka chew puy ñi ngüneniefiel kidu müten tüfachi Mapu? (Jer. 16:21; Dan. 4:17.)

2.  Chillkatual Genesis 1:26-31.

   1.  Kayu antü mu, ¿chuchi am ñi dewmaelchi küdaw Ngünechen doykülerpuy reke, ka chemu trürümfalay tüfachi küdaw kulliñ dewman mu? (Gen. 1:26.)

   2.  ¿Chem iyael elufi Jewba, wentru ka pu kulliñ? (Gen. 1:30.)

3.  Chillkatual Genesis 2:7-25.

   1.  ¿Chem küdawtun niey Adan ñi elungechi küdaw ñi üytuafiel pu kulliñ? (Gen. 2:19.)

   2.  ¿Chumngechi kellueiñmew Genesis 2:24 taiñ kimafiel chem rakiduamkey Jewba kurewen mu, püntüwün mu, ka wüdakünuwün mu? (Mat. 19:4-6, 9.)

4 Nütram

Chumngechi ñamümi engu chew ñi mülemum

1.  Adkintunge chi adentun, ¿chem rupaley Adan Eva engu?

2.  ¿Chumngelu (chemu) Jewba kastigafi (kutrankawtuy) engu?

3.  Kiñe filu, ¿chem feypifi Eva?

4.  ¿Iney am dungulfi chi filu, ñi dunguafiel Eva?

5.  ¿Chumngelu ñamümi Adan ka Eva chew ñi mülemum, feychi küme mülewe mu?

Ka ramtun dungu:

1.  Chillkatual Genesis 2:16, 17 ka 3:1-13, 24.

   1.  Chi filu ramtufilu ta Eva, ¿chumngelu wül-lay ñi rüf chumngen ta Jewba? (Gen. 3:1-5; 1 Juan 5:3.)

   2.  ¿Chumngelu kimeltueiñmew ñi kuñiwtuleal Eva ñi femün? (Fili. 4:8; Sant. 1:14, 15; 1 Juan 2:16.)

   3.  ¿Chumngechi ayün ñi femael Adan ka Eva, pinon ñi tukulngeael dungu mew ñi femün engu? (Gen. 3:12,  13.)

   4.  ¿Chumngechi kom pu kerubin elkünungelu Eden malaltükulechi rayen ñi puel püle, ingkafi Jewba ñi ngünenieal? (Gen. 3:24.)

2.  Chillkatual Apokalipsi 12:9.

   ¿Chum tripay Satana ñi elkünual, kom che ñi wentruwafiel Ngünechen ñi ngünenieal? (1 Juan 5:19.)

5 Nütram

Kiñe weda mongen nietuyngün

1.  Wekun Eden malaltükulechi rayen mu, ¿chumngechi ngefuy ñi mongen Adan ka Eva?

2.  ¿Chem dungu rupalerpuyngu Adan ka Eva, ka chumngelu?

3.  ¿Chumngelu (chemu) füchalerpuyngün ka lalerpuy Adan ka Eva ñi pu yall?

4.  Adan ka Eva feyentufile Jewba, ¿chem mongen yenieafuy kidu engu ka ñi pu yall?

5.  ¿Chumngechi kutrantuleyew Eva ñi feyentunon (müngeltunon)?

6.  Adan ka Eva ñi epu wünen yall, ¿chem üy niefuyngu?

7.  ¿Iney engün am kakelu pichikeche mülelu adentun mu?

Ka ramtun dungu:

1.  Chillkatual Genesis 3:16-23 ka 4:1, 2.

   1.  Feychi weda Mapu mu, ¿chem mongen nieputuy Adan? (Gen. 3:17-19; Rom. 8:20, 22.)

   2.  Eva, “Mongelen” pingey, ¿chumngelu am kümey feychi üy? (Gen. 3:20.)

   3.  ¿Chumngechi pengeli Jewba duamniechen Adan ka Eva, dew yafkalu engu? (Gen. 3:7, 21.)

2.  Chillkatual Apokalipsi 21:3, 4.

   ¿Chem “mülekefulu [...] kuyfi” küpa peafuymi ñi katrünentuñmayal?

6 Nütram

Kiñe küme fotüm, kangelu weda fotüm

1.  ¿Chemu küdawingu Kain ka Abel?

2.  ¿Chem yewün yelelfingu ta Jewba Kain ka Abel?

3.  ¿Chumngelu (chemu) Jewba ayüñmafi Abel ñi yewün, ka chumngelu ayüñmalafi Kain ñi yewün?

4.  ¿Chumngechi chengefuy Kain, ka chumngechi ngülamtufeyew Jewba?

5.  ¿Chumi Kain kidu mülelu ñi peñi engu lelfün mew?

6.  Feypinge chem dungu mu rupay Kain langümfilu ñi peñi.

Ka ramtun dungu:

1.  Chillkatual Genesis 4:2-26.

   1.  ¿Chumngechi kimelfi Jewba ta Kain ñi kuñiwngechi dungu ñi mülen mu? (Gen. 4:7.)

   2.  ¿Chumngechi pengeli Kain ñi chumngen ñi piwke? (Gen. 4:9.)

   3.  ¿Chumngechi Jewba peniey langümchen mew? (Gen. 4:10; Isa. 26:21.)

2.  Chillkatual 1 Juan 3:11, 12.

   1.  ¿Chumngelu rumeñma lladkünagi (pofoy) Kain, ka chumngechi kimeleiñmew ñi küñiwtuküleal ñi femün famülke mew? (Gen. 4:4, 5; Pro. 14:30; 28:22.)

   2.  Taiñ kom pu che kayñetufile Jewba rume, ¿chumngechi pengeli ta Biblia taiñ nieal konkülewün Jewba mew? (Sal. 27:10; Mat. 10:21, 22.)

3.  Chillkatual Juan 11:25.

   ¿Chem maneluwün dungu wüli Jewba feychi kom pu lalu, nor dungu ñi duam mu? (Juan 5:24.)

7 Nütram

Kiñe llükachekenochi wentru

1.  ¿Chemu am kangefuy Enok?

2.  Enok ñi antü mu, ¿chumngelu (chemu) rume wedalkamekefuy ta che?

3.  ¿Chem wedalkamekefuy ta che? (Adkintufinge chi adentun).

4.  ¿Chumngelu müley ñi llükanchekenoal Enok?

5.  Feychi antü mu, ¿chumten tripantu mongey ta che, welu tunten tripantu mongekefuy Enok?

6.  ¿Chem dungu rupay lalu Enok?

Ka ramtun dungu:

1.  Chillkatual Genesis 5:21-24, 27.

   1.  ¿Chem weniyewün niekefuyngu Enok ka Jewba? (Gen. 5:24.)

   2.  Chem pin ta Biblia, ¿chem wentru am doy mongey, ka chumten tripantu niefuy lalu? (Gen. 5:27.)

2.  Chillkatual Genesis 6:5.

   Lalu Enok, ¿chumngechi doy wedañmawi che Mapu mu, ka chemu trürümfali famülke mew mülelu iñchiñ? (2 Tim. 3:13.)

3.  Chillkatual Ebrew 11:5.

   ¿Chemu ñi ad ngen Enok ‘tuterkefi ta Ngünechen’, ka chumngechi tripay? (Gen. 5:22.)

4.  Chillkatual Juda 14, 15.

   ¿Chumngechi inawentuafuy pu kristiano, Enok ñi llükachekenon, taiñ kimelcheafiel feychi küpalechi awkan (weychan) Armagedon mu? (2 Tim. 4:2; Eb. 13:6.)

8 Nütram

Fütrake wentru mülekefulu Mapu mew

1.  ¿Chumingün kiñeke Ngünechen ñi werken püllü ngüneduamfilu engün ñi allkütufiel Satana?

2.  ¿Chumngelu (chemu) kiñeke werken püllü elkünuy engün ñi küdaw wenu mapu, ka nagpayngün Mapu mu?

3.  ¿Chumngelu wedalkayngün pu werken püllü ñi küpan Mapu mu, ka che ad ngetuyngün?

4.  ¿Chemu kangefuyngün pu yall (eluwpa) ñi nieel pu werken püllü?

5.  Chumngechi adkintuafuymi adentun mu, ¿chumi pu werken püllü ñi yall (eluwpa) ñi fütra wentrungelu engün?

6.  Enok lalu, ¿ka chem küme wentru mülekefuy Mapu mu, ka chumngelu ayükefeyew Ngünechen?

Ka ramtun dungu:

1.  Chillkatual Genesis 6:1-8.

   Chumngechi ñi feypilen Genesis 6:6, ¿chem ditun-ngey taiñ femmeken Jewba ñi piwke mu? (Sal. 78:40, 41; Pro. 27:11.)

2.  Chillkatual Juda 6.

   ¿Chumngechi kelluafeiñmew tukulpamekefiliyiñ feychi pu werken püllü ta “elkünutu[lu] engün ñi fe­mael nor dungu” ? (1 Kor. 3:5-9; 2 Ped. 2:9, 10.)

9 Nütram

Noe dewmay kiñe fütra wampo ruka

1.  ¿Chumten che mülefuy Noe ñi reñma (pu che), ka chumngechi üytungey ñi küla fotüm?

2.  ¿Chem kimngenochi dungu Ngünechen elfalkünufi Noe ñi dewmayal, ka chumngelu (chemu)?

3.  ¿Chumi engün Noe ñi pu karuka che, kidu dungufilu ti fütra wampo ruka mew?

4.  ¿Chem feypifi Ngünechen ta Noe ñi femal pu kulliñ mu?

5.  Inan-ngechi Ngünechen dew rakümkünufilu chi wülngiñ feyti fütra wampo ruka, ¿chem müley ñi femal Noe ka ñi reñma?

Ka ramtun dungu:

1.  Chillkatual Genesis 6:9-22.

   1.  ¿Chumngechi Noe küme kona ngerpuy afmatufalchi che rüfngechi Ngünechen mu? (Gen. 6:9, 22.)

   2.  ¿Chem rakiduamkey Jewba kewan dungu mu, ka chumngechi kellueaiñmu tüfa chuchi ayekantun dungu müley taiñ dulliafiel? (Gen. 6:11, 12; Sal. 11:5.)

   3.  ¿Chumngechi inayentuafuyiñ Noe, inaniefilu iñchiñ ngülam mülelu Biblia mu? (Gen. 6:22; 1 Juan 5:3.)

2.  Chillkatual Genesis 7:1-9.

   ¿Chumngechi yafüleiñmew kimal Jewba pekefiel mu Noe kiñe nor wentru ngefuy, enkañ-ngen mu rume? (Gen. 7:1; Pro. 10:16; Isa. 26:7.)

10 Nütram

Chi Fütra Mangiñ Ko

1.  Feychi fütra mawünlu, ¿chumngelu (chemu) pepi konlay iney no rume chi wampo ruka mew?

2.  ¿Chumten antü ka chumten pun mawüneli Jewba, ka chew ditupuy ti ko?

3.  Takufilu Mapu ti mangiñ ko, ¿chumi am chi wampo ruka?

4.  ¿Montuyngün pu fütra wentru ti Fütra Mangiñ Ko? ¿Chumi engün am ñi pu chaw?

5.  ¿Chumtuy chi wampo ruka rupalu kechu küyen mu?

6.  ¿Chumngelu neykümfi Noe ñi tripayal kiñe kurü üñüm wampo ruka mew?

7.  ¿Chumngechi kimi Noe tañi nagün ko?

8.  ¿Chem feypifi Ngünechen ta Noe, dew kidu ka tañi reñma (pu che) mülepulu doy kiñe tripantu ponwi wampo ruka mew?

Ka ramtun dungu:

1.  Chillkatual Genesis 7:10-24.

   1.  ¿Chumten puwi ñi apümngen mongen Mapu mew? (Gen. 7:23.)

   2.  ¿Chumten antü rupay ñi nagün ti Fütra Mangiñ Ko? (Gen 7:11; 8:13, 14.)

2.  Chillkatual Genesis 8:1-17.

   ¿Chumngechi pengeli Genesis 8:17 Jewba ñi piel Mapu mu welul-lay? (Gen. 1:22.)

3.  Chillkatual 2 Pedro 2:9.

   1.  ¿Chem dungu llowingün engün pu awkañpen werken püllü ñi wiño amutulu engün wenu mapu? (Jud. 6.)

   2.  ¿Chumngechi yafüluafeiñmew Noe, ka ñi pu reñma rupachi dungu mew, iñchiñ taiñ maneluwküleal Jewba ñi pepiluwün ñi montulafiel ñi pu che? (Ebr. 11:7.)

11 Nütram

Ti wünen relmu

1.  Chumngechi pengeli ti adentun, ¿chem wüne dewmay Noe tripatulu fütra wampo ruka mew?

2.  ¿Chem wüldungun elufi Ngünechen ta Noe ka ñi pu reñma (pu che) dew rupalu chi Fütra Mangiñ Ko?

3.  ¿Chem maneluwün feypikünuy Ngünechen?

4.  Iñchiñ pefiliyiñ ti relmu, ¿chem müley taiñ tukulpayal?

Ka ramtun dungu:

1.  Chillkatual Genesis 8:18-22.

   1.  ¿Chem chumafuyiñ ñi ayüwafiel Ngünechen famülke mew? (Efe. 5:2; Heb. 13:15, 16.)

   2.  ¿Chem inarumen femi Jewba ta ñi chumngen che ñi piwke mew, ka feymu lle, chem kuñiwtuwün müley taiñ nieal? (Gen. 8:21; Mat. 15:18, 19.)

2.  Chillkatual Genesis 9:9-17.

   1.  ¿Chem eldungu femi Jewba itrokom che ka itrofill kulliñ engün mülelu Mapu mew? (Gen. 9:10, 11.)

   2.  ¿Chumten antü ti relmu ti eldungun ngelu müleay? (Gen. 9:16.)

12 Nütram

Tati pu che dewmayngün ti fütra alüpürachi ruka

1.  ¿Iney am Nemrod, ka chem pikey Ngünechen kidu mu?

2.  ¿Chumngelu (chemu) dewmamekeyngün ladrillo tati pu che mülelu adentun mu?

3.  ¿Chumngelu ayükelafi Jewba tüfachi rukan dungu?

4.  ¿Chumngechi Ngünechen katrülduamfi ti alüpürachi ruka ñi dewmameken engün?

5.  ¿Chumngechi üytungey ti waria, ka chem piley feychi üy?

6.  ¿Chumi pu che, rupalu Ngünechen ñi welulkafiel kewün dungu?

Ka ramtun dungu:

1.  Chillkatual Genesis 10:1, 8-10.

   ¿Chem ñi chumngen Nemrod pengeli, ka chem ngülam elueiñmew ti Biblia? (Pro. 3:31.)

2.  Chillkatual Genesis 11:1-9.

   ¿Chem ñi duam nierkey ti rukan dungu, ka chumngelu weda triparpuy? (Gen. 11:4; Pro. 16:18; Juan 5:44.)

13 Nütram

Abraam... weniyefi ta Ngünechen

1.  ¿Chumngechi che mülekefuy Ur waria mew?

2.  ¿Iney (iñi) am ti wentru mülelu adentun mu? ¿Chümul choyüngey (llegi)? ¿Chew mülekefuy?

3.  ¿Chem pifi Ngünechen ta Abraam tañi femal?

4.  ¿Chumngelu (chemu) Abraam ‘Ngünechen ñi weni’ pingefuy?

5.  ¿Iney am kompañkefuy Abraam amutulu Ur mew?

6.  Ngünechen ¿chem feypifi ta Abraam akulu Kanaan mapu mew?

7.  Ngünechen ¿chem ‘rüf pin ñi femal’ feypifi ta Abraam nielu 99 tripantu?

Ka ramtun dungu:

1.  Chillkatual Genesis 11:27-32.

   1.  ¿Chemyewingu Abraam ka Lot? (Gen. 11:27.)

   2.  Tare ñi duam feypingekey ñi reñma amutun Kanaan mu, ¿chumngechi rüf kimnieyiñ Abraam ñi longkolelu tüfachi wiñamtun mu, ka chumngelu (chemu) femi? (Gen. 11:31; Hech. 7:2-4.)

2.  Chillkatual Genesis 12:1-7.

   Jewba elkünufi kiñe eldungu Abraam, welu akulu Abraam ti Kanaan mapu mew, ¿chumngechi Jewba doy amulkünufi feychi eldungu? (Gen. 3:15; 12:7; Gal. 3:16.)

3.  Chillkatual Genesis 17:1-8, 15-17.

   1.  ¿Chem üy llowi Abran nielu 99 tripantu, ka chumngelu? (Gen. 17:5.)

   2.  ¿Chem küpalechi kümelkan ‘rüf pin ñi femal’ Jewba feypifi ta Sara? (Gen. 17:15, 16.)

4.  Chillkatual Genesis 18:9-19.

   1.  Genesis 18:19 mu, ¿chem dungu koneltuley ñi femal pu chaw? (Deu. 6:6, 7; Efe. 6:4.)

   2.  ¿Chem dungu rupalu Sara, pengeli iñchiñ ellkalayafuyiñ chem no rume Jewba mu? (Gen. 18:12, 15; Sal. 44:21.)

14 Nütram

Abraam ñi mupiltun pewfaluwi

1.  ¿Chem maneluwün Ngünechen feypikünufi ta Abraam, ka chumngechi femi ñi feypiel?

2.  Adentun mu pengekey, ¿chumngechi Ngünechen kimi chumlen Abraam ñi mupiltun?

3.  ¿Chumi Abraam kimkenolu rume “femnge tüfa” pieyew Ngünechen?

4.  ¿Chumtuy nentulu Abraam ti kuchillo ñi langümal tañi fotüm?

5.  ¿Chumten mupiltun nierkey Abraam Ngüne­chen mu?

6.   Ngünechen ¿chem elufi ta Abraam ñi femal chalintukual, ka chumngechi?

Ka ramtun dungu:

1.  Chillkatual Genesis 21:1-7.

   ¿Chumngelu sirkunsidafi ñi fotüm Abraam pura antü mew? (Gen. 17:10-12; 21:4.)

2.  Chillkatual Genesis 22:1-18.

   ¿Chumngechi pengeli Isaak ñi feyentunieel ñi chaw Abraam, ka chumngechi pengeli ñi felerpual tüfa, küpalechi dungu doy falin-ngelu? (Gen. 22:7-9; 1 Kor. 5:7; Fili. 2:8, 9.)

15 Nütram

Lot ñi domo wiñokinturkey

1.  ¿Chumngelu (chemu) am wüdawingu Abraam ka Lot?

2.  ¿Chumngelu ayüy Lot ñi müleal Sodoma mew?

3.  ¿Chumngechi chengey pu Sodoma che?

4.  Feytichi epu werken püllü, ¿chem dungu kimelpafi Lot?

5.  ¿Chumngelu Lot ñi domo, kiñe chadikünuwi kiñe adentun reke?

6.  ¿Chem dungu kimeltueiñmew rupalu Lot ñi domo?

Ka ramtun dungu:

1.  Chillkatual Genesis 13:5-13.

   ¿Chem dungu kimeltumekeeiñmew Abraam ñi femün, tañi traf dungu engu ñi küme entual? (Gen. 13:8, 9; Rom. 12:10; Fili. 2:3, 4.)

2.  Chillkatual Genesis 18:20-33.

   Inaduamlu iñchiñ tüfachi nütramkan Abraam engu Jewba, ¿chumngelu maneluwafuyiñ Jewba ka Jesu mew, chumngechi nor tripayal ñi ramtukadunguafiel ta che? (Gen. 18:25, 26; Mat. 25:31-33.)

3.  Chillkatual Genesis 19:1-29.

   1.  Chum pengeli tüfachi Biblia nütram, ¿chumngechi pekefi Ngünechen feytichi pu che kudumuwkelu chaf wentru, ka chaf domo? (Gen. 19:5, 13; Lev. 20:13.)

   2.  Chumngechi inalen Abraam ka Lot Ngünechen ñi ngülam, ¿chem kakerumechi dungu peniefiyiñ, ka chem kimeltumekeeiñmew tüfa? (Gen. 19:15, 16, 19, 20; 22:3.)

4.  Chillkatual Luka 17:28-32.

   ¿Chem rakiduamkefuy ñi piwke ta Lot ñi domo kom ñi niekefel, ka chumngechi kelluafeiñmew ñi femün taiñ inawtükuwal? (Luk. 12:15; 17:31, 32; Mat. 6:19-21, 25.)

5.  Chillkatual 2 Pedro 2:6-8.

   Inawentuafiyiñ Lot, ¿chumngechi müley taiñ peafiel tüfachi mapu mew mülechi weda dungu, wallmaleyiñ iñchiñ? (Ese. 9:4; 1 Juan 2:15-17.)

16 Nütram

Kiñe müna küme domo ñi nieal Isaak

1.  ¿Iney engu ti wentru ka domo mülelu adentun mu?

2.  ¿Chumi Abraam tañi kintulafiel kiñe domo tañi fotüm, ka chumngelu (chemu)?

3.  ¿Chumngechi llowüñmangey ñi nütramkan Ngünechen Abraam ñi kona?

4.  ¿Chem pi Rebeka ramtungelu: ‘¿Ayülafuymi ñi fütayafiel Isaak?’?

5.  ¿Chem dungu ka wiño ayüweltueyew Isaak?

Ka ramtun dungu:

1.  Chillkatual Genesis 24:1-67.

   1.  ¿Chem ñi küme ad ngen pengeli Rebeka ñi pefiel Abraam ñi kona ti rünganko mu? (Gen. 24:17-20; Pro. 31:17, 31.)

   2.  Tüfa ñi femün Abraam ñi fotüm Isaak mew, ¿chem küme dungu pengeliyiñ iñchiñ taiñ kristiano ngen taiñ inayentual (inayepofel)? (Gen. 24:37, 38; 1 Kor. 7:39; 2 Kor. 6:14.)

   3.  ¿Chumngelu müley taiñ püntükünual antü taiñ rakiduamal, Isaak reke? (Gen. 24:63; Sal. 77:12; Fili. 4:8.)

17 Nütram

Epu choyün peñi kake rumeyngu

1.  ¿Iney am Esaw ka Jakob, ka chemu kangey engu?

2.  ¿Chumten tripantu niefuy engu Esaw ka Jakob lalu tañi laku Abraam?

3.  ¿Chumi Esaw fente lladkülkay tañi chaw ka tañi ñuke?

4.   Esaw, ¿chumngelu (chemu) fente lladkütufi ñi peñi Jakob?

5.  ¿Chem kümeke ngülam elelfi Isaak tañi fotüm Jakob?

Ka ramtun dungu:

1.  Chillkatual Genesis 25:5-11, 20-34.

   1.  ¿Chem wüne feypikünuy Jewba, rupayal feychi Rebeka ñi epu püñeñ? (Gen. 25:23.)

   2.  ¿Chem kangen dungu mu mülefuy rangi Jakob ñi duam, ka Esaw ñi duam ñi wünen fotüm-ngen mu? (Gen. 25:31-34.)

2.  Chillkatual Genesis 26:34, 35; 27:1-46, ka 28:1-5.

   1.  ¿Chumngechi pengeli Esaw ñi illamtufiel püllütu dungu mew? (Gen. 26:34, 35; 27:46.)

   2.  Jakob ñi llowal Ngünechen ñi kümelkan, ¿chem pieyew Isaak ñi femal? (Gen. 28:1-4.)

3.  Chillkatual Ebrew 12:16, 17.

   ¿Chem dungu pengeleiñmew Esaw ñi inayen dungu, ñi rupayal tati pu che illamtukefiel lif kümeke dungu Ngünechen mu?

18 Nütram

Jakob amuy Aran mapu mew

1.  ¿Iney am ta tüfachi üllcha domo mülelu adentun mu, ka chumi Jakob kidu mew?

2.  ¿Chem femi Jakob ñi niewal Rakel engu?

3.  ¿Chumi Laban akulu ti antü Jakob ñi kurengeafiel Rakel?

4.  ¿Chumi Jakob ñi pepi kurengeafiel Rakel engu?

Ka ramtun dungu:

1.  Chillkatual Genesis 29:1-30.

   1.  Tunte ngünenkafeyew Laban, ¿chumngechi pengeli Jakob ñi ekufalngen, ka chem kimeltuafeiñmew tüfa? (Gen. 25:27; 29:26-28; Mat. 5:37.)

   2.  ¿Chumngechi pengeli Jakob ñi inayen dungu ñi rüf piwkeyefiel? (Gen. 29:18, 20, 30; Cant. de Cant. 8:6.)

   3.  ¿Chem meli domo koneltuy Jakob ñi reñma (pu che) mew, ka tañi eluetew yall (püñeñ)? (Gen. 29:23, 24, 28, 29.)

19 Nütram

Jakob ñi fütra reñma

1.  ¿Iney pingekefuy Jakob ñi kayu fotüm ñi nieel tañi wünen domo, Lea?

2.  ¿Chem epu fotüm niefuy Jakob Silpa mew, Lea ñi küdawelkeetewchi domo?

3.  ¿Iney pingekefuy Jakob ñi epu fotüm ñi nieel Bila engu, Rakel ñi küdawelkeetewchi domo?

4.  ¿Chem epu püñeñ choyüy (llegi) Rakel, welu chem dungu rupay püñeñlu ñi inan püñeñ?

5.  Chem pengeli ti adentun, ¿tunten fotüm niefuy Jakob, ka chem trokiñ che tuwi fey engün?

Ka ramtun dungu:

1.  Chillkatual Genesis 29:32-35; 30:1-26, ka 35:16-19.

   Femngechi pengeli Jakob ñi mari epu fotüm, ¿chumngechi üytungekey pu ebrew pichikeche kuyfi mu?

2.  Chillkatual Genesis 37:35.

   Biblia üytuy Dina müten, ¿chumngechi kimiyiñ Jakob ñi doy nien pu ñawe? (Gen. 37:34, 35.)

20 Nütram

Dina koni weda dungu mu

1.  ¿Chumngelu (chemu) ayükelafuy Abraam ka Isaak ñi kurengeal ñi fotüm engu Kanaan che mapu mu?

2.  ¿“Kümey” pi Jakob, ñi ñawe ñi weniyefiel Kanaan domo che?

3.  ¿Iney am feychi wentru mülelu adentun mu adkintuniefi Dina, ka chem weda dungu femi?

4.  ¿Chumingu Simeon ka Levi (Dina ñi pu lamngen) allkülu engu tüfachi dungu rupalu?

5.  ¿Ayüwi Jakob ñi femün Simeon ka Levi?

6.  ¿Chumngechi tuwi kom wedake dungu tüfachi reñma mu?

Ka ramtun dungu:

1.  Chillkatual Genesis 34:1-31.

   1.  Dina ñi witran-niel Kanaan mapu tuwchi pu domo, ¿kiñechi rupafuy müten? Feypinge (Gen. 34:1).

   2.  ¿Chumngelu feypiafuyiñ Dina ka kelluntüku reke ñi müntuñmangeal ñi kim wentrunon ngen? (Gal. 6:7.)

   3.  ¿Chumngechi pu weke che pengelafuyngün famülke mew, ñi piwkentükual Dina ñi inayentunoafiel ñi inaelchi dungu? (Pro. 13:20; 1 Kor. 15:33; 1 Juan 5:19.)

21 Nütram

Jose ñi pu peñi üdeeyew

1.  ¿Chumngelu (chemu) ütrirniefingün Jose tañi pu peñi, ka chumingün?

2.  ¿Chem ayükefuy ñi femafiel engün Jose ñi pu peñi, welu chem pi Ruben?

3.  ¿Chem rupay akulu kiñeke ngillakakelu Ismael chi pu che?

4.  Ñi chaw ñi rakiduamal, ¿chumi am Jose ñi pu peñi, ti Jose ñi lan?

Ka ramtun dungu:

1.  Chillkatual Genesis 37:1-35.

   1.  ¿Chumngechi pu kristiano inayentuafuy Jose ñi femün, ñi feypial mülele wedake dungu trawüluwkelu mew? (Gen. 37:2; Lev. 5:1; 1 Kor. 1:11.)

   2.  Jose ñi pu peñi, ¿chem dungu yeeyew ñi ngünenkafiel ñi peñi engün? (Gen. 37:11, 18; Pro. 27:4; Sant. 3:14-16.)

   3.  ¿Chumi Jakob ñi pewfaluwün ñi layeluwün mew? (Gen. 37:35.)

22 Nütram

Jose tukungey karsel mu

1.  ¿Chumten tripantu niey Jose yengelu Egipto mu, ka chem dungu rupay puwlu üyew?

2.  ¿Chumngelu (chemu) tukungey karsel mew Jose?

3.  ¿Chem falin küdaw elungey Jose karsel mew?

4.  ¿Chumi Jose ti nüfül kopakelu ka kofkekelu tati Faraon, petu mülelu karsel mu?

5.  ¿Chem dungu rupay entungelu feyti nüfül kopakelu tati karsel mu?

Ka ramtun dungu:

1.  Chillkatual Genesis 39:1-23.

   Jose ñi antü mu niekelafuy chaw Ngünechen ñi dungu wirintükungechi ley dungu kastigafilu ti ñiwanpe dungu, ¿chem kellueyew ñi lefmawafiel Potifar ñi kure? (Gen. 2:24; 20:3; 39:9.)

2.  Chillkatual Genesis 40:1-23.

   1.  Pichin feypiafuymi feyti nüfül kopakelu ñi pewma, ka chem ñi pietew Jewba Jose ñi pewma mu (Gen. 40:9-13).

   2.  ¿Chem pewma niefuy ti kofkekelu, ka chem ñi pifel? (Gen. 40:16-19.)

   3.  Famülke mew, ¿chumngechi pu dullingelu (ngümintungelu) kristiano inayentukefi Jose ñi rakiduam? (Gen. 40:8; Sal. 36:9; Juan 17:17; Ech. 17:2, 3.)

   4.  ¿Chumngechi küme kimeltuy Genesis 40:20, tati pu kristiano ñi chumngentufiel ti puwültripantun kawiñ mew? (Ecl. 7:1; Mar. 6:21-28.)

23 Nütram

Faraon ñi pu pewma

1.  ¿Chem dungu rupay Faraon kiñe pun?

2.  ¿Chumngelu (chemu) ama ti nüfül kopakelu tukulpafi ta Jose?

3.  Chumngechi pengeli ti adentun, ¿chem epu pewma niey Faraon?

4.  Jose, ¿chem pi tüfachi epu pewma tañi chem pilen?

5.  Egipto mu, ¿chumngechi Jose inan doy falin wentru ngerputuy Faraon mu?

6.  ¿Chumngelu Jose ñi pu peñi amurkeyngün Egipto mu, ka chumngelu kimlaeyew engün?

7.  ¿Chem pewma tukulpay Jose, ka chem kellueyew ñi kimal?

Ka ramtun dungu:

1.  Chillkatual Genesis 41:1-57.

   1.  Jose, ¿chumngechi küme pengeli ñi allkütuafiel Jewba, ka chumngechi iñchiñ pu kristiano ngen inayentuafuyiñ tañi femün? (Gen. 41:16, 25, 28; Mat. 5:16; 1 Ped. 2:12.)

   2.  ¿Chumngechi trürümafuyiñ fachantü, kuyfi feytichi Egipto reke, regle tripantu fentren iyael (yagel) müley, ka regle tripantu ngelay, ka fachantü Ngüne­chen ñi pu che fentren püllütu iyael niey, welu feypikelu ‘kristiano ngen’ femngelay, fey engün fillaley püllütun mu? (Gen. 41:29, 30; Amós 8:11, 12.)

2.  Chillkatual Genesis 42:1-8 ka 50:20.

   ¿Kümepeafuy chi am kiñe che poyeniefilu Jewba lloyünagle itrotripa kangelu doy falichi che mu, ñi pengelafiel ñi falin-ngen ka ñi yamfiel, wimkülele ñi fempeyüm feychi mapu mew? (Gen. 42:6.)

24 Nütram

Jose pengeli chumngen tañi pu peñi

1.  ¿Chumngelu (chemu) Jose dalluntükufi ñi pu peñi ñi ngüneytumapuyawün engün?

2.  ¿Chumngelu eluwi ñi inan fotüm Benjamin, ñi amual Egipto mu?

3.  ¿Chumngechi puy Jose ñi plata kopa Benjamin ñi saku mu?

4.  ¿Chem ‘tami duamün, iñche feman’ pi Juda ñi neykümngeal Benjamin?

5.  ¿Chemu kimkoni Jose ñi pu peñi?

Ka ramtun dungu:

1.  Chillkatual Genesis 42:9-38.

   ¿Chumngelu (chemu) tüfa Jose ñi dungu mülelu Genesis 42:18 mew, kümey ñi tukulpangeal feyti pu longkolelu Jewba ñi pu feyentulelu fachantü mu? (Ne. 5:15; 2 Kor. 7:1, 2.)

2.  Chillkatual Genesis 43:1-34.

   1.  Ruben wünenkülechi fotüm ngellefule, ¿chumngechi küme pengeli Juda ñi rangiñelwe ngen tañi peñi mu? (Gen. 43:3, 8, 9; 44:14, 18; 1 Cró. 5:2.)

   2.  Trokifiel mu, ¿chumngechi Jose kintukaduami ñi pu peñi, ka chumngelu? (Gen. 43:33, 34.)

3.  Chillkatual Genesis 44:1-34.

   1.  Tañi pu peñi mew kimfalünoal Jose, ¿chumngechi pewfaluwi? (Gen. 44:5, 15; Lev. 19:26.)

   2.  Jose ñi pu peñi, ¿chumngechi pengeli, tañi ütrirkawenon kuyfi reke ñi niekefel engün tañi peñi mew? (Gen. 44:13, 33, 34.)

25 Nütram

Ti reñma wiñamtuwi engün Egipto mu

1.  ¿Chem dungu rupay Jose feypifilu ñi pu peñi ñi iney ngen?

2.  Jose, ¿chem feypifi ñi pu peñi tañi küme dungufiel?

3.  ¿Chem pi Faraon allkülu ñi küpalu Jose ñi pu peñi?

4.  ¿Chumten reñma niefuy Jakob puwlu Egipto mu?

5.  ¿Iney pingekefuy Jakob ñi pu reñma, ka chumngelu (chemu)?

Ka ramtun dungu:

1.  Chillkatual Genesis 45:1-28.

   ¿Chumngechi pengeli Biblia tüfachi dungu ñi rupan Jose, Jewba eluñmay tüfachi dungu wedalkafuy reke ñi pu kona, welu Jewba elukey tañi küme triparpual tüfachi dungu? (Gen. 45:5-8; Isa. 8:10; Fili. 1:12-14.)

2.  Chillkatual Genesis 46:1-27.

   ¿Chumngechi Jewba yafültükufi ta Jakob ñi amual Egipto mu? (Gen. 46:1-4, pefinge nota mülelu versikulo 4.)

26 Nütram

Job turpu püntüwlay Ngünechen mew

1.  ¿Iney am ta Job?

2.  ¿Chem ayürkefuy ñi femal Satana? ¿Küme tripay ñi dungu?

3.  ¿Chem eluñmay Jewba Satana ñi femal, ka chumngelu?

4.  ¿Chumngelu feypieyew Job ñi domo “Malisiafinge ta Ngünechen, ka lange”?(Adkintufinge chi adentun).

5.  Chumngechi peafuymi ti inan adentun mu, ¿chumngechi Jewba kümelkafi Job, ka chumngelu?

6.  Iñchiñ püntüwnoliyiñ Jewba mew Job reke, ¿chem kümelkan llowayiñ?

Ka ramtun dungu:

1.  Chillkatual Job 1:1-22.

   Pu kristiano, ¿chumngechi inayentuafuy Job fachantü? (Job 1:1; Fili. 2:15; 2 Ped. 3:14.)

2.  Chillkatual Job 2:1-13.

   Job ñi domo engu, ¿chumngechi kaley ñi femün engu kayñetuelumu Satana? (Job 2:9, 10; Pro. 19:3; Miq. 7:7; Mal. 3:14.)

3.  Chillkatual Job 42:10-17.

   1.  ¿Chemu femngey ñi llowün Job ka ñi llowün Jesu, ñi küme inanien ñi kom mongen mew tañi püntünon Ngünechen mew? (Job 42:12; Fili. 2:9-11.)

   2.  ¿Chumngechi yafüluwafeiñmew taiñ kimün ñi kümelkan ñi llowün Job tañi püntüwnoel Ngüne­chen mew? (Job 42:10, 12; Ebr. 6:10; Sant. 1:2-4, 12; 5:11.)

27 Nütram

Kiñe weda wentru ngünenielu Egipto mu

1.  ¿Iney am ti wentru nielu ti koron mülelu adentun mu, ka iney am wülelniefi?

2.  ¿Chumtuy pu Israel che dew lalu Jose?

3.  ¿Chumngelu (chemu) pu Egipto che llükaniefingün pu Israel che?

4.  Faraon, ¿chem werküfi pu domo ñi kellukefiel pu Israel domo ñi püñeñal?

Ka ramtun dungu:

1.  Chillkatual Éxodo 1:6-22.

   1.  ¿Chumngechi Jewba femngechi entunierpufi, ñi feypikünufiel ta Abraam? (Éxo. 1:7; Gen. 12:2; Hech. 7:17.)

   2.  ¿Chumngechi pu ebrew püñeñelchefe, pengelkefuy ñi yamniefiel chi mongen Chaw Ngünechen mu küpalu? (Éxo. 1:17; Gen. 9:6.)

   3.  ¿Chumngechi mañumtungey pu püñeñelchefe domo ñi rume küme feyentun Jewba müten? (Éxo. 1:20, 21; Pro. 19:17.)

   4.  ¿Chumngechi kintuy Satana ñi katrütuafiel Jewba ñi piel mu, feychi Abraam ñi maneluwün Choyün?  (Éxo. 1:22; Mat. 2:16.)

28 Nütram

Montuy ti pichiche Moyse

1.  ¿Iney am ti pichiche mülelu adentun mu, ka iney am nünieñmafi ñi changüll kuwü?

2.  ¿Chumi Moyse ñi ñuke ñi langümüñmangenoal?

3.  ¿Iney am ti pichi (püchü) domo mülelu adentun mu, ka chumi?

4.  Pefilu ti pichiche Faraon ñi ñawe, ¿chem feypieyew Miriam?

5.  ¿Chem feypifi ti falin üllcha domo ta Moyse ñi ñuke?

Ka ramtun dungu:

1.  Chillkatual Éxodo 2:1-10.

   ¿Chumngechi Moyse ñi ñuke wiño nürputuy ñi kimeltuafiel ka ñi tremümafiel Moyse pichichengelu, ka chem pengeleymu tañi inawentual tati pu chaw ka ñuke famülke mew? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

29 Nütram

Chumngelu lefmawi Moyse

1.  ¿Chew tremi Moyse, welu chem kimi ñi rüf pu chaw?

2.  ¿Chumi Moyse nielu meli mari tripantu?

3.  ¿Chem feypifi Moyse ta kiñe Israel che ñi wülelmekefiel kangelu wentru, ka chem wiñoldungueyew?

4.  ¿Chumngelu (chemu) lefmawi Moyse Egipto mu?

5.  ¿Chew lefmawi Moyse, ka iney am kimpuy üye mew?

6.  ¿Chumkefuy Moyse ñi meli mari tripantu mu, dew lefmawlu (lefentuwi) Egipto mu?

Ka ramtun dungu:

1.  Chillkatual Éxodo 2:11-25.

   Chumten fentren tripantu kimelngefuy Moyse Egipto ñi kimün, ¿chumngechi pengeli ñi püntütripanon Jewba mew ka ñi pu che mew? (Éxo. 2:11, 12; Ebr. 11:24.)

2.  Chillkatual Hecho 7:22-29.

   ¿Chem kimeltun kimafuyiñ Moyse kidu ñi newen mu, ingkafulu tañi pu che ka ñi entutuafiel ñi ngillan kona ngen engün Egipto mu? (Hech. 7:23-25; 1 Ped. 5:6, 10.)

30 Nütram

Kiñe pichi anümka af lüflay

1.  ¿Chem üy niey ti fütra wingkul mülelu ti adentun mu?

2.  ¿Chem afmatufal dungu pey Moyse amulu ti fütra wingkul ñi pu ufisa engün?

3.  ¿Chem pi ti dungun tripalu feyti pichi (püchü) anümka lululkülelu kütral mew, ka iney am ñi dungun tüfa?

4.  Ngünechen feypifilu Moyse ñi nentuafiel Ñi pu che Egipto mu, ¿chumngechi wiñoldunguy Moyse?

5.  Ramtungele Moyse: ‘¿Iney am werküeymew?’, ¿chem pieyew ta Ngünechen Moyse ñi wiñoldungual?

6.  ¿Chumngechi pengelafuy Moyse Ngünechen ñi werküetew?

Ka ramtun dungu:

1.  Chillkatual Éxodo 3:1-22.

   ¿Chumngelu elunieeiñmu maneluwün dungu Moyse ñi femün, tunte kiñekechi mew puwnoalu trokiwliyiñ taiñ femal kiñengelu küdaw Ngünechen mu, Jewba eluaeiñmew ñi kellun? (Éxo. 3:11, 13; 2 Kor. 3:5, 6.)

2.  Chillkatual Éxodo 4:1-20.

   1.  ¿Chumngechi kangeley ñi rakiduam Moyse mülepulu meli mari tripantu Madian mew, ka chumngechi kimelafeiñmew ñi ayükeel ñi dial doy falin küdaw trawüluwkelu mew? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2.  Ngülameliñmew Jewba ñi pu longkolelu mew, ¿chem maneluwün eluafeiñmew Moyse ñi dungu ñi inayentuafiel? (Éxo. 4:12-14; Sal. 103:14; Ebr. 12:4-11.)

31 Nütram

Moyse ka Aaron amuyngu ñi pemeafiel Faraon

1.  Moyse ka Aaron femlu ti pu afmatun dungu, ¿chem dungu pi pu Israel che?

2.   Moyse ka Aaron, ¿chem pifi Faraon, ka chumngechi wiñoldungueyew Faraon?

3.  Chumngechi pengey ti adentun mu, ¿chem dungu rupay Aaron ütrüfnakümlu ñi retrü ti mapu mew?

4.  ¿Chem kimeltun Jewba elufi ta Faraon, ka chumngechi llowi Faraon?

5.  Rupalu chi mari fütra wedake dungu, ¿chem dungu rupay?

Ka ramtun dungu:

1.  Chillkatual Éxodo 4:27-31 ka 5:1-23.

   ¿Chem ayüfuy ñi pial Faraon feypilu: “Iñche ta kimlafiñ ta Jewba turpu”? (Éxo. 5:2; 1 Sam. 2:12; Rom. 1:21.)

2.  Chillkatual Éxodo 6:1-13, 26-30.

   1.  Abraam, Isaak, ka Jakob, ¿chem dungu mew kimkelayngün Jewba mu? (Éxo. 3:13, 14; 6:3; Gen. 12:8.)

   2.  Moyse küme adümnoalu trokifuy elfalkünuelchi küdaw, ¿chem piafuyiñ Jewba ka femngechi püne­eyew? (Éxo. 6:12, 30; Luk. 21:13-15.)

3.  Chillkatual Éxodo 7:1-13.

   1.  Moyse ka Aaron llükalelay engu yenielu Jewba ñi pu ramtukadungu ta Faraon, ¿chem inayentualchi dungu elkünuy Ngünechen ñi pu kona famülke mew? (Éxo. 7:2, 3, 6; Hech. 4:29-31.)

   2.  ¿Chumngechi pengeli Jewba ñi doy newengen kakelu Egipto ñi pu koyla dio? (Éxo. 7:12; 1 Cró. 29:12.)

32 Nütram

Tati mari fütra wedake dungu

1.  Adkintufinge chi adentun, feypifinge chem ti wünen küla fütra wedake dungu Jewba elufi Egipto mapu mew.

2.  ¿Chum kaley tati küla wünen fütra wedake dungu, ka ti kakelu engün?

3.  ¿Chuchi ama chi meli, kechu ka kayu tati fütra wedake dungu ñi rupan?

4.  ¿Chuchi ama chi regle, pura ka aylla tati fütra wedake dungu?

5.  ¿Chem feypifi Jewba ta pu Israel che ñi femal, petu ñi akunon mari fütra weda dungu ñi rupan?

6.  ¿Chem am chi mari fütra weda dungu, ka chem dungu rupay?

Ka ramtun dungu:

1.  Chillkatual Éxodo 7:19–8:23.

   1.  Fütake kalku che Egipto mu pepi ka femi ti epu wünen fütra wedake dungu wülkelu Jewba, ¿chem pi dew pefilu ti küla fütra weda dungu? (Éxo. 8:18, 19; Mat. 12:24-28.)

   2.  ¿Chumngechi pengeli ti meli fütra weda dungu Jewba ñi pepiluwün ñi ingkañpeafiel ñi pu che, ka chumngechi ñi duamkülen ta Ngünechen ñi pu trokiñ che, ñi puñmayafiel feychi küpalechi “fütra kutrankawün”? (Éxo. 8:22, 23; Apo. 7:13, 14; 2 Cró. 16:9.)

2.  Chillkatual Éxodo 8:24; 9:3, 6, 10, 11, 14, 16, 23-25, ka 10:13-15, 21-23.

   1.  ¿Chem epu trokiñ pengelelfi feychi pu longkolechi religioso ka ti Longkolelu Egipto mu rupalu ti mari fütra wedake dungu mew, ka femngechi famülke mew, chem pepi femlay feytichi epu trokiñ che? (Éxo. 8:10, 18, 19; 9:14.)

   2.  Éxodo 9:16, ¿chumngechi kellukeeiñmew taiñ küme kimal, chumngelu (chemu) Jewba elkünufi Weküfü amuley ñi mongeleal? (Rom. 9:21, 22.)

3.  Chillkatual Éxodo 12:21-32.

   ¿Chumngechi kellurpuy tüfachi Paskua fentren che ñi montual, ka chem pengelnierpuy? (Éxo. 12:21-23; Juan 1:29; Rom. 5:18, 19, 21; 1 Kor. 5:7.)

33 Nütram

Petu rumey nome Kelü Lafken mew

1.  ¿Tunten Israel wentru, kompañeyew pu domo ka pichikeche engün tripalu Egipto mu, ka iney am engün tripay kidu?

2.  Eluñmafilu ñi tripayal pu Israel che, ¿chem rakiduami Faraon, ka chumi?

3.  ¿Chumi Jewba ñi katrütuafiel pu Egipto che ñi lefkontuafiel tañi pu che?

4.  Moyse maychikünulfilu ñi retrü Kelü Lafken mew, ¿chem dungu rupay, ka chumi pu Israel che?

5.  Konpulu pu Egipto che ti lafken mew ñi inafiel pu Israel che, ¿chem dungu rupay?

6.  ¿Chumngechi pengeli pu Israel che ñi ayüwkülen ka mañumfiel Jewba ñi montuletew?

Ka ramtun dungu:

1.  Chillkatual Éxodo 12:33-36.

   ¿Chumi Jewba ta ñi pu che ñi kullingeal kom tripantu mew ñi ngillan kona ngen Egipto mu? (Éxo. 3:21, 22; 12:35, 36.)

2.  Chillkatual Éxodo 14:1-31.

   ¿Chumngechi kellueiñmew Moyse ñi dungu mülelu Éxodo 14:13, 14 famülke mew ta Jewba ñi pu kona, kimnielu tañi fülpan ti awkan (weychan) Armagedon mu? (2 Cró. 20:17; Sal. 91:8.)

3.  Chillkatual Éxodo 15:1-8, 20, 21.

   1.  ¿Chumngelu (chemu) müley ñi ülkantuafiel Jewba ñi pu kona? (Éxo. 15:1, 2; Sal. 105:2, 3; Apo. 15:3, 4.)

   2.  ¿Chem küme inawentual wülkey Miriam ka ti kakelu domo Kelü Lafken mew, ta pu kristiano domo famülke mew ñi wenuñpüramafiel Jewba ñi üy? (Éxo. 15:20, 21; Sal. 68:11.)

34 Nütram

Kiñe we iyael

1.  ¿Chem ñimitumekey tati pu che mülelu adentun mu, ka chem pingekey tüfa?

2.  ¿Chem dungu kimelfi Moyse pu Israel che ñi ñimitual mana?

3.  Jewba, ¿chem feypifi ñi pu che ñi femal kayu antü mew, ka chumngelu (chemu)?

4.  ¿Chem afmatun dungu femi Jewba echel-lu ti mana puwi ti regle antü mu?

5.  ¿Chumten tripantu mu Jewba elufi mana pu Israel che?

Ka ramtun dungu:

1.  Chillkatual Éxodo 16:1-36 ka Números 11:7-9.

   1.  ¿Chumngechi pengeli Éxodo 16:8 duamtufalün ti trawükelu mu, taiñ yamal üytungelu kiñe che ñi yenieel kiñe püllü küdaw? (Ebr. 13:17.)

   2.  ¿Chumngechi tukulpanielngey pu Israel che fill antü wellin mapu mu, Jewba ñi duam mew kümeletuyngün? (Éxo. 16:14-16, 35; Deu. 8:2, 3.)

2.  Chillkatual Josue 5:10-12.

   ¿Chumten tripantu ingün mana pu Israel che, chumngechi kintukaduameyew engün tüfa, ka chem kimafuyiñ tüfachi nütram? (Éxo. 16:35; Núm. 11:4-6; 1 Kor 10:10, 11.)

35 Nütram

Jewba wüli ñi werkün dungu

1.  Epe epu küyen tripalu Israel che Egipto mu, ¿chew umarpuy (umañpoy) engün?

2.  ¿Chem ayüy Jewba ñi femal ñi pu che, ka chumngechi wiñoldunguy engün?

3.  ¿Chumngelu (chemu) Jewba elufi ta Moyse epu llingüd kura?

4.  Dew wül-lu Jewba Mari Werkün Dungu, ¿ka chem ley dungu elufi Israel che?

5.  ¿Chem epu ley dungu ‘doy falin-ngey’ pi Jesukristo?

Ka ramtun dungu:

1.  Chillkatual Éxodo 19:1-25; 20:1-21; 24:12-18, ka 31:18.

   ¿Chumngechi kelluaeiñmew tati dungu mülelu Éxodo 19:8 mu, taiñ kimal chem pifel ñi kristiano wüluwal ñi mongen? (Mat. 16:24; 1 Ped. 4:1-3.)

2.  Chillkatual Deuteronomio 6:4-6; Levítico 19:18, ka Matew 22:36-40.

   ¿Chumngechi pengeli pu kristiano ñi piwkeyefiel Ngünechen ka tañi chafche? (Mar. 6:34; Hech. 4:20; Rom. 15:2.)

36 Nütram

Ti pichi milla kulliñ

1.  ¿Chummekeyngün ta che mülelu ti adentun mu, ka chumngelu (chemu)?

2.  ¿Chumngelu illkuley Jewba, ka chumi Moyse pefilu ñi femmekeel tati pu che?

3.  Moyse, ¿chem feypifi ta kiñeke wentru ñi femal?

4.  ¿Chem kimeltueiñmew tüfachi nütram?

Ka ramtun dungu:

1.  Chillkatual Éxodo 32:1-35.

   1.  Chumngechi pengeli tüfachi nütram, ¿chem rakiduamkey Jewba ñi reyülngeken kiñe koyla poyen ka rüf poyen? (Éxo. 32:4-6, 10; 1 Kor. 10:7, 11.)

   2.  ¿Chem ta kuñiwtükun müley ñi nieal tati pu kristiano ñi dullial (ngümintual) ñi adngelluwün dungu, chumngechi ti ül ka ti purun? (Éxo. 32:18, 19; Efe. 5:15, 16; 1 Juan 2:15-17.)

   3.  ¿Chumngechi elkünuy Levi ñi trokiñ reñma mew tuwlu kiñe küme femün, ñi küme ingkañpen ti nor dungu mew? (Éxo. 32:25-28; Sal. 18:25.)

37 Nütram

Kiñe tolto ruka ñi poyeam

1.  ¿Chem am ta tüfachi fütra tolto ruka mülelu adentun mu, ka chemu kümey?

2.  ¿Chumngelu (chemu) Jewba feypifi ta Moyse ñi dewmayafiel küdawngenoal ñi müchay tewfungetuam (wichan-ngetoal)?

3.  ¿Chem am chi ti kakon ponwitu mülelu ti tolto ruka ñi pichi (püchü) katrüntüku mew, ka chem nie­fuy?

4.  ¿Iney (iñi) am Jewba dullifi ñi longko saserdote ngeal, ka chem koneltuy ñi küdaw?

5.  ¿Chem küla chemkün müley doy fütra katrüntüku ti tolto ruka mu?

6.  ¿Chem epu chemkün müley ti tolto ruka ñi lepün mew, ka chemu kümey?

Ka ramtun dungu:

1.  Chillkatual Éxodo 25:8-40; 26:1-37; 27:1-8, ka 28:1.

   ¿Chem pengelniey pu kerubin mülelu wente ti kakon ñi elngepeyüm pu tukulpayam Chaw Ngünechen ñi elkünulelfiel (elkünulfel) pu Israel che? (Éxo. 25:20, 22; Núm. 7:89; 2 Rey. 19:15.)

2.  Chillkatual Éxodo 30:1-10, 17-21; 34:1, 2, ka Ebrew 9:1-5.

   1.  ¿Chumngelu (chemu) Jewba feypikafi pu saserdote küdawkelu ti tolto ruka mew ñi falin, ñi küme liftual ñi kuerpu ka ñi takun, ka chumngechi müley taiñ peafiel iñchiñ tüfa? (Éxo. 30:18-21; 40:30, 31; Ebr. 10:22.)

   2.  ¿Chumngechi pengeli apostol Pablo ti fütra tolto ruka ka ti Ley eldungu, faliwelay feychi antü mu wirintükufilu ñi chillka pu Ebrew kristiano? (Ebr. 9:1, 9; 10:1.)

38 Nütram

Ti mari epu ellka-ngüneduammapufe

1.  ¿Chem pimi ti pu kütrüng ufad (ofad) mülelu adentun mu? ¿Chew küpalngey?

2.  Moyse, ¿chumngelu (chemu) werküfi mari epu ellka-ngüneduammapufe ñi ngüneduamal Kanaan mapu mu?

3.  ¿Chem pingün ti mari ellka-ngüneduammapufe wiñotulu Moyse mew?

4.  ¿Chumngechi pengeli epu ellka-ngüneduammapufe ñi maneluwün Jewba mew, ka iney pingeyngu?

5.  ¿Chumngelu (chemu) illkuy Jewba, ka chem pifi ta Moyse?

Ka ramtun dungu:

1.  Chillkatual Números 13:1-33.

   1.  ¿Iney (iñi) engün am dullingey (ngümintungey) ñi ellka-ngüneduammapual, ka chem müna küme dungu femafel engün niefuyngün? (Núm. 13:2, 3, 18-20.)

   2.  ¿Chumngelu (chemu) Josue ka Kaleb kalekefuy ñi rakiduam kakelu ellka-ngüneduammapufe mu, ka chem kimeltueiñmew tüfa? (Núm. 13:28-30; Mat. 17:20; 2 Kor. 5:7.)

2.  Chillkatual Números 14:1-38.

   1.  ¿Chem kimeltuniengeyiñ taiñ kuñiwtükuwküleal, ñi dunguyenoal Jewba ñi elkünuelchi wentru ñi longkoleal Mapu mew, müley taiñ feyentual? (Núm. 14:2, 3, 27; Mat. 25:40, 45; 1 Kor. 10:10.)

   2.  ¿Chumngechi pengeli Números 14:24 ta Jewba kidu duamtuniefi kiduke ñi pu kona? (1 Rey. 19:18; Pro. 15:3.)

39 Nütram

Aaron ñi retrü rayüy

1.  ¿Iney (iñi) engün am wentruwelfi Moyse ka ­Aaron mu ñi longkongen, ka chem pingey am Moyse?

2.  Moyse, ¿chem pifi am Kore ka tañi epu pataka kechu mari inaniekeetew ñi femal?

3.  Moyse, ¿chem pifi am pu Israel che, ka chem dungu rupay dunguwenolu?

4.  ¿Chem dungu rupay am Kore mu, ka tañi epu pataka kechu mari inaniekeetew?

5.  ¿Chumi Eleasar, Aaron ñi fotüm, fey chi pu lachi che ñi lüpümpefuyüm füchotun lawen, ka chumngelu?

6.  ¿Chumngelu am Jewba rayülfi Aaron ñi retrü? (Adkintufinge ti adentun).

Ka ramtun dungu:

1.  Chillkatual Números 16:1-49.

   1.  ¿Chumi Kore ka tañi inaniekeetew engün, ka chumngelu ñi wentruwelfiel Jewba? (Núm. 16:9, 10, 18; Lev. 10:1, 2; Pro. 11:2.)

   2.  ¿Chem weda rakiduam tukurpuyngün Kore ka ti epu pataka kechu mari “longkolelu ti trawün mu”? (Núm. 16:1-3; Pro. 15:33; Isa. 49:7.)

2.  Chillkatual Números 17:1-11 ka 26:10.

   1.  Rayülu Aaron ñi retrü, ¿chem dungu pengeli tüfa, ka chumngelu feypi Jewba ñi elkünungeal ti tukulpangepeyüm kakon mew? (Núm. 17:5, 8, 10; Ebr 9:4.)

   2.  ¿Chem küme falin kimeltun entuafuyiñ ñi pengelün Aaron ñi retrü? (Núm. 17:10; Hech. 20:28; Fili. 2:14; Ebr. 13:17.)

40 Nütram

Moyse trawawfi ti lil fütra kura

1.  Petu mülelu wellin mapu mew tati pu Israel che, ¿chumngechi ngünaytueyew Jewba?

2.  ¿Chumngelu (chemu) lladküy tati pu Israel che lelfün Kade pingechi mapu mu umapulu (umañpulu)?

3.  ¿Chumngechi Jewba elufi ko tati pu che ka pu kulliñ?

4.  ¿Iney am feychi wentru mülelu ti adentun mu di­chulwi (dechilwi) kidu mu, ka chumngelu femmekey?

5.  ¿Chumngelu Jewba lladkütuniefi Moyse ka Aaron, ka chem kutrankawün elufi ñi femün engu?

6.  ¿Chem dungu rupay Or pingechi fütra wingkul mew, ka iney am longko saserdote ngerpuy Israel mew?

Ka ramtun dungu:

1.  Chillkatual Números 20:1-13, 22-29 ka Deuteronomio 29:5.

   1.  ¿Chem kimeltunieeiñmew chumngechi Jewba ngüneytukefi tati pu Israel che ti wellin mapu mew? (Deu. 29:5; Mat. 6:31; Ebr. 13:5; Sant. 1:17.)

   2.  ¿Chumngechi pey Jewba ñi rume yamnoetew ­Moyse ka Aaron pu Israel che mu? (Núm. 20:12; 1 Kor. 10:12; Apo. 4:11.)

   3.  ¿Chem kimeltuafeiñmew chumngechi duami ­Moyse ñi ngülamtudunguetew Jewba? (Núm. 12:3; 20:12, 27, 28; Deu. 32:4; Ebr. 12:7-11.)

41 Nütram

Tati kofrechi filu

1.  Ti adentun mu, ¿chem lliwüdküley mamüll mew, ka chumngelu (chemu) Jewba feypifi ta Moyse ñi elkünuafiel üye mew?

2.  ¿Chumngechi pengeli tati pu che ñi mañumnofiel Ngünechen ñi femkeetew?

3.  Jewba pewfalulelfilu engün ti fenenungechi pu filu ñi kastigayafiel engün, tüfachi pu che ¿chem pifi Moyse ñi femal?

4.  ¿Chumngelu Jewba feypifi ta Moyse ñi dewmayal kiñe kofre filu?

5.  ¿Chem kimeltueiñmew tüfachi nütram?

Ka ramtun dungu:

1.  Chillkatual Números 21:4-9.

   1.  Pu Israel che ñi lladkütufiel Jewba ñi wülkeel dungu mu, ¿chem ngüfetun (kimeltun) dungu peiñ tüfa? (Núm. 21:5, 6; Rom. 2:4.)

   2.  Küpalechi fentren tripantu mew, ¿chumngechi pu Israel che pünekefi ti kofre filu, ka chumürpuy ti longkolelu Esekia? (Núm. 21:9; 2 Rey. 18:1-4.)

2.  Chillkatual Juan 3:14, 15.

   Tüfachi kofre filu ñi tukungeal kiñe mamüll mew ñi pengeal, ¿chumngechi pengeli ñi felerpuam Jesukristo ñi langümngeal? (Gal. 3:13, TNM; 1 Ped. 2:24, TNM.)

42 Nütram

Kiñe furiku dunguy

1.  ¿Iney (iñi) am ta Balak, ka chumngelu (chemu) werküy ñi yemengeal Balaam?

2.  ¿Chumngelu trananakümuwi Balaam ñi furiku (burro) ti rüpü mew?

3.  ¿Chem allküy Balaam ti furiku ñi feypietew?

4.  ¿Chem pieyew Balaam kiñe werken püllü?

5.  ¿Chem dungu rupay Balaam ayüfulu ñi malisiayafiel tati pu Israel che?

Ka ramtun dungu:

1.  Chillkatual Números 21:21-35.

   ¿Chumngelu wewfi tati pu Israel che ta Seon, ti longko pu Amoreo che, ka Og ti longko Basan mapu mew? (Núm. 21:21, 23, 33, 34.)

2.  Chillkatual Números 22:1-40.

   ¿Chem dungu niefuy Balaam ñi malisiayafiel ta ti pu Israel che, ka chem kimeltun kimafuyiñ tüfa mew? (Núm. 22:16, 17; Pro. 6:16, 18; 2 Ped. 2:15; Jud. 11.)

3.  Chillkatual Números 23:1-30.

   Poyekefilu reke Jewba dungukefuy Balaam, ¿chumngechi pengeli welulen ñi femün? (Núm. 23:3, 11-14; 1 Sam. 15:22.)

4.  Chillkatual Números 24:1-25.

   ¿Chumngechi yafülaeiñmew Biblia ñi nütram taiñ mupiltun ta Jewba ñi duamün ta feleal? (Núm. 24:10; Isa. 54:17.)

43 Nütram

Josue longko ngerpuy

1.  Ti adentun mu, ¿iney am chi tati epu wentru mülelu Moyse engu?

2.  ¿Chem am feypieyew Jewba ta Josue?

3.  ¿Chumngelu (chemu) püray Moyse ti wechun Nebo fütra wingkul mew, ka chem feypieyew Jewba?

4.  Lalu Moyse, ¿chumten tripantu niefuy?

5.  ¿Chumngelu weñangküleyngün tati pu che, welu chem dungu nieyngün ñi ayüwküleal?

Ka ramtun dungu:

1.  Chillkatual Números 27:12-23.

   ¿Chem falin küdaw elufi Jewba ta Josue, ka chumngechi pengelniey Jewba ñi duamtuniefiel ñi pu che famülke mew? (Núm. 27:15-19; Hech. 20:28; Ebr. 13:7.)

2.  Chillkatual Deuteronomio 3:23-29.

   ¿Chumngelu Jewba eluñmalafi Moyse ka Aaron ñi konal tati Mapu feypikünungelu ñi elungeal, ka chem kimeltueiñmew (kimeleleiñmew)? (Deu. 3:25-27; Núm. 20:12, 13.)

3.  Chillkatual Deuteronomio 31:1-8, 14-23.

   ¿Chumngechi pengeli Moyse chalitu dungufilu Israel mew, ka ñi ñom piwke mew ñi llowün Jewba ñi ngülamtudunguetew? (Deu. 31:6-8, 23.)

4.  Chillkatual Deuteronomio 32:45-52.

   ¿Chumngechi Ngünechen ñi Dungu müley ñi konal taiñ mongen mew? (Deu. 32:47; Lev. 18:5; Ebr. 4:12.)

5.  Chillkatual Deuteronomio 34:1-12.

   Moyse chumkawnorume pelafi ñi chumngen Jewba, ¿chem pengeli Deuteronomio 34:10 ñi küme tutewkülen Ngünechen engu? (Éxo. 33:11, 20; Núm. 12:8.)

44 Nütram

Raab ellkay ti epu ellka-ngüneduammapufe

1.  ¿Chew mülekefuy Raab?

2.  ¿Iney engu am ti epu wentru mülelu ti adentun mu, ka chumngelu (chemu) müleyngu Jeriko mew?

3.  Feyti Longkolelu Jeriko mu ¿chem dungu feypifi ta Raab ñi femal, ka chumngechi llowdunguy kidu?

4.  ¿Chumngechi kellufi Raab tati epu wentru, ka chem fürenen dungu feypifi?

5.  Tati epu ellka-ngüneduammapufe, ¿chem maneluwün dungu elelfingu Raab?

Ka ramtun dungu:

1.  Chillkatual Josue 2:1-24.

   ¿Chumngechi küme triparpuy Jewba ñi maneluwün dungu mülelu  Éxodo 23:28, tati pu Israel che amulu ñi kewayal Jeriko mu? (Jos. 2:9-11.)

2.  Chillkatual Ebreo 11:31.

   Raab ñi femün, ¿chumngechi pengeli ñi doy falintun tati mupiltun? (Rom. 1:17; Ebr. 10:39; Sant. 2:25.)

45 Nütram

Petu rumeyngün Jordan lewfü mew

1.  ¿Chem afmatun dungu femi Jewba tati pu Israel che ñi pepi noam lewfü Jordan mew?

2.  Pu Israel che ñi pepi noam Jordan lewfü mew, ¿chem dungu müley ñi femal engün ñi pengelal ñi mupiltun?

3.  ¿Chumngelu (chemu) Jewba feypifi ta Josue ñi nüal mari epu fütrake kura ponwitu (pütra kon) lewfü mu?

4.  Tripalu pu saserdote Jordan lewfü mu, ¿chem dungu rupay?

Ka ramtun dungu:

1.  Chillkatual Josue 3:1-17.

   1.  Chumngechi pengeli tüfachi nütram, ¿chem müley taiñ femal taiñ llowal Jewba ñi kellun ka ñi kümelkan? (Jos. 3:13, 15; Pro. 3:5; Sant. 2:22, 26.)

   2.  Pu Israel che rumelu ti Jordan lewfü mu ñi puwal Feypikünungeelchi Mapu, ¿chumngechilekefuy ti lewfü, ka chumngechi wenupürami Jewba ñi üy tüfa? (Jos. 3:15; 4:18; Sal. 66:5-7.)

2.  Chillkatual Josue 4:1-18.

   Tati mari epu kura nüngey Jordan lewfü mew ka elkünungelu Guilgal pingechi waria mew, ¿chumal am femngey? (Jos. 4:4-7, 19-24.)

46 Nütram

Jeriko ñi wallmalechi kura malal

1.  ¿Chem feypifi Jewba ñi femal tati pu awkafe (wey­chafe) ka tati pu saserdote kayu antü mu?

2.  ¿Chem müley ñi femal tati pu wentru regle antü mu?

3.  Chumngechi pengen-ngey ti adentun mu, ¿chem rupaley Jeriko ñi fütrake malal kurangelu mu?

4.  ¿Chumngelu (chemu) pültrüley kiñe kelü def fentana (pelontuwe) mew?

5.  ¿Chem feypifi Josue pu awkafe (weychafe) ñi femal kom pu che ka ti waria, ka chem müley ñi femal engün kom tati plata, milla (oro), ti kofre ka ti pañilwe mew?

6.  Chi epu ellka-ngüneduammapufe, ¿chem werküngey ñi femal?

Ka ramtun dungu:

1.  Chillkatual Josue 6:1-25.

   1.  Tati pu Israel che ñi trekayawün ina Jeriko ti re­gle antü mu, ¿chemu trürümfali tüfachi dungu, ñi femken tati pu dungukelu iney ngen Jewba ñi amul dungulen tüfachi pichilewechi antü mew? (Jos. 6:15, 16; Isa. 60:22; Mat. 24:14; 1 Kor. 9:16.)

   2.  ¿Chumngechi mupiy ti pelon dungu mülelu Josue 6:26 mu dew rupalu kechu pataka tripantu, ka chem kimeltueiñmew tüfa Jewba ñi dungu mew? (1 Rey. 16:34; Isa. 55:11.)

47 Nütram

Müley kiñe weñefe Israel mu

1.  Ti adentun mew, ¿iney am chi wentru petu rüngali kiñe falin-ngechi chemkün nümelu Jeriko mew, ka iney engün am petu kellueyew?

2.  ¿Chumngelu (chemu) am rume wedalkay ñi femün Akan ka ñi pu che engün?

3.  Ramtulu Josue: ‘¿Chumngelu (chemu) wewngey pu Israel che kewafilu Ay pingechi waria?’, ¿chem pi­eyew Jewba?

4.  ¿Chem dungu rupay Akan ka ñi pu che yengelu engün Josue mu?

5.  Chem falin kimeltun kimiyiñ tañi rupan ta Akan?

Ka ramtun dungu:

1.  Chillkatual Josue 7:1-26.

   1.  ¿Chem pengeli Josue ñi llellipun ñi tutewkülen Jewba engu? (Jos. 7:7-9; Sal. 119:145; 1 Juan 5:14.)

   2.  ¿Chem pengeleiñmew Akan ñi femün, ka chumngechi ngüfetueiñmew taiñ upewküleal? (Jos. 7:11, 14, 15; Pro. 15:3; 1 Tim. 5:24; Ebr. 4:13.)

2.  Chillkatual Josue 8:1-29.

   Famülke mew iñchiñ kimliyiñ yafkale kiñe kristiano trawüluwkelu mu, ¿chumafuyiñ kiduke iñchiñ taiñ femal? (Jos. 7:13; Lev. 5:1; Pro. 28:13.)

48 Nutram

Tati pu kimke Gabaon che

1.  ¿Chemu kangeyngün pu Gabaon che ka ti pu Kanaan che püllekeleyechi (püchü tripalechi) pu waria mu?

2.  Chumngechi tami pen ti adentun mu, ¿chumi pu Gabaon che, ka chumngelu (chemu)?

3.  Josue ka tati longkolelu pu Israel che, ¿chem feypikünufi tati pu Gabaon che, welu chem perpuy engün küla antü mew?

4.  ¿Chumi engün pu longkolelu kakelu waria mu, kimlu engün tati pu Gabaon che kümelkawlu pu Israel che engün?

Ka ramtun dungu:

1.  Chillkatual Josue 9:1-27.

   1.  Jewba dew feypifilu ti pu Israel che “ñi apümafiel itrokom che mülelu feychi mapu mew”, ¿chuchi ñi chumngen pengeli ñi wiñoduamtufiel pu ­Gabaon che? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2.  Puwülu ñi pifiel pu Gabaon che, ¿chumngechi ­Josue elkünuy kiñe küme inawentun dungu famülke mew tati pu kristiano mew? (Jos. 9:18, 19; Mat. 5:37; Efe. 4:25.)

2.  Chillkatual Josue 10:1-5.

   ¿Chumngechi inawentuafuy pu Gabaon che fachantü tati fütra trokiñ che? Feymu ¿ka chem dungu mew rupalemekey? (Jos. 10:4; Zac. 8:23; Mat. 25:35-40; Apo. 12:17.)

49 Nütram

Tüngnagi chi antü

1.  Ti adentun mu, ¿chem pimekey Josue, ka chumngelu (chemu)?

2.  ¿Chumngechi Jewba kellufi ta Josue ka tañi pu awkafe (weychafe) engün?

3.  ¿Chumten kayñeke rey wewi Josue, ka chumten antü mu?

4.  Josue, ¿chumngelu wüdamkafi Kanaan mapu?

5.  Lalu Josue, ¿chumten tripantu niefuy, ka chem dungu mu rupay pu che wüla?

Ka ramtun dungu:

1.  Chillkatual Josue 10:6-15.

   ¿Chem maneluwün elunieiñmew kimal Jewba ñi katrütufiel Antü ka Küyen Israel ñi duam mu? (Jos. 10:8, 10, 12, 13; Sal. 18:3; Pro. 18:10.)

2.  Chillkatual Josue 12:7-24.

   ¿Iney (iñi) am rüf wewfi chi pu küla mari kiñe rey Kanaan mu, ka chumngelu (chemu) rume falin-ngey iñchiñ mew fachantü? (Jos. 12:7; 24:11-13; Deu. 31:8; Luk. 21:9, 25-28.)

3.  Chillkatual Josue 14:1-5.

   ¿Chumngechi wüdamelfi chi mapu pu trokiñ reñma Israel mew, ka chem pengeli tüfa ñi chumngeal koneltulechi mapu mew ti Küme Rumel Mülewe mew? (Jos. 14:2; Isa. 65:21; Ese. 47:21-23; 1 Kor. 14:33.)

4.  Chillkatual Jueces 2:8-13.

   Josue reke Israel mu, fewla ¿iney engün am pünengekey ñi katrütuafiel chi püntütripalu (tripatulu) rüf poyewün Ngünechen mew (apostasia)? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)

50 Nütram

Epu domo llükakenolu

1.  ¿Iney (iñi) engün am pu kues, ka iney pingey kiñeke?

2.  ¿Chem sakin küdaw niey Debora, ka chem dungu mu koneltuy?

3.  Aneltuniel pu Israel che ti longko Jabin ka tañi longkolelu pu awkafe (weychafe), Sisara, Jewba ¿chem werken dungu elufi Debora tañi eluafiel ta chi kues Barak, ka iney am “sakin-ngeay” pi?

4.  ¿Chumngechi pengeli Jael llükakenochi domo ngen?

5.  Lalu ti longkolelu Jabin, ¿chem dungu rupay wüla?

Ka ramtun dungu:

1.  Chillkatual Jueces 2:14-22.

   ¿Chumngelu (chemu) Jewba lladkütufi pu Israel che, ka chem kimeltun entuayiñ tüfa mu? (Jue. 2:20; Pro. 3:1, 2; Ese. 18:21-23.)

2.  Chillkatual Jueces 4:1-24.

   Ñi femün Debora ka Jael ñi mupiltun ka ñi llükakenon, fewla ¿chem kimeltun entuafuyngün ti pu kristiano domo? (Jue. 4:4, 8, 9, 14, 21, 22; Pro. 31:30; 1 Kor. 16:13.)

3.  Chillkatual Jueces 5:1-31.

   Barak Debora engu reke ñi wewkayñen ülkantun, ¿chem ngillatuafuyiñ llellipun mu tüfachi küpalechi awkan (weychan) Armegedon mew? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21.)

51 Nütram

Rut ka Noemi

1.  ¿Chumngelu (chemu) Noemi amuy Moab ñi mapu mu?

2.  ¿Iney am engu Rut ka Orpa?

3.  Noemi feypifilu Rut ka Orpa ñi wiñotual ñi pu che, ¿chumngechi llowdunguyngu?

4.  ¿Iney am Boas, ka chumngechi kellufi Rut ka ­Noemi?

5.  ¿Iney pingey am ñi yall Boas ka Rut, ka chumngelu müley taiñ tukulpayafiel?

Ka ramtun dungu:

1.  Chillkatual Rut 1:1-17.

   1.  ¿Chem küme ad piwkeyewün kümelkalel feypi Rut? (Rut 1:16, 17.)

   2.  ¿Chumngechi pengeli Rut ñi piwke rakiduam, famülke mew ka femngechi “kakelu pu ufisa” ñi chumpefiel tati mülewechi dullingelu (ngümintungelu)? (Juan 10:16; Zac. 8:23.)

2.  Chillkatual Rut 2:1-23.

   ¿Chumngechi Rut ñi femkeel feyta kiñe küme inayentun famülke mew tati pu üllchake domo? (Rut 2:17, 18; Pro. 23:22; 31:15.)

3.  Chillkatual Rut 3:5-13.

   1.  ¿Chumngentuy Boas Rut ñi fütayaetew, welu doyümlay kiñe weche wentru?

   2.  ¿Chem kimeltueiñmew Rut ñi femngen ti piwkeyewün kümelkalen chi dungu mu? (Rut 3:10; 1 Kor. 13:4, 5.)

4.  Chillkatual Rut 4:7-17.

   ¿Chumngechi pepi inayentuafuy Boas pu kristiano wentru? (Rut 4:9, 10; 1 Tim. 3:1, 12, 13; 5:8.)

52 Nütram

Gedeon ka ñi küla pataka wentru

1.  ¿Chem wedake dungu nieyngün pu Israel che, ka chumngelu (chemu)?

2.  Jewba, ¿chumngelu feypifi ta Gedeon “nieymi rumeñma pu awkafe (weychafe)”?

3.  Dew Gedeon ñi feypiel: “Tuchi llükalelu, amutupe ñi ruka mu”, ¿chumten wentru mülewey?

4.  Chumngechi pengeli ti adentun mu, ¿chumngechi Jewba dullilefi (ngümintulefi) Gedeon ñi pu awkafe ñi müleal küla pataka wentru müten?

5.  ¿Chumngechi Gedeon adkünuy ñi pu küla pataka wentru, ka chumngechi wewi Israel ñi awkan (weychan)?

Ka ramtun dungu:

1.  Chillkatual Jueces 6:36-40.

   1.  ¿Chumngechi Gedeon “rüf feley” pi, Jewba ñi feypietew?

   2.  ¿Chumngechi ngüneduamafuyiñ famülke mew Jewba taiñ feypinieetew? (Pro. 2:3-6; Mat. 7:7-11; 2 Tim. 3:16, 17.)

2.  Chillkatual Jueces 7:1-25.

   1.  ¿Chem kimeltueiñmew feyti pu küla pataka wentru ñi ngüneduamkülen, ka ti kakelu ñi upewtuwkülenon engün? (Jue. 7:3, 6; Rom. 13:11, 12; Efe. 5:15-17.)

   2.  Chumngechi tati küla pataka wentru ñi ngüneytufiel tañi longkolelu engün Gedeon, ¿chumngechi iñchiñ kimafuyiñ taiñ ngüneytuafiel taiñ Doykülelu Longko, Jesukristo? (Jue. 7:17; Mat. 11:29, 30; 28:19, 20; 1 Ped. 2:21.)

   3.  ¿Chumngechi kellueiñmew Jueces 7:21 taiñ ayüwküleal chew rume elkünungeliyiñ taiñ küdawal, Jewba ñi trawüluwkelu mu? (1 Kor. 4:2; 12:14-18; Sant. 4:10.)

3.  Chillkatual Jueces 8:1-3.

   Norümal ñi dungu kiñe peñi iñchiw, ¿chem kimeltueiñmew chumngechi Gedeon norümi ñi dungu ­Efrain che engün? (Pro. 15:1; Mat. 5:23, 24; Luk. 9:48.)

53 Nütram

Jefte ñi feypikünun

1.  ¿Iney (iñi) am Jefte, ka chem antü mu mongelekefuy?

2.  ¿Chem feypikünufi Jefte ta Jewba?

3.  Wiñotulu ñi ruka mu Jefte dew ñi wewfiel pu Amon che, ¿chumngelu (chemu) weñangküy?

4.  Kimlu Jefte ñi ñawe, chem pin tañi chaw, ¿chem pi?

5.  ¿Chumngelu am pu che piwkeyefi Jefte ñi ñawe?

Ka ramtun dungu:

1.  Chillkatual Jueces 10:6-18.

   ¿Chumngechi kimeltueiñmew Israel ñi püntünentumekefiel Jewba? (Jue. 10:6, 15, 16; Rom. 15:4; Apo. 2:10.)

2.  Chillkatual Jueces 11:1-11, 29-40.

   1.  Jefte ñi ñawe chalintükulu lüpümngelay, chumngechi lüpümngekefuy ti chalintükun kütral mew, ¿chumngechi kimiyiñ tüfa? (Jue. 11:31; Lev. 16:24; Deu. 18:10, 12.)

   2.  ¿Chum kimiyiñ Jefte wüli ñi ñawe kiñe chalintükun mañumtun reke?

   3.  Jefte ñi adgen ñi piwke, elufilu ñi piel Jewba mew, ¿chem kimeltueiñmew tüfa? (Jue. 11:35, 39; Ecl. 5:4, 5; Mat. 16:24.)

   4.  ¿Chumngechi pu wecheke kristiano inayentuafuy engün Jefte ñi ñawe fill antü küdawmekefiel Ngünechen? (Jue. 11:36; Mat. 6:33; Fili. 3:8.)

54 Nütram

Doy newen-ngechi wentru

1.  ¿Iney pingey ti doy newen-ngechi wentru mülekefulu, ka iney elueyew ta newen?

2.  Chumngechi pengeli tüfachi adentun, ¿chumfi ­Sanson kiñe rupa ti trapial (fücha peñi)?

3.  Ti adentun mu, ¿chem elkanielchi dungu Sanson feypifi Dalila, ka chumngelu (chemu) tüfa yeeyew ñi nüetew pu Filistea che?

4.  Feychi antü lalu Sanson, ¿chumngechi langümfi küla warangka kayñe Filistea che?

Ka ramtun dungu:

1.  Chillkatual Jueces 13:1-14.

   ¿Chumngelu (chemu) Manoa pingechi wentru ka tañi domo, küme inayentun dungu elkünulfi tati pu chaw ka ñuke ñi tremümafiel ñi pu yall? (Jue. 13:8; Sal. 127:3; Efe. 6:4.)

2.  Chillkatual Jueces 14:5-9 ka 15:9-16.

   1.  ¿Chem pengeli ñi femken Jewba ñi lif küme püllü mew, tüfachi nütram Sanson langümfilu kiñe trapial, katrüy we def ñi trarinieetew, ka püney tranga-tranga furiku mew ñi langümfiel kiñe warangka wentru?

   2.  Famülke mew, ¿chumngechi kellukeiñmew tati lif küme püllü? (Jue. 14:6; 15:14; Zac. 4:6; Hech. 4:31.)

3.  Chillkatual Jueces 16:18-31.

   ¿Chumngechi wedalkay ñi mongen Sanson ñi weda kompañ nielu, ka chem kimeltueiñmew tüfa? (Jue. 16:18, 19; 1 Kor. 15:33.)

55 Nütram

Kiñe pichi wentru poyefi Ngünechen

1.  Ti adentun mu, ¿iney pingey ti pichi wentru (püchü kampo), ka iney engün am kakelu?

2.  ¿Chem llellipun femi Ana kiñe antü witrankontumefilu chi fütra tolto ruka mew, ka chumngechi llowdungueyew Jewba?

3.  ¿Chumten tripantu niey Samuel yengelu ñi serfiafiel Jewba ñi tolto ruka mew, ka chumkey ñi ñuke fill tripantu?

4.  ¿Iney pingeyngu Eli ñi epu fotüm, ka chumngechi wentrungey engu?

5.  ¿Chumngechi Jewba mütrümfi Samuel, ka chem werkün dungu elufi?

6.  Trem wentrulu Samuel ¿chem ngerpuy, ka chem dungu rupay füchalu?

Ka ramtun dungu:

1.  Chillkatual 1 Samuel 1:1-28.

   1.  Elkana longkolelu ñi pu che mew ti rüf poyeafiel Ngünechen, ¿chem küme inayentun dungu wülkey tati pu longkolelu reñma mew? (1 Sam. 1:3, 21; Mat. 6:33; Fili. 1:10.)

   2.  ¿Chem kimeltueiñmew Ana chumngechi ñi traftuafiel kiñe rume weda dungu? (1 Sam. 1:10, 11; Sal. 55:22; Rom. 12:12.)

2.  Chillkatual 1 Samuel 2:11-36.

   ¿Chumngechi Eli doy püramyefi tañi epu fotüm Jewba mew, ka chumngechi kimeleiñmew ta müley taiñ kuñiwtuwküleal? (1 Sam. 2:22-24, 27, 29; Deu. 21:18-21; Mat. 10:36, 37.)

3.  Chillkatual 1 Samuel 4:16-18.

   ¿Chem meli rume wedake dungu akuleleyew awkan (weychan) mu, ka chumngechi duami Eli tüfachi werkün dungu mu?

4.  Chillkatual 1 Samuel 8:4-9.

   ¿Chumngechi Israel lladkülkafi Jewba, ka chumngechi rumel kelluntükuafuyiñ Ngünechen ñi Reyno mew fachantü? (1 Sam. 8:5, 7; Juan 17:16; Sant. 4:4.)

56 Nütram

Saul wünen rey Israel mew

1.  Ti adentun mu, ¿chummekey Samuel, ka chumngelu (chemu)?

2.  ¿Chumngelu Jewba ayükefi Saul, ka chumngechi wentru ngen?

3.  ¿Iney pingey Saul ñi fotüm, ka chumi?

4.  ¿Chumngelu wüli Saul kiñe chalintükun, welu üngümlafi Samuel ñi femafiel?

5.  ¿Chem kimeltumekeiñmew Saul ñi nütram?

Ka ramtun dungu:

1.  Chillkatual 1 Samuel 9:15-21 ka 10:17-27.

   ¿Chumngechi kelluy Saul ñi mallmallngenon ñi katrütufiel kiñe weda femün, ñi illamkaetew kiñeke wentru? (1 Sam. 9:21; 10:21, 22, 27; Pro. 17:27.)

2.  Chillkatual 1 Samuel 13:5-14.

   ¿Chem yafkan femi Saul Gilgal mew? (1 Sam. 10:8; 13:8, 9, 13.)

3.  Chillkatual 1 Samuel 15:1-35.

   1.  ¿Chem fente fütra yafkan femi Saul Agag ñi dungu mu, chi rey Amalek mu? (1 Sam. 15:2, 3, 8, 9, 22.)

   2.  ¿Chumngechi femi Saul ñi ngüfeñpewal, ka ñi femün ñi kulpatufiel kakelu che? (1 Sam. 15:24.)

   3.  Ngülamtungeliyiñ iñchiñ, ¿chem ngüfetun müley taiñ ngüneduamafiel? (1 Sam. 15:19-21; Sal. 141:5; Pro. 9:8, 9; 11:2.)

57 Nütram

Ngünechen dullifi ta David

1.  ¿Iney pingey ti weche wentru mülelu adentun mew, ka chumngechi kimiyiñ ñi llükakenochi wentru ngen?

2.  ¿Chew müley David, ka iney pingeyngu ñi chaw ka ñi laku?

3.  ¿Chumngelu (chemu) Jewba feypifi ta Samuel ñi amual Jese ñi ruka mew, Belen waria mu?

4.  ¿Chem dungu rupay Jese yelelfilu Samuel regle tañi pu fotüm?

5.  Jewba, ¿chem feypifi ta Samuel küpalelngelu ta David?

Ka ramtun dungu:

1.  Chillkatual 1 Samuel 17:34, 35.

   Tüfachi rupachi dungu, ¿chumngechi küme pengeli David ñi llükakenoel ka ñi maneluwkülen Jewba mew? (1 Sam. 17:37.)

2.  Chillkatual 1 Samuel 16:1-14.

   1.  ¿Chumngechi kellukeeiñmew Jewba ñi dungu tripalu 1 Samuel 16:7, taiñ dullitunoafiel kiñeke che müten ti pu kakelu mew, ka taiñ doyümnoafiel ta che ñi küme ad ngen müten? (Hech. 10:34, 35; 1 Tim. 2:4.)

   2.  ¿Chumngechi pengeli Saul ñi femün, Jewba wiñonentulu tañi lif küme püllü kiñe che mew, kiñe weda püllü welukonkey, ka feypingey, kiñe weda rakiduam koni ponwi mu ñi wedalkayafiel? (1 Sam. 16:14; Mat. 12:43-45; Gal. 5:16.)

58 Nütram

David ka Goliat

1.  Goliat, ¿chumngechi kintukaduamfi pu Israel awkafe (weychafe)?

2.  ¿Chumten alüpüray Goliat? Saul, ¿chem mañumtun wülay feytichi wentru langümalu?

3.  Saul feypifilu David: ‘Pepi femlayafuymi tami kewayafiel Goliat, eymi am pichi weche wentru ngeymi’, ¿chumngechi wiñoldunguy David?

4.  David llowdungufilu Goliat, ¿chumngechi pengeli David ñi maneluwün Jewba mew?

5.  Chumngechi pengeli ti adentun mu, ¿chem pünekey David ñi langümafiel Goliat, ka chem dungu rupay wüla pu Filistea che mew?

Ka ramtun dungu:

1.  Chillkatual 1 Samuel 17:1-54.

   1.  ¿Chumngelu (chemu) llükakenochi wentru ngey David, ka chumngechi inayentuafuyiñ ñi llükakenon? (1 Sam. 17:37, 45; Efe. 6:10, 11.)

   2.  ¿Chumngelu pu kristiano müley ñi kiñepülekünual kom notukadungungechi duam, Goliat reke, koneltule awkantun dungu, kam kakelu ayekantun dungu mew? (1 Sam. 17:8; Gal. 5:26; 1 Tim. 4:8.)

   3.  ¿Chumngechi David ñi feypin pengelkey ñi maneluwün Ngünechen ñi kellukeetew? (1 Sam. 17:45-47; 2 Cró. 20:15.)

   4.  ¿Chumngechi pengelkey Biblia tüfachi awkan koneltulu pu koylake dio ka ti rüfngechi Ngünechen, Jewba? (1 Sam. 17:43, 46, 47.)

   5.  Ti pu dullingelu (ngümintungelu) mülewelu Mapu mu, ¿chumngechi inayentufi David ñi femken, ñi pengelkeel maneluwün Jewba mew? (1 Sam. 17:37; Jer. 1:17-19; Apo. 12:17.)

59 Nütram

Chumngelu lefmawi David

1.  ¿Chumngelu (chemu) Saul ütrirfi David, welu chem mew ñi fotüm Jonatan kaley?

2.  Kiñe antü mu David dungulelfilu arpa Saul mew, ¿chem dungu rupay?

3.  ¿Chem feypifi Saul ta David müley ñi femal petu ñi kurengenon ñi ñawe Mikal, ka chumngelu feypifi?

4.  Chumngechi pengeli ti adentun, kiñe antü David dungulelfilu ti arpa Saul, ¿chem dungu rupay küla rupa mew?

5.  ¿Chumngechi Mikal montulfi David ñi mongen, ka chem müley ñi femal David regle tripantu mu?

Ka ramtun dungu:

1.  Chillkatual 1 Samuel 18:1-30.

   1.  ¿Chumngechi Jonatan ñi rumel piwkeyefiel David, pengeli reke ti piwkeyewün ta niewingu ti “kakelu pu ufisa” ka chi “pichi kechan”? (1 Sam. 18:1; Juan 10:16; Luk. 12:32; Zac. 8:23.)

   2.  Jonatan nürpuafulu ñi nieel Saul, ¿chumngechi küme pengelkey 1 Samuel 18:4 tañi afmatufalchi feyentun ñom wentru ngen feychi dullingelu ñi rey ngeal?

   3.  ¿Chumngechi pengeli Saul ñi femün, chi ütriruwün yerpuafuy doy fütrake yafkan, ka chem kimeltueiñmew tüfachi rupachi dungu? (1 Sam. 18:7-9, 25; Sant. 3:14-16.)

2.  Chillkatual 1 Samuel 19:1-17.

   Trafmawtulu Jonatan Saul engu, ¿chumngechi kuñiwüngechi dungu mu tukuy ñi mongen? (1 Sam. 19:1, 4-6; Prov. 16:14.)

60 Nütram

Abigail ka David

1.  Ti adentun mu, ¿iney pingey chi domo ñi trafmeafiel David, ka chem ad niey?

2.  ¿Iney am Nabal?

3.  ¿Chumngelu (chemu) David werküfalfi ñi füreneaetew Nabal?

4.  Nabal, ¿chem feypifi David ñi pu wentru, ka chumngechi llowdunguy David?

5.  ¿Chumngechi pengeli Abigail ñi kim domo ngen?

Ka ramtun dungu:

1.  Chillkatual 1 Samuel 22:1-4.

   ¿Chem inawentun dungu pengeli David ñi pu reñma (pu che), chumngechi müley taiñ kelluwal welukonkechi kom taiñ kristiano peñiwen ka lamngenwen? (Pro. 17:17; 1 Tes. 5:14.)

2.  Chillkatual 1 Samuel 25:1-43.

   1.  ¿Chumngelu (chemu) tukulpangey Nabal ñi rume illamka wentru ngen? (1 Sam. 25:2-5, 10, 14, 21, 25.)

   2.  Abigail ñi femün, ¿chem kimeltun kimafuy kom pu kristiana fütangelu? (1 Sam. 25:32, 33; Pro. 31:26; Efe. 5:24.)

   3.  ¿Chem epu weda dungu Abigail katrütufi David ñi femal? (1 Sam. 25:31, 33; Rom. 12:19; Efe. 4:26.)

   4.  David ñi femün dunguelumu Abigail, ¿chumngechi tüfa kellukefi pu wentru ñi peafiel chi pu domo chumngechi pekeel Jewba? (Hech. 21:8, 9; Rom. 2:11; 1 Ped. 3:7.)

61 Nütram

David Rey ngerpuy

1.  ¿Chumingu David ka Abisai petu ñi umawkülen Saul?

2.  David, ¿chem ramtufi ta Saul?

3.  David dew dungufilu Saul, ¿chew amuy?

4.  ¿Chumngelu (chemu) am müna weñangküy David, ka wirintükukünuy kiñe tuten-ngechi ül?

5.  ¿Chumten tripantu niey David konlu ñi reyngeal Ebron mew, ka iney pingey am kiñeke ñi pu fotüm?

6.  ¿Chew ngüneniey wüla David?

Ka ramtun dungu:

1.  Chillkatual 1 Samuel 26:1-25.

   1.  David ñi feypin mülelu 1 Samuel 26:11 mu, ¿chumngechi pengeli ñi yamkefiel Ngünechen ñi elkünuel chi dungu? (Sal. 37:7; Rom. 13:2.)

   2.  Newentuwliyiñ rüf piwke mu pengelelkefiyiñ kakelu pu che taiñ rüf piwkeyefiel, welu mañumngekelayiñ, ¿chumngechi kellukeeiñmew taiñ küme rakiduamal, David ñi dungu mülelu 1 Samuel 26:23 mu? (1 Rey. 8:32; Sal. 18:20.)

2.  Chillkatual 2 Samuel 1:26.

   ¿Chumngechi pu kristiano pepikayafuy ñi piwke ñi rume piwkeyewün welukentu David engu Jonatan reke? (1 Ped. 4:8; Kol. 3:14; 1 Juan 4:12.)

3.  Chillkatual 2 Samuel 5:1-10.

   1.  ¿Chumten tripantu ngüneniey David, ka chumngechi wüdaley ñi ngünenien? (2 Sam. 5:4, 5.)

   2.  ¿Chew küpay David ñi fampüramngen, ka chem tukulpakeeiñmew famülke mew tüfa? (2 Sam. 5:10; 1 Sam. 16:13; 1 Kor. 1:31; Fili. 4:13.)

62 Nütram

Wedake dungu David ñi ruka mu

1.  Jewba ñi kellun mew, ¿chem dungu rupay Kanaan mapu mew?

2.  ¿Chem dungu rupay kiñe ella trafia mew, mülelu David ñi wente ülmen ruka mew?

3.  Jewba, ¿chumngelu (chemu) rume lladkütufi David?

4.  Ti adentun mu, ¿iney am ti wentru werküeyew Jewba ñi feypiafiel David ñi yafkan mu, ka chem feypifi David ñi rupayal?

5.  ¿Chem wedake dungu niey David?

6.  David rey ngefuy, ¿iney am rey ngerpuy Israel mu lalu David?

Ka ramtun dungu:

1.  Chillkatual 2 Samuel 11:1-27.

   1.  Püneniengeliyiñ Jewba ñi dungu mew, ¿chumngechi ingkañpenieeiñmew?

   2.  ¿Chumngechi David fülkoni chi yafkan mew? Ka feychi dungu rupalu, ¿chem ngüfetunieeiñmew kom iñchiñ, Jewba ñi pu kona, famülke mew? (2 Sam. 11:2; Mat. 5:27-29, TNM; 1 Kor. 10:12; Sant. 1:14, 15.)

2.  Chillkatual 2 Samuel 12:1-18.

   1.  ¿Chem kimeltun kimafuy pu longkolelu trawüluwkelu mu, ka ti pu chaw ka pu ñuke, chumngechi ­Natan ñi ngülamtufiel David? (2 Sam. 12:1-4; Pro. 12:18; Mat. 13:34.)

   2.  ¿Chumngelu pengeli Jewba ñi kutranduamyefiel David? (2 Sam. 12:13; Sal. 32:5; 2 Kor. 7:9, 10.)

63 Nütram

Ti kim wentru rey Salomon

1.  Jewba, ¿chem ramtufi ta Salomon, ka chumngechi llowdungueyew?

2.  Jewba ayüfi ta Salomon ñi feypin, ¿chem feypifi ñi eluafiel?

3.  Ti epu domo, ¿chem küdawngechi dungu küpalelfi Salomon?

4.  Chumngechi pengeli ti adentun mu, ¿chumngechi Salomon trürümfi ti küdawngechi dungu?

5.  ¿Chumley ñi ngünen Salomon ka chumngelu (chemu)?

Ka ramtun dungu:

1.  Chillkatual 1 Reyes 3:3-28.

   1.  Pu wentru elungelu falinke küdaw Ngünechen ñi adkünun famülke mew, ¿chem kimafuy dungulu ­Salomon ñi piwke mu 1 Reyes 3:7 mu? (Sal. 119:105; Pro. 3:5, 6.)

   2.  Salomon ñi llellipun, ¿chumngelu kümey taiñ inayentungeal taiñ llellipuafiel femngechi dungu mew? (1 Rey. 3:9, 11; Pro. 30:8, 9; 1 Juan 5:14.)

   3.  ¿Chem maneluwün elukeeiñmew ti Wünen ­Salomon, Jesukristo ñi ngünenieal küpalechi antü mu, chumngechi Salomon apümfi ti epu domo ñi notukan dungu? (1 Rey. 3:28; Isa. 9:6, 7; 11:2-4.)

2.  Chillkatual 1 Reyes 4:29-34.

   1.  ¿Chumngechi Jewba llowdungufi Salomon ñi ngillatun, feypifilu: ‘Eluen kiñe feyentulechi piwke’? (1 Rey. 4:29.)

   2.  Chumngechi pu che ñi yafüluwün ñi allkütuafiel Salomon ñi kimün, ¿chem müley taiñ femal taiñ rakiduam mu chillkatufiliyiñ Ngünechen ñi Dungu mu? (1 Rey. 4:29, 34; Juan 17:3; 2 Tim. 3:16.)

64 Nütram

Salomon dewmay ngillatuwe ruka

1.  Salomon dewmafilu Jewba ñi ngillatuwe ruka, ¿chumten tripantu rupay, ka chumngelu (chemu) fentren falin plata mu tripay?

2.  ¿Chumten trokiñ katrüntüku müley ngillatuwe ruka mu, ka chem dungu elkünungey ti doy ponwi katrüntüku mu?

3.  Dew dewmafilu ti ngillatuwe ruka, ¿chem pi ­Salomon ñi llellipun mu?

4.  ¿Chumngechi pengeli Jewba ñi ayüwkülen ­Salomon ñi llellipun mu?

5.  Salomon ñi pu domo, ¿chem dungu diturpuy ñi femün, ka chem dungu mu rupay Salomon?

6.  ¿Chumngelu Jewba rume lladkütufi ta Salomon, ka chem feypifi?

Ka ramtun dungu:

1.  Chillkatual 1 Crónicas 28:9, 10.

   David ñi dungun wirintükulelu 1 Crónicas 28:9, 10, ¿chem müley taiñ femal newentun mu taiñ mongen fill antü mu? (Sal. 19:14; Fili. 4:8, 9.)

2.  Chillkatual 2 Crónicas 6:12-21, 32-42.

   1.  ¿Chumngechi pengeli Salomon kiñe ruka no rume wentru ñi dewman, pepi mülelayafuy ti Doy Alüpürachi Ngünechen? (2 Cró. 6:18; Hech. 17:24, 25.)

   2.  ¿Chem kimeltueiñmew Jewba mew, Salomon ñi dungu mülelu 2 Crónicas 6:32, 33 mu? (Hech. 10:34, 35; 1 Sam. 16:7.)

3.  Chillkatual 2 Crónicas 7:1-5.

   Femngechi Israel ñi pu yall pefilu Jewba ñi afmatufalchi pepiluwün amuley ñi püramyefiel kidu, ¿chem müley taiñ rakiduamal iñchiñ ñi peafiel Jewba ñi kümelkan tañi pu che mu? (2 Cró. 7:3; Sal. 22:22; 34:1; 96:2.)

4.  Chillkatual 1 Reyes 11:9-13.

   ¿Chumngechi pengeli Salomon ñi mongen mew, tañi rume falin taiñ turpu püntünoafiel Jewba mew? (1 Rey. 11:4, 9; Mat. 10:22; Apo. 2:10.)

65 Nütram

Ti reyno wüday

1.  Tati epu wentru mülelu ti adentun mu, ¿iney pingeyngu, ka iney engu am?

2.  ¿Chumi Aiya ñi takün yenielu, ka chumngelu (chemu) ñi femün?

3.  Salomon, ¿chem ayüfuy ñi femafiel ta Jeroboan?

4.  ¿Chumngelu tati pu che reykünufi ta Jeroboan ñi ngünenieafiel mari trokiñ reñma mu?

5.  ¿Chumngelu Jeroboan dewmay epu milla pichike toro, ka pichin mu müten, chem dungu rupay Mapu mu?

6.  ¿Chem dungu rupay ti reyno nielu epu trokiñ reñma, ka Jewba ñi ngillatuwe ruka Jerusalen mu?

Ka ramtun dungu:

1.  Chillkatual 1 Reyes 11:26-43.

   ¿Chumngechi chengey Jeroboan, ka chem feypieyew Jewba ñi rüf femal feyentufile Ñi feypin? (1 Rey. 11:28, 38.)

2.  Chillkatual 1 Reyes 12:1-33.

   1.  ¿Chem kimafuy tati pu chaw ka pu longkolelu ­Roboam ñi weda inayen, ñi weda püneafiel ñi ngünenien ngen? (1 Rey. 12:13; Ecl. 7:7; 1 Ped. 5:2, 3.)

   2.  ¿Iney mew pu wecheke müley ñi kintuafiel küme ngüyulün ñi küme dulliafiel (ngümintuafiel) falin dungu ñi mongen mu? (1 Rey. 12:6, 7; Pro. 1:8, 9; 2 Tim. 3:16, 17; Ebr. 13:7.)

   3. ¿Chumngelu Jeroboan elkünuy epu trokiñ chew ñi poyeafiel pichi (püchü) toro ñi adentun mu, ka chumngechi tüfachi femün pengeli mupiltungenon Jewba mew? (1 Rey. 11:37; 12:26-28.)

   4. ¿Iney am longkolerkefui ti mari trokiñ reñma reyno püntüwlu ti rüfngechi poyewün? (1 Rey. 12:32, 33.)

66 Nütram

Jesabel ti reyna rume weda piwkengey

1.  ¿Iney am ta Jesabel?

2.  Kiñe antü, ¿chumngelu (chemu) am weñangküley ti rey Akab?

3.  ¿Chumi Jesabel ñi küpalelafiel tañi füta Akab, Nabot ñi ufad mapu?

4.  Jewba, ¿iney am werküfi ñi kastigayafiel Jesabel?

5.  Chumngechi pengelkey adentun mu, ¿chem dungu rupay akulu Jeu ti Jesabel ñi ruka mu?

Ka ramtun dungu:

1.  Chillkatual 1 Reyes 16:29-33 ka 18:3, 4.

   Israel ñi felen ti rey Akab ñi antü mu, ¿chumte puwi ti wedake dungu? (1 Rey. 14:9.)

2.  Chillkatual 1 Reyes 21:1-16.

   1.  ¿Chumngechi Nabot pengeli ñi llükanche ngenon, ka ñi feyentuniefiel (müngeltuniefiel) Jewba? (1 Rey. 21:1-3; Lev. 25:23-28.)

   2.  Tüfachi dungu ñi rupan Akab mew, ¿chem kimeltueiñmew taiñ chumngechi chaftuafiel ti yewelkawün? (1 Rey. 21:4; Rom. 5:3-5.)

3.  Chillkatual 2 Reyes 9:30-37.

   ¿Chem kimeltueiñmew Jeu ñi rume ngan-ngewkülen ñi femal Jewba ñi pin mu? (2 Rey. 9:4-10; 2 Kor. 9:1, 2; 2 Tim. 4:2.)

67 Nütram

Jeosafat maneluwkey Jewba mu

1.  ¿Iney am ta Jeosafat, ka iney ñi antü mu mülekey?

2.  ¿Chumngelu (chemu) llükaleyngün tati pu ­Israel che, ka chumingün fentren kidu engün?

3.  ¿Chumngechi Jewba llowdungufi Jeosafat ñi llellipun?

4.  Petu ñi akunon chi awkan (weychan), ¿chumi Jewba?

5.  ¿Chem kimeltueiñmew Jeosafat ñi femün mu?

Ka ramtun dungu:

1.  Chillkatual 2 Crónicas 20:1-30.

   1.  Puñmale kiñe aneltun Ngünechen ñi pu kona, ¿chem müley ñi femal engün Jeosafat reke? (2 Cró. 20:12; Sal. 25:15; 62:1.)

   2.  Jewba rumel pünekey kiñe küdawpeyüm reke ñi kimeltudunguafiel tañi pu che engün, welu famülke mew ¿chuchi am chi pünekey? (2 Cró. 20:14, 15; Mat. 24:45-47; Juan 15:15.)

   3.  Tuwle Jewba tañi awkan ‘itrokom pepiluwün niechi Ngünechen ñi feypikünuel’, ¿chem mew taiñ rupayaetew trüray ta Jeosafat ñi rupan mu? (2 Cró. 20:15, 17; 32:8; Apo. 16:14, 16.)

   4.  Inayentuafiel pu Levi che, ¿chumngechi kellukey ti amul dungual Ngünechen ñi kümeke dungu kom wallon Mapu tati pu wünelelu, ka ti pu misionero ñi amul dungual mu? (2 Cró. 20:19; Rom. 10:13-15; 2 Tim. 4:2.)

68 Nütram

Epu pichi wentru wiñomongetuy

1.  ¿Iney engün am tüfachi küla che mülelu ti adentun mu, ka chem dungu mu rupay tati pichi wentru kiñe antü?

2.  ¿Chem ngillatuy Elia llellipun mu tüfachi pichi (püchü) wentru mu, ka chem dungu rupay feymu?

3.  ¿Iney pingey am ñi kellukeetew ta Elias?

4.  ¿Chumngelu (chemu) am mütrümfalngey Eliseo ñi amual kiñe Sunem domo ñi ruka mew?

5.  Dew lalu pichi wentru, ¿chumi Eliseo ka chem dungu rupay?

6.  ¿Chem newen niey Jewba, chumngechi pengelfi ti Elia ka Eliseo mu?

Ka ramtun dungu:

1.  Chillkatual 1 Reyes 17:8-24.

   1.  Elia ñi feyentun ka ñi mupiltun, ¿chumngechi pengelkey ñi chumngen? (1 Rey. 17:9; 19:1-4, 10.)

   2.  ¿Chumngelu feychi lantu domo Sarepta mu niey kiñe afmatufalchi mupiltun? (1 Rey. 17:12-16; Luk. 4:25, 26.)

   3.  ¿Chumngechi pengeli ti lantu domo Sarepta ñi rupachi dungu, ñi rüf ngen ñi feypin Jesu wirintükulelu Matew 10:41, 42? (1 Rey. 17:10-12, 17, 23, 24.)

2.  Chillkatual 2 Reyes 4:8-37.

   1.  ¿Chem kimeltueiñmew feychi Sunem domo ñi femün, ti küme llowafiel feychi witrankontulu taiñ ruka mu? (2 Rey. 4:8; Luk. 6:38; Rom. 12:13; 1 Juan 3:17.)

   2.  ¿Chem kümeke piwkeyen pengelafuyiñ Ngüne­chen ñi pu kona famülke mew? (Hech. 20:35; 28:1, 2; Gal. 6:9, 10; Ebr. 6:10.)

69 Nütram

Kiñe malen kellufi ülmen-ngechi wentru

1.  Ti pichi (püchü) malen mülelu ti adentun mew, ¿chem feypimekefi ti domo?

2.  ¿Iney am ti domo mülelu adentun mu, ka chumngelu (chemu) müley ti pichi malen kidu ñi ruka mu?

3.  Eliseo werkülu ñi kona, ¿chem pifalfi Naaman, ka chumngelu lladkünagi Naaman?

4.  Naaman allkütulu tañi kona, ¿chem dungu rupay?

5.  ¿Chumngelu llowlay Eliseo Naaman ñi yewün, welu chumi Geasi?

6.  ¿Chem dungu mu rupay Geasi, ka chem kimeltun kimeleiñmew ñi rupan?

Ka ramtun dungu:

1.  Chillkatual 2 Reyes 5:1-27.

   1.  ¿Chumngechi yafültükuafuy pu weche, ti Israel pichi malen ñi inayentun dungu? (2 Rey. 5:3; Sal. 8:2; 148:12, 13.)

   2.  Ngülamtueliyiñmew tuwlu Biblia mew, ¿chumngelu am kümey taiñ tukulpayal Naaman ñi rupachi dungu? (2 Rey. 5:15; Ebr. 12:5, 6; Sant. 4:6.)

   3.  Taiñ pekefiel ti Eliseo ñi femün welu kangey ñi femün Geasi, ¿chem kimeltueiñmew tüfa? (2 Rey. 5:9, 10, 14-16, 20; Mat. 10:8; Hech. 5:1-5; 2 Kor. 2:17.)

70 Nütram

Jona ka ti fütra challwa

1.  ¿Iney am ta Jona, ka chem werküeyew Jewba ñi femal?

2.  Jona pilay ñi amual chew ñi werküetew Jewba, ¿chem chumi?

3.  Jona, ¿chem pifi tati pu marineru tañi femal ñi tüngümal ti fütra kürüftüku mawün?

4.  Chumngechi pengelkey ti adentun mu, ¿chem dungu rupay ñamkonlu Jona lafken mu?

5.  ¿Chumteñma müley Jona ponwi ti fütra challwa ñi pütra, ka chumi üye mew?

6.  ¿Chew amuy Jona tripatulu wüla ti fütra challwa mew, ka chem kimeltueiñmew tüfa?

Ka ramtun dungu:

1.  Chillkatual Jona 1:1-17.

   Trokiwün mu, ¿chem rakiduamkefuy Jona ñi falin küdaw ñi amul dungulelafiel tati pu Ninife che? (Jon. 1:2, 3; Pro. 3:7; Ecl. 8:12.)

2.  Chillkatual Jona 2:1, 2, 10.

   ¿Chumngechi pengelkeeiñmew Jona ñi rupachi dungu, ta iñchiñ maneluwküleafuyiñ ta Jewba wiñol­dunguay taiñ llellipun? (Sal. 22:24; 34:6; 1 Juan 5:14.)

3.  Chillkatual Jona 3:1-10.

   1.  Jona wechurpulafuy rume tañi yefal dungu wünetu mu, ¿chumngechi yafültükueiñmew ta Jewba petu ñi pünenierpukefiel Jona? (Sal. 103:14; 1 Ped. 5:10.)

   2.  Petu ñi kimngenon ta che chew taiñ mülen iñchiñ, wedañma ngelu trokifiliyiñ iñchiñ, ¿chem kimeltu­eiñmew Jona ñi rupachi dungu ka ti Ninife che? (Jon. 3:6-9; Ecl. 11:6; Hech. 13:48.)

71 Nütram

Ngünechen feypikünuy ta müleay kiñe küme rumel mülewe

1.  ¿Iney am Isaia, chumül mongelefuy, ka chem pengeleyew Jewba?

2.  ¿Chem pifel chi dungu küme rumel mülewe, ka chem tukulpaeiñmew?

3.  Jewba, ¿chem feypifi ta Isaia ñi wirintükual ti we Küme Rumel Mülewe?

4.  ¿Chumngelu (chemu) Adan ka Eva ñamümi engu tañi tutengechi mülewe?

5.  ¿Chem feypikünuy Jewba feychi ñi pu piwkeyekeetew?

Ka ramtun dungu:

1.  Chillkatual Isaia 11:6-9.

   1.  ¿Chumngechi feypiley Ngünechen ñi Dungu ti küpalechi we mapu mu feleay tüngün pu che engün pu kulliñ? (Sal. 148:10, 13; Isa. 65:25; Ese. 34:25.)

   2.  Isaia ñi feypin ¿chem püllütun dungu wechurpuy ñi nieel tati Jewba ñi pu che famülke mew? (Rom. 12:2; Efe. 4:23, 24.)

   3.  ¿Iney am püramyefali ñi küme chumngetual ta che famülke mew, ka ti küpalechi we mapu mu? (Isa. 48:17, 18; Gal. 5:22, 23; Fili. 4:7.)

2.  Chillkatual Apokalipsi 21:3, 4.

   1.  ‘Ngünechen müleay tati pu che mew’ pi ta Biblia, ¿chumngechi pengelkey ti Wirin Chillka ta tüfachi dungu feypikey ta Ngünechen rüf mülepalayay che reke mapu mew? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24.)

   2.  ¿Chem trokiñke külleñu (külle) ka kutrantun apümkangeay? (Luk. 8:49-52; Rom. 8:21, 22; Apo. 21:4.)

72 Nütram

Ngünechen kellufi ta Esekia

1.  ¿Iney am tüfachi wentru mülelu adentun mu, ka chumngelu (chemu) müley wedake dungu mu?

2.  ¿Chem chillka (carta) elkünuy Esekia Ngünechen ñi adkin mew, ka chem ngillatufi llellipun mu?

3.  ¿Chumngechi rey ngey Esekia, ka chem werkün dungu elueyew Jewba, ti pelon wentru Isaia mu?

4.  Chumngechi pengeli ti adentun mu, ¿chumi Jewba ñi werken püllü tati pu Asirio che?

5.  Ti reyno nielu epu trokiñ reñma niekefuy pichiñma tüngün, ¿chem dungu rupay dew lalu Esekia?

Ka ramtun dungu:

1.  Chillkatual 2 Reyes 18:1-36.

   1.  ¿Chumngechi Rabsake, ti Asirio yedungufe, ayüy ñi newen-ngenoal pu Israel che ñi mupiltun? (2 Rey. 18:19, 21; Éxo. 5:2; Sal. 64:3.)

   2.  Pu Dungukelu iney ngen Jewba chaftule (traftule) ñi kayñetukeetew, ¿chumngechi inayefi Esekia ñi femün? (2 Rey. 18:36; Sal. 39:1; Pro. 26:4; 2 Tim. 2:24.)

2.  Leer 2 Reyes 19:1-37.

   1.  Mülele kutrankawün dungu famülke mew, ¿chumngechi Jewba ñi pu che inayefi Esekia ñi femün? (2 Rey. 19:1, 2; Pro. 3:5, 6; Ebr. 10:24, 25; Sant. 5:14, 15.)

   2.  ¿Chem küla rupa mew wewngey rey Senakerib, ka iney am pengelngey reke ti pelon dungu mu? (2 Rey. 19:32, 35, 37; Apo. 20:2, 3.)

3.  Chillkatual 2 Reyes 21:1-6, 16.

   ¿Chumngelu feypiafuyiñ ta Manase fey ta kiñe doy weda rey ngey tati pu ngünenielu Jerusalen mu? (2 Cró. 33:4-6, 9.)

73 Nütram

Ti afpun küme rey Israel mu

1.  Rey ngelu Josia ¿chumten tripantu niey, ka chumi fey wüla ñi ngünenien regle tripantu mu?

2.  ¿Chummekey Josia ti wünen adentun mu?

3.  ¿Chem pey ti longko saserdote petu küme elmekelu ti ngillatuwe ruka?

4.  ¿Chumngelu (chemu) Josia wichafi tañi takun?

5.  ¿Chem werkün dungu tuwlu Jewba mew ti pelon domo Ulda elufi ta Josia?

Ka ramtun dungu:

1.  Chillkatual 2 Crónicas 34:1-28.

   1.  Josia ¿chem küme inayentun dungu elufi kutrankawün mu rupalu petu ñi pichikeche ngen? (2 Cró. 33:21-25; 34:1, 2; Sal. 27:10.)

   2.  ¿Chem falin dungu femi Josia ñi doyümfiel ti rüf poyeafiel Ngünechen, tañi ngünenien rupalu pura, mari epu ka mari pura tripantu mu? (2 Cró. 34:3, 8.)

   3.  ¿Chem kimeltueiñmew ti rey Josia ka ti longko saserdote Ilkia ñi femün engu, taiñ rumel kümelka­niefiel chew iñchiñ taiñ poyekefiel Ngünechen? (2 Cró. 34:9-13; Pro. 11:14; 1 Kor. 10:31.)

74 Nütram

Kiñe wentru llükan nienolu

1.  ¿Iney am ti weche wentru mülelu ti adentun mu?

2.  ¿Chem rakiduami Jeremia ñi pelon wentru ngerpual, welu chem feypieyew Jewba?

3.  ¿Chem werkün dungu amuley ñi wülmekeel ­Jeremia tati pu che mew?

4.  ¿Chumngechi kintufuy tati pu saserdote ñi katrütuafiel Jeremia, welu chumngechi pengeli ñi llükanon?

5.  Tati pu Israel che pinolu ñi femwenoal wedake dungu, ¿chem dungu mu rupayngün?

Ka ramtun dungu:

1.  Chillkatual Jeremia 1:1-8.

   1.  Chumngechi pengeli Jeremia ñi femün, ¿chem pepikakefi kiñe che ñi serfiafiel Jewba? (2 Kor. 3:5, 6.)

   2.  Jeremia ñi femün mu, ¿chumngechi yafülkefi tati pu kristiano weke che? (Ecl. 12:1; 1 Tim. 4:12.)

2.  Chillkatual Jeremia 10:1-5.

   ¿Chem doy küme adkünu dungu püney Jeremia ñi pengelal ñi ngünam ngen ta maneluwafiel tati pu adentun poyengekey? (Jer. 10:5; Isa. 46:7; Hab. 2:19.)

3.  Chillkatual Jeremia 26:1-16.

   1.  Ti amul dungual Ngünechen ñi ngüfetu werkün dungu famülke mew, ¿chumngechi pu dullingelu (ngümintungelu) tukuy ñi piwke mew ti werkün dungu ta Jewba feypifilu ta Jeremia ‘nentukilnge kiñe dungu no rume tañi feypin’? (Jer. 26:2; Deu. 4:2; Hech. 20:27.)

   2.  ¿Chem küme inayentu dungu elelfi Jeremia tati pu Dungukelu iney ngen Jewba famülke mew, ñi dunguafiel Jewba ñi ngüfetu (feypikünun) werkün dungu fillke Mapu mu? (Jer. 26:8, 12, 14, 15; 2 Tim. 4:1-5.)

4.  Chillkatual 2 Reyes 24:1-17.

   ¿Chem weda weñangkün dungu rupay Juda püntülu Jewba mu? (2 Rey. 24:2-4, 14.)

75 Nütram

Meli wekeche wentru Babilonia mu

1.  ¿Iney engün ti meli wecheke wentru mülelu ti adentun mu, ka chumngelu (chemu) müley engün ­Babilonia mu?

2.  ¿Chem duam nielfi Nafukodonosor tati meli weche wentru, ka chem werkün dungu elufi tañi pu kona?

3.  ¿Chem iyael (yagel) ngillatuy Daniel ñi iyael, ka ñi pütual (pütokoal) kidu ka tañi küla weni engün?

4.  Dew rupalu mari antü mu ñi ikefiel fillke tukukan Daniel ka ñi küla weni engün, ¿chumleyngün trürümngelu kakelu pu pichike wentru engün?

5.  ¿Chumngelu (chemu) yengey Daniel ka tañi küla weni engün rey ñi ülmen ruka mu, ka chumngechi doy kümengey engün ta pu saserdote ka ti pu kim wentru mu?

Ka ramtun dungu:

1.  Chillkatual Daniel 1:1-21.

   1.  ¿Chem müley taiñ femal kiñe pülekünual wedake illun, ka taiñ wewal taiñ yafülngenon? (Dan. 1:8; Gen. 39:7, 10; Gal. 6:9.)

   2.  ¿Chumngechi mülerumeafuyngün ñi koneltual kiñeke weche wentru, kiñe dungu mew ina ayümayal engün ka dikümtükungeal, kiñeke feypikey ñi kümen ti wedalkan? (Dan. 1:8; Pro. 20:1; 2 Kor. 6:17–7:1.)

   3.  ¿Chem kellueiñmew kimpüramal tüfachi meli ebrew wekeche wentru ñi nütram engün, ñi nieal wentru kimeltun dungu? (Dan. 1:20; Isa. 54:13; 1 Kor. 3:18-20.)

76 Nütram

Jerusalen apümngey

1.  Ti adentun mu, ¿chem dungu rupaley Jerusalen ka ti pu Israel che?

2.  ¿Iney (iñi) am ta Esekiel, ka chem rume wedake dungu pengeleyew Jewba?

3.  Pu Israel che yamnofilu am Jewba, ¿chem feypikünuy Ngünechen?

4.  Fey wüla pu Israel che wentruwfilu ti rey ­Nafukodonosor, ¿chumi tüfachi rey?

5.  ¿Chumngelu (chemu) Jewba eluñmay tüfachi rume weda apümkangen tati pu Israel che?

6.  ¿Chumngelu mülewelay che Israel mapu mu, ka chumten tripantu mu?

Ka ramtun dungu:

1.  Chillkatual 2 Reyes 25:1-26.

   1.  ¿Iney am Sedekia, chem dungu mew rupay, ka chumngechi mupiy tüfa, kiñe pelon dungu Biblia mu? (2 Rey. 25:5-7; Ese. 12:13-15.)

   2.  Jewba, ¿iney am feypifi reke: ‘Eymi tami duam mu, inanielafimi Jewba lif piwke mu, fey mu Israel femi tüfachi wedake dungu’? (2 Rey. 25:9, 11, 12, 18, 19; 2 Cró. 36:14, 17.)

2.  Chillkatual Esekiel 8:1-18.

   Tati pu kristiano faluwkelu, ¿chumngechi inayentuy tati pu Israel che püntünentuwlu Jewba mew, ka poyeniekefi chi Antü? (Ese. 8:16; Isa. 5:20, 21; Juan 3:19-21; 2 Tim. 4:3.)

77 Nütram

Chem no rume pochongnakümlaeyew engün

1.  ¿Chem werkün dungu wüli Nafukodonosor, ti Babilonia rey?

2.  ¿Chumngelu (chemu) Daniel tañi pu küla weni pochongnagkülelayngün ti milla adentun mu?

3.  Nafukodonosor ka wiño feypifilu tüfachi küla Ebrew che ka kiñe rupa ñi pochongnagal engün, ¿chumngechi pengeli engün ñi maneluwün Jewba mew?

4.  ¿Chem dungu werküy Nafukodonosor tañi pu wentru ñi femafiel Sadrak, Mesak ka Abednego?

5.  Nafukodonosor lelikonlu ponwi ti rono (horno) mew, ¿chem pey?

6.  ¿Chumngelu ti rey fampüramfi Sadrak, Mesak ka Abednego engün ñi Ngünechen, ka chem küme inayentu dungu elueiñmew?

Ka ramtun dungu:

1.  Chillkatual Daniel 3:1-30.

   1.  Küla Ebrew wekeche wentru, ¿chem küme rakiduam nielu engün, müley taiñ inayentuafiel kom tati poyekefilu Ngünechen, chaftufile wedake dungu ñi pengelal taiñ kom rüf piwke ngen? (Dan. 3:17, 18; Mat. 10:28, TNM; Rom. 14:7, 8, TNM.)

   2.  ¿Chem falin dungu Jewba Ngünechen kimeltufi ta Nafukodonosor? (Dan. 3:28, 29; 4:34, 35.)

78 Nütram

Wirintungey trafruka mu

1.  ¿Chem dungu rupay wül-lu Babilonia rey kiñe fütra ilelkawün, ka pünefilu ti kopa ka tason koneltukelu Jewba ñi ngillatuwe ruka mu mülekefulu ­Jerusalen mew?

2.  Belsasar, ¿chem feypifi ñi pu kimche wentru, welu chem dungu pepi femlayngün?

3.  ¿Chem feypieyew ñi ñuke Belsasar ñi femal?

4.  Femngechi Daniel feypifi tati rey, ¿chumngelu Ngünechen femi kiñe kuwü wirintükuy ti trafruka mu?

5.  ¿Chumngechi feypi Daniel chem pilen ti dungu wirintükungelu ti trafruka mu?

6.  Petu ñi dungulen Daniel, ¿chem dungu rupay?

Ka ramtun dungu:

1.  Chillkatual Daniel 5:1-31.

   1.  Ngünechen ñi küme llükangeken, ka Belsasar ñi rume weda llükan pefilu ti wirintükun trafruka mu, ¿chem mew kaley ti epu llükan? (Dan. 5:6, 7; Sal. 19:9; Rom. 8:35-39.)

   2.  ¿Chumngechi pengeli Daniel dungufilu Belsasar ka ñi falin-ngechi pu che engün, ñi rume llükanofiel? (Dan. 5:17, 18, 22, 26-28; Hech. 4:29.)

   3.  ¿Chumngechi pengelkey Daniel ñi lifru kapitulo kechu mu, ta Jewba ñi ngünen ngen itrokom dungu mu? (Dan. 4:17, 25; 5:21.)

79 Nütram

Daniel rangiñkonküley pu trapial mu

1.  ¿Iney am ta Dario, ka chem rakiduamyefuy ta ­Daniel mu?

2.  ¿Chumi engün kiñeke ütrirfe wentru, ñi femal Dario?

3.  ¿Chumi Daniel kimlu ti we ley dungu?

4.  ¿Chumngelu (chemu) Dario rume weñangküy pepi umawtulay rume, ka chumi puliwen mu?

5.  Daniel, ¿chem wiñoldungufi ta Dario?

6.  ¿Chumngeyngün pu wedake wentru ayüfulu ñi langümangeal Daniel, ka chem dungu Dario wirintükuy kom ñi pu che mülelu ñi ngünenien mu?

Ka ramtun dungu:

1.  Chillkatual Daniel 6:1-28.

   1.  ¿Chumngechi tukulpakeyiñ Daniel ñi trürümdunguleletew, tati pu chaftufe ñi femken ñi ayüken ñi katrütuafiel tati pu dungukelu iney ngen Jewba ñi küdaw famülke mew? (Dan. 6:7; Sal. 94:20; Isa. 10:1; Rom. 8:31.)

   2.  Iñchiñ ta Ngünechen ñi pu kona ngen, ¿chumngechi inayentuafuyiñ Daniel ñi yamnieafiel “tati mülechi pu awtoridad”? (Dan. 6:5, 10; Rom. 13:1; Hech. 5:29.)

   3.  ¿Chumngechi poyeafuyiñ Jewba “yafüluwkülen mu”, chumngechi Daniel ñi femün? (Dan. 6:16, 20; Fili. 3:16; Apo. 7:15.)

80 Nütram

Pu Israel che tripayngün Babilonia mu

1.  Chumngechi pengeli ti adentun, ¿chummekeyngün pu Israel che?

2.  ¿Chumngechi wechu triparpuy Siro, Jewba ñi pelon dungu tañi feypiel Isaia mu?

3.  Siro, ¿chem feypifi tati pu Israel che pepi wiñonolu Jerusalen mu?

4.  Siro, ¿chem elufi tati pu che tañi yeal engün ta ­Jerusalen?

5.  ¿Chumteñmay tati pu Israel che ñi akual ­Jerusalen mu?

6.  ¿Chumten tripantu rupay ñi ngewenon che ti mapu mew?

Ka ramtun dungu:

1.  Chillkatual Isaia 44:28 ka 45:1-4.

   1.  Jewba, ¿chumngechi küme feypikünuy “rüf feleay” ñi wechurpun ti pelon dungu Siro mew? (Isa. 55:10, 11; Rom. 4:17.)

   2.  ¿Chem pengeli Isaia ñi pelon dungu ta Siro mu Jewba pepi pekefi petu ñi akunon chi dungu? (Isa. 42:9; 45:21; 46:10, 11; 2 Ped. 1:20.)

2.  Chillkatual Esdra 1:1-11.

   Inayentuleal feychi pu che pepi wiñonolu ­Jerusalen mew, ¿chumngechi famülke mew ‘yafültükulelafiyiñ ñi kuwü’ feychi petu küdawelfilu Jewba fill antü mu? (Esd. 1:4, 6; Rom. 12:13; Kol. 4:12.)

81 Nütram

Maneluwküleyngün Ngünechen ñi kelluetew mu

1.  ¿Chumten che tripayngün Babilonia mew fütra kamapu ñi puwal Jerusalen mew, welu chem dungu peyngün puwlu engün?

2.  ¿Chem wüne dewmay engün tati pu Israel che puwlu engün, welu chumi engün tati pu kayñe?

3.  ¿Iney engu am Ageo ka Sakaria, ka chem feypifingu ta pu che?

4.  Tatenay pingechi wentru, ¿chumngelu (chemu) werküy kiñe wirin chillka (karta) ta Babilonia, ka chem wiñoldungun llowi?

5.  ¿Chumi Esdra kimlu ñi duamnieel küme elngeal Ngünechen ñi ngillatuwe ruka mu?

6.  Chumngechi pengeli ti adentun mu, ¿chem ngillatufi Esdra ta Jewba? ¿Chumngechi llowngey tañi llellipun? ¿Ka chem kimeltueiñmew tüfa?

Ka ramtun dungu:

1.  Chillkatual Esdra 3:1-13.

   Müleliyiñ iñchiñ kiñe lof mu ngenole ñi trawüluwal Ngünechen ñi pu che engün, ¿chem rumel chummekeafuyiñ? (Esd. 3:3, 6; Hech. 17:16, 17; Ebr. 13:15.)

2.  Chillkatual Esdra 4:1-7.

   Sorobabel, ¿chem küme inayen dungu wüli tati Jewba ñi pu che ñi reyünoal kakelu mupiltun mu? (Éxo. 34:12; 1 Kor. 15:33; 2 Kor. 6:14-17.)

3.  Chillkatual Esdra 5:1-5, 17 ka 6:1-22.

   1.  ¿Chumngelu pu kayñe pepi katrütulafi engün ti ngillatuwe ruka ñi dewmangen mu? (Esd. 5:5; Isa. 54:17.)

   2.  ¿Chumngechi yafültükuy pu judio longkolekefulu tati longkolelu fewla ñi kintual Jewba ñi adkünuetew traftule weda dungu? (Esd. 6:14; Sal. 32:8; Rom. 8:31; Sant. 1:5.)

4.  Chillkatual Esdra 8:21-23, 28-36.

   Petu ñi dullinon falinke dungu, ¿chem kümeafuy ñi inayentuafiel ñi femün Esdra? (Esd. 8:23; Sal. 127:1; Pro. 10:22; Sant. 4:13-15.)

82 Nütram

Mardokeo ka Ester

1.  ¿Iney (iñi) engu am Mardokeo ka Ester?

2.  ¿Chumngelu (chemu) ti rey Asuero ayüy kiñe we domo, ka iney dullintufi (ngümintufi)?

3.  ¿Iney am ta Aman, ka chumngelu illkuy (lladküy)?

4.  ¿Chem ley dungu dewmangey, ka chumi Ester llowlu Mardokeo ñi werkün dungu?

5.  ¿Chem duam rupay ta Aman, ka Mardokeo?

6.  ¿Chumngechi montuyngün tati pu Israel che ñi pu kayñe mu?

Ka ramtun dungu:

1.  Chillkatual Ester 2:12-18.

   ¿Chumngechi pengelngey Ester ñi femün ta kümey ñi nieel kiñe ‘tüngün püllü, ka ñochi ngen’? (Est. 2:15; 1 Ped. 3:1-5.)

2.  Chillkatual Ester 4:1-17.

   Ester reke elungey ñi küdawal ti rüf poyewün mu, ¿chumngechi famülke mew pepi küdawayiñ taiñ eluafiel ta Jewba taiñ piwkeyefiel ka taiñ püntütripanoal? (Est. 4:13, 14; Mat. 5:14-16; 24:14.)

3.  Chillkatual Ester 7:1-6.

   Ester reke, ¿chumngechi famülke mew Ngünechen ñi pu kona kayñetungekey engün? (Est. 7:4; Mat. 10:16-22; 1 Ped. 2:12.)

83 Nütram

Tati fütrake kura malal Jerusalen mu

1.  Tati pu Israel che nienolu pu fütrake kura malal inaltu Jerusalen waria mu ¿chumlekefuy ñi duam engün?

2.  ¿Iney (iñi) am ta Neemia?

3.  ¿Chem küdaw niey ta Neemia, ka chumngelu (chemu) doy falin-ngey?

4.  ¿Chem dungu weñangküleeyew ta Neemia, ka chumi?

5.  Ti rey Artajerje, ¿chumngechi pengelelfi ta ­Neemia ñi küme piwkengen?

6.  ¿Chumngechi Neemia küme pepikay ti dewman ñi katrütunoal ñi küdaw Israel ñi pu kayñe?

Ka ramtun dungu:

1.  Chillkatual Neemia 1:4-6 ka 2:1-20.

   Neemia, ¿chumngechi kintuy Jewba ñi adkünun? (Ne. 2:4, 5; Rom. 12:12; 1 Ped. 4:7.)

2.  Chillkatual Neemia 3:3-5.

   ¿Chem kimeltun kimafuy pu longkolelu, ka pu kona kellukefilu tati pu longkolelu trawüluwkelu mu, chem kalelu müley tati pu Tekoa che ka ñi pu “doy fütra ülmen”? (Ne. 3:5, 27; 2 Tes. 3:7-10; 1 Ped. 5:5.)

3.  Chillkatual Neemia 4:1-23.

   1.  Rupalu fütra traftuwün dungu mu rume, ¿chem yafüleyew tati pu Israel che amulel tañi dewmayafiel ti kura malal? (Ne. 4:6, 8, 9; Sal. 50:15; Isa. 65:13, 14.)

   2.  Famülke mew ¿chumngechi yafülaeiñmew tati pu Israel che ñi femün?

4.  Chillkatual Neemia 6:15.

   Dewmalu kura malal, petu ñi akunon epu küyen, ¿chem pengelkey ñi newenkülen chi mupiltun? (Sal. 56:3, 4; Mat. 17:20; 19:26.)

84 Nütram

Kiñe werken püllü amuy ñi pemeafiel Maria

1.  ¿Iney (iñi) am tati domo mülelu adentun mu?

2.  ¿Chem feypifi Gabriel ta Maria?

3.  ¿Chumngechi feypifi Gabriel ta Maria ‘nieaymi kiñe wentru püñeñ’ petu ñi fütangenon rume?

4.  ¿Chem dungu rupay Maria pemefilu ñi reñma ­Elisabet?

5.  Chem rakiduami Jose kimlu Maria ñi niepüñeñkülen, welu chumngelu (chemu) kangetuy ñi feypin?

Ka ramtun dungu:

1.  Chillkatual Luka 1:26-56.

   1.  ¿Chem feypi Luka 1:35 chumi Maria ñi enkañngechi ofulo küpalu Adan mew, Ngünechen tukülelfilu ñi Fotüm mongen wenu küpalu? (Ageo 2:11-13; Juan 6:69; Ebr. 7:26; 10:5.)

   2.  ¿Chumngechi wenupüramngey Jesu fey ñi petu choyüngenon? (Luk. 1:41-43.)

   3.  ¿Chem küme inayen elkünuy Maria tati pu kristiano nükelu doy falin küdaw Ngünechen mu? (Luk. 1:38, 46-49; 17:10; Pro. 11:2.)

2.  Chillkatual Matew 1:18-25.

   Jesu Emanuel pingenofulu rume, ¿chumngechi pengeli tañi mongen mu ñi chem pifel tüfachi üy? (Mat. 1:22, 23; Juan 14:8-10; Ebr. 1:1-3.)

85 Nütram

Jesu choyüngey kiñe ruka kulliñ mew

1.  ¿Iney (iñi) am chi tati püñeñ mülelu adentun mu, ka chew kudumeyew Maria?

2.  Jesu, ¿chumngelu (chemu) choyüngey kiñe ruka kulliñ mew?

3.  ¿Iney engün am chi tati pu wentru konkülepulu ruka kulliñ mu, ka chem feypieyew kiñe werken püllü?

4.  ¿Chumngelu falin-ngey Jesu?

5.  ¿Chumngelu Jesu, Ngünechen tañi fotüm pingeafuy?

Ka ramtun dungu:

1.  Chillkatual Luka 2:1-20.

   1.  ¿Chumngechi kelluntükuy Sesar Augusto ñi we­chutriparpual ti pelon dungu Jesu ñi choyüngen mu? (Luk. 2:1-4; Miq. 5:2.)

   2.  ¿Chumngechi kiñe che koneltuafuy ñi feypingeal ‘küme fürenen wentru ngen’? (Luk. 2:14; Mat. 16:24; Juan 17:3; Hech. 3:19; Ebr. 11:6.)

   3.  Feychi pu ñom piwke ufisa kamañ Judea mu nieyngün kümeke duam ñi ayüwküleel ñi choyüngen mu kiñe Montulchefe, ¿chem fütra duam ayüwün mu nieyngün Ngünechen ñi pu kona famülke mew? (Luk. 2:10, 11; Efe. 3:8, 9; Apo. 11:15; 14:6.)

86 Nütram

Inayngün kiñe wangülen

1.  ¿Iney engün am tati pu wentru mülelu adentun mu, ka chumngelu (chemu) kiñe dichulniey (dechiniey) ñi changül kuwü feychi doy wilüfkülechi (lefoykülechi) wangülen?

2.  ¿Chumngelu weda duami tati rey Erode, ka chumi?

3.  Tati wilüfkülechi (lefoykülechi) wangülen, ¿chew yefi tati pu wentru, welu chumngelu wiñotuy engün tañi mapu mew kangelu rüpü mew?

4.  ¿Chem dungu werküy Erode, ka chumngelu?

5.  Jewba, ¿chem feypifi ta Jose ñi femal?

6.  ¿Iney am femi ñi wilüfal feychi we wangülen, ka chumngelu?

Ka ramtun dungu:

1.  Chillkatual Matew 2:1-23.

   Tati pu kimke wentru pemefilu Jesu, ¿chumten tripantu niey Jesu, ka chew müley? (Mat. 2:1, 11, 16.)

87 Nütram

Tati pichi wentru Jesu müley ti ngillatuwe ruka mew

1.  ¿Chumten tripantu niey Jesu tüfachi adentun mu, ka chew müley?

2.  Fill tripantu, ¿chumkey Jose ñi pu reñma (pu che) engün?

3.  Yenielu kiñe antü ñi trekalen ñi amutual ñi ruka mu, ¿chumngelu (chemu) wiñotuy Jose ka ­Maria ta Jerusalen mu?

4.  Maria ka Jose, ¿chew petufi engu ta Jesu, ka chumngelu tati pu che afmatuleyngün?

5.  Jesu, ¿chem pifi ñi ñuke Maria?

6.  ¿Chumngechi inayentuafuyiñ Jesu tañi femün taiñ kimal ta Ngünechen mu?

Ka ramtun dungu:

1.  Chillkatual Luka 2:41-52.

   1.  Tati ley dungu feypi tati pu wentru müten, müley ñi amual tati trawün tripantu mu, ¿chem küme inayentun elufi Jose ka Maria tati pu chaw famülke mew? (Luk. 2:41; Deu. 16:16; 31:12; Pro. 22:6.)

   2.  ¿Chem küme inayentun Jesu elelfi tati pu weke che famülke mew, ñi feyentuleal (mupitual) tañi chaw mu engün? (Luk. 2:51; Deu. 5:16; Pro. 23:22; Kol. 3:20.)

2.  Chillkatual Matew 13:53-56.

   ¿Chem Jesu ñi meli peñi üytungekey Biblia mew, ka chumngechi pünengey ñi epu peñi ti kristiano trawüluwkelu mu? (Mat. 13:55; Hech. 12:17; 15:6, 13; 21:18; Gal. 1:19; Sant. 1:1; Jud. 1.)

88 Nütram

Juan fawtisafi ta Jesu

1.  ¿Iney engu am feyti epu wentru mülelu ti adentun mu?

2.  ¿Chumngechi fawtisangekey kiñe che?

3.  ¿Iney engün am ta fawtisakey Juan?

4.  ¿Chumngen falin dungu mu Jesu feypifi ta Juan ñi fawtisayaetew?

5.  ¿Chumngechi pengeli Ngünechen ñi ayüwün Jesu ñi fawtisawün?

6.  ¿Chem dungu rupay Jesu amulu wellin mapu mu ñi kiduleam meli mari antü?

7.  ¿Iney engün am chi kiñeke tati wüne Jesu tañi pu inanieetew, ka chuchi am ti wünen afmatun dungu?

Ka ramtun dungu:

1.  Chillkatual Matew 3:13-17.

   ¿Chem inayentun dungu Jesu elelkünufi tañi pu inanieetew ñi fawtisangeal? (Sal. 40:7, 8; Mat. 28:19, 20; Luk. 3:21, 22.)

2.  Chillkatual Matew 4:1-11.

   ¿Chumngelu (chemu) yafültukeeiñmew Jesu ñi pepiluwün pünekefulu ti Wirintükun, taiñ chillkatuafiel Biblia fill antü? (Mat. 4:5-7; 2 Ped. 3:17, 18; 1 Juan 4:1.)

3.  Chillkatual Juan 1:29-51.

   ¿Iney engün mu amulfi Juan fawtisachefe ñi pu inaniekeetew, ka chumngechi pepi inawentuafuyiñ iñchiñ? (Juan 1:29, 35, 36; 3:30; Mat. 23:10.)

4.  Chillkatual Juan 2:1-12.

   ¿Chumngechi pengeli Jesu ñi wünen afmatun dungu, Jewba ñi famnakümkenon chem küme dungu no rume tañi pu kona? (Juan 2:9, 10; Sal. 84:11; Sant. 1:17.)

89 Nütram

Jesu liftuy tati ngillatuwe ruka

1.  ¿Chumngelu (chemu) fendengekey kulliñ ngillatuwe ruka mu?

2.  ¿Chumngelu illkuy (lladküy) ta Jesu?

3.  Chumngechi pengeli tüfachi adentun mu, ¿chumi Jesu, ka chem werküfi ñi femal tati pu wentru fendekelu pu palluma?

4.  ¿Chem tukulpay engün Jesu ñi pu inanieetew, fey pelu engün kidu tañi femmeken?

5.  ¿Chem trokiñ mapu püle rupay ta Jesu wiñotulu Galilea?

Ka ramtun dungu:

1.  Chillkatual Juan 2:13-25.

   Fey mu tañi illkun (lladkün) ta Jesu trafkintuplatamekekelu ngillatuwe ruka mu, ¿chumngechi peafiyiñ trafkintuplatamekengele trawünwe ruka mew? (Juan 2:15, 16; 1 Kor. 10:24, 31-33.)

90 Nütram

Tati domo engu rünganko mu

1.  ¿Chumngelu (chemu) witrakünuwi Jesu inal kiñe rünganko (posoko) Samaria mu, ka chem pifi kiñe domo amulu feymu?

2.  ¿Chumngelu afmatuy tati domo, chem pieyew ­Jesu, ka chumngelu?

3.  ¿Chem ko trokiy tati domo tañi dunguel Jesu, welu chem ko am tüfa ñi feypiel Jesu?

4.  ¿Chumngelu afmatuy tati domo Jesu tañi fente kimün kidu mu, ka chumngechi kimi ta Jesu feychi dungu?

5.  ¿Chem kimeltun kimafuyiñ tüfachi nütram mu?

Ka ramtun dungu:

1.  Chillkatual Juan 4:5-43.

   1.  Inaniefiliyiñ Jesu ñi femün, ¿Chumngechi pengelafuyiñ iñchiñ taiñ küme ad kakelu pu che mu, mülelu ka trokiñ nielu fillke kümelkan, ka chem rume nienolu? (Juan 4:9; 1 Kor. 9:22; 1 Tim. 2:3, 4; Tito 2:11.)

   2.  ¿Chem küme ayüwün püllü dungu nierpukey Jesu ñi inanieetew ngelu? (Juan 4:14; Isa. 58:11; 2 Kor. 4:16.)

   3.  ¿Chumngechi pengelafuyiñ Samaria domo reke tañi rume (mütre) ayün ñi kimelafiel kakelu pu che ñi kimün? (Juan 4:7, 28; Mat. 6:33; Luk. 10:40-42.)

91 Nütram

Jesu kimeltuy kiñe fütra wingkul mu

1.  Ti adentun ñi pengelün, ¿chew kimeltuy Jesu, ka iney engün am Jesu ñi inafül anüley?

2.  ¿Iney pingeyngün ti pu mari epu apostol?

3.  ¿Chem am tati Reyno tañi amul dungukeel Jesu?

4.  ¿Chem kimeltukefi (kimeltulfi) Jesu tati pu che tañi ngillatual kiñe llellipun mu?

5.  ¿Chem pi Jesu tañi chumngeal ta che welukonkechi (welukechi)?

Ka ramtun dungu:

1.  Chillkatual Matew 5:1-12.

   ¿Chumngechi pengelafuyiñ taiñ rakiduamtunieel ka duamnieel ti püllü dungu? (Mat. 5:3; Rom. 10:13-15; 1 Tim. 4:13, 15, 16.)

2.  Chillkatual Matew 5:21-26.

   ¿Chem küme falin dungu pengeli Matew 5:23, 24 chem wedalkan nieliyiñ taiñ lamngewen ngen, wedalkayafuy Jewba iñchiñ kümelkaleal? (Mat. 6:14, 15; Sal. 133:1; Kol. 3:13; 1 Juan 4:20.)

3.  Chillkatual Matew 6:1-8.

   Farisew ñi kiñeke weda femün ¿chumngelu (chemu) müley ñi femnoal tati pu kristiano? (Luk. 18:11, 12; 1 Kor. 4:6, 7; 2 Kor. 9:7.)

4.  Chillkatual Matew 6:25-34.

   ¿Chem kimeltuy Jesu taiñ maneluwküleal Jewba mu, ka chem taiñ duamnieel eluaeiñmew? (Éxo. 16:4; Sal. 37:25; Fili. 4:6.)

5.  Chillkatual Matew 7:1-11.

   ¿Chem kimeltueiñmew Jesu ñi adkünu dungu wirintükulelu Matew 7:5 mew? (Pro. 26:12; Rom. 2:1; 14:10; Sant. 4:11, 12.)

92 Nütram

Jesu wiñomongeltufi tati pu la

1.  ¿Iney am tati pichi (püchü) malen tañi chaw mülelu tati adentun mu, ka chumngelu (chemu) fentren weda rakiduamküley tañi domo engu?

2.  ¿Chumi Jayro pefilu ta Jesu?

3.  ¿Chem rupay fey Jesu amulelu Jayro tañi ruka mu, ka chem werken dungu llowi Jayro rüpü mu?

4.  ¿Chumngelu (chemu) tati pu che müleyelu Jayro tañi ruka mu, ayentuniefi engün ta Jesu?

5.  Fey wüla konpulu Jesu tañi küla apostol, ka ti epu chaw pichi (püchü) malen ñi katrüntüku ruka mu engün, ¿chumi Jesu?

6.  ¿Iney engün am ka wiñomongeltuy Jesu, ka chem pengeli tüfa?

Ka ramtun dungu:

1.  Chillkatual Luka 8:40-56.

   ¿Chumngechi pengeli Jesu ñi kutranduamyecheken ka tañi rakiduamün feychi domo katrükerkenolu ñi mollfüñ mu, fey chem kimafuy tüfa mu tati pu longkolechi pu kristiano? (Luk. 8:43, 44, 47, 48; Lev. 15:25-27; Mat. 9:12, 13; Kol. 3:12-14.)

2.  Chillkatual Luka 7:11-17.

   Feychi layel-lu kiñe piwkeyen che, ¿chumngelu (chemu) rume (mütre) yafülduamafuy ñi adkintuafiel chumngechi Jesu ñi femfiel tati lantu domo Nain mu? (Luk. 7:13; 2 Kor. 1:3, 4; Ebr. 4:15.)

3.  Chillkatual Juan 11:17-44.

   ¿Chumngechi pengeli Jesu ñi ngümayewken kiñe piwkeyen che layel-lu? (Juan 11:33-36, 38; 2 Sam. 18:33; 19:1-4.)

93 Nütram

Jesu ileltuy fentren che

1.  ¿Chem weda dungu rupay Juan tati Fawtisachefe, ka chem rakiduami Jesu?

2.  ¿Chumngechi eluy iyael (yagel) Jesu tati alün pu che inanieetew, ka chumten echel iyael mülewey?

3.  Punlu (trafialu), ¿chumngelu (chemu) rume (mütre) llükay engün tati pu inaniekeetew, ka chumi ta Pedro?

4.  ¿Chumngechi eluyefi ta iyael Jesu tati warangkakechi che epu rupa mu?

5.  ¿Chumngelu fente afmatufali Jesu tañi ngünenieal Mapu Rey reke ñi dullintuetew (ngümintuetew) ta Ngünechen?

Ka ramtun dungu:

1.  Chillkatual Matew 14:1-32.

   1.  ¿Chem pengeli tati nütram mülelu ta Matew mu 14:23-32 tañi chumngekefel Pedro?

   2.  Pedro am ñi ngünewkenon, ¿chumngechi pengeli Biblia pichikentu (püchükentu) ngünewkülerputun ñi femngekefel? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2.  Chillkatual Matew 15:29-38.

   ¿Chumngechi Jesu pengelkey tañi yamniefiel tañi Chaw ñi wülkeelchi chemkün? (Mat. 15:37; Juan 6:12; Kol. 3:15.)

3.  Chillkatual Juan 6:1-21.

   ¿Chumngechi iñchiñ pu kristiano ngen taiñ inayal Jesu tañi femün tati pu gofierno mülelu Mapu mu? (Juan 6:15; Mat. 22:21; Rom. 12:2; 13:1-4.)

94 Nütram

Jesu piwkeyeniefi tati pu pichikeche

1.  ¿Chumngelu (chemu) yafkawküleyngün tati pu apostol küpaletulu engün rüpü mew?

2.  Jesu, ¿chumngelu mütrümfi kiñe pichiche ka rangiñ pu apostol mu elkünufi?

3.  ¿Chumngelu tati pu apostol müley ñi pichiche reke femngeal?

4.  Kiñeke küyen wüla, ¿chumngechi pengeli Jesu ñi piwkeyeniefiel tati pu pichikeche?

Ka ramtun dungu:

1.  Chillkatual Matew 18:1-4.

   ¿Chumngelu Jesu pünekey adkünu dungu ñi kimeltuafiel? (Mat. 13:34, 36; Mar. 4:33, 34.)

2.  Chillkatual Matew 19:13-15.

   Ayüliyiñ taiñ llowal tati Reyno ñi kümelkan, ¿chem pu pichikeche ñi chumngen müley taiñ inayentuafiel? (Sal. 25:9; 138:6; 1 Kor. 14:20.)

3.  Chillkatual Marku 9:33-37.

   Jesu, ¿chem kimeltufi tañi pu inanieetew illutual ñi doy falin-ngen? (Mar. 9:35; Mat. 20:25, 26; Gal. 6:3; Fili. 2:5-8.)

4.  Chillkatual Marku 10:13-16.

   ¿Chumtepuwi Jesu ñi fülkontufalün, ka chem kimeltufi pu kristiano longkolelu? (Mar. 6:30-34; Fili. 2:1-4; 1 Tim. 4:12.)

95 Nütram

Chumngechi kimeltukey Jesu

1.  Kiñe wentru, ¿chem ramtufi ta Jesu, ka chumngelu (chemu)?

2.  Kiñeke mu, ¿chem dungu pünekey Jesu ñi kimeltuafiel, ka chem kimiyiñ tati pu Judio che ka Samaria che engu?

3.  Jesu ñi nütram mu, ¿chem dungu rupangey kiñe Judio che amualu ti rüpü yenielu Jeriko waria mu?

4.  Kiñe saserdote judio ka kiñe Levi che rupayngu feychi rüpü mu, ¿chem dungu rupay?

5.  Ti adentun mu, ¿iney am kellueyew tati allfükalechi judio wentru?

6.  Aflu Jesu ñi nütram, ¿chem ramtuy, ka chumngechi llowdungueyew ti wentru?

Ka ramtun dungu:

1.  Chillkatual Luka 10:25-37.

   1.  Jesu müchay feypilafi tati wentru kimnielu Ley dungu kiñe llowdungu, ¿chumngechi kellufi tüfachi wentru ñi küme rakiduamal? (Luk. 10:26; Mat. 16:13-16.)

   2.  Kiñeke ñi allkütukeetew Jesu, petu ñi kimngenon kiñe dungu “wedañma ngelu” trokifingün, ¿chumngechi pünekey Jesu ti adkünu dungu ñi wewafiel tüfachi dungu? (Luk. 10:36, 37; 18:9-14; Tito 1:9.)

96 Nütram

Jesu tremolfi pu kutrankülelu

1.  ¿Chumi Jesu miyawlu mapu mu?

2.  ¿Chem feypifi ñi pu apostol Jesu dew küla tripantu ñi fawtisangen mu?

3.  ¿Iney engün tati pu che mülelu adentun mu, ka chumi Jesu ti domo mu?

4.  Jesu wiñoldungufilu tati pu longkolechi religioso, ¿chumngelu (chemu) tüfachi dungu yewelkaeyew engün?

5.  Püllelelu Jeriko waria mew Jesu ka ñi pu apostol engün, ¿chumi Jesu ti epu ngillatuplatakechi trawma mu?

6.  ¿Chumngelu dewmay afmatun dungu Jesu?

Ka ramtun dungu:

1.  Chillkatual Matew 15:30, 31.

   ¿Chem küme afmatun newen pengeli Jewba Jesu mew, ka chumngechi tüfachi dungu müley ñi doy kimtükunieafiel taiñ kimün mew Jewba ñi feypikünun ñi chumal, ti we mapu mu? (Sal. 37:29; Isa. 33:24.)

2.  Chillkatual Luka 13:10-17.

   Jesu ñi femkeel (femün) kiñeke tañi doy afmatun dungu safado antü mu, ¿chumngechi pengelkey tüfachi dungu, ta küpalay küme felen kom pu che mew ngüneniele tañi Reyno Warangka tripantu mu? (Luk. 13:10-13; Sal. 46:9; Mat. 12:8; Kol. 2:16, 17; Apo. 21:1-4.)

3.  Chillkatual Matew 20:29-34.

   ¿Chumngechi pengeli tüfachi nütram dungu ta Jesu chumkawnorume “rume (mütre) nien küdaw” pikelay ñi kelluafiel kakelu che, ka chem kimeltueiñmew tüfa? (Deu. 15:7; Sant. 2:15, 16; 1 Juan 3:17.)

97 Nütram

Jesu küpaley rey reke

1.  Akulu Jesu kiñe pichi waria püllelelu (püchü tripalelu) Jerusalen waria mew, ¿chem werküfi tañi pu inanieetew?

2.  Chumngechi pengey tüfachi adentun mu, ¿chem dungu rupay fülkülepulu Jesu Jerusalen waria mu?

3.  ¿Chumingün tati pu pichikeche pefilu ta Jesu tremolmekefilu (mongeltumekefilu) tati pu trawmangechi pu che ka lañmalelu ñi kuerpu?

4.  Jesu, ¿chem pifi feychi illkulechi (lladkülechi) pu saserdote?

5.  ¿Chumngechi inayentuafuyiñ feychi pichikeche püramyefilu Jesu?

6.  ¿Chem ayüy (küpa) ñi kimal tati pu inaniekeetew?

Ka ramtun dungu:

1.  Chillkatual Matew 21:1-17.

   1.  Jesu ñi konpuel rey reke Jerusalen waria mu, ka ti pu longkolelu wewlu awkan (weychan) Roma ñi antü mu kuyfi, ¿chem mew kaley? (Mat. 21:4, 5; Sak. 9:9; Fili. 2:5-8, TNM; Kol. 2:15, TNM.)

   2.  Jesu konpulu ti ngillatuwe ruka mu, tati pu Israel pichikeche feypi engün ti texto mülelu Salmo 118, ¿chem kimafuy tati pu weke che? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2.  Chillkatual Juan 12:12-16.

   ¿Chem pengeli tati pu che ñi pünen tapül palmera ñi wirarkülen ta Jesu mu? (Juan 12:13; Fili. 2:10; Apo. 7:9, 10.)

98 Nütram

Ti Olifu wingkul mew

1.  Ti adentun mu, ¿chuchi am Jesu, ka iney engün am mülelu fey engu?

2.  Tati pu saserdote, ¿chem küpa ñi femfifel ta Jesu ti ngillatuwe ruka mew, ka kidu chem feypieyew?

3.  Tati pu apostol, ¿chem ramtufingün ta Jesu?

4.  ¿Chumngelu (chemu) Jesu feypifi tati pu apostol kiñeke dungu ñi rupayal Mapu mu, ngüneniele wenu mu?

5.  ¿Chem pi Jesu ñi rupayal petu ñi apümngenon kom wedake dungu Mapu mu?

Ka ramtun dungu:

1.  Chillkatual Matew 23:1-39, TNM.

   1.  Tati Biblia feypi müley taiñ yamnieafiel tati pu che nielu awtoridad, ¿chem piley Jesu ñi dungun mülelu Matew 23:8-11 mu mülelay ñi witrampüramyeafiel feychi pu longkolelu kristiano trawüluwkelu mu? (Hech. 26:25; Rom. 13:7; 1 Ped. 2:13, 14.)

   2.  ¿Chem pünekefuy tati pu farisew ñi ayün ñi katrütuafiel tati pu che ñi kristiano ngenoal engün, ka famülke mew chumngechi tati longkolechi religioso ka femngechi femngey engün? (Mat. 23:13; Luk. 11:52; Juan 9:22; 12:42; 1 Tes. 2:16.)

2.  Chillkatual Matew 24:1-14, TNM.

   1.  ¿Chumngechi pengelkey Matew 24:13 falin-ngey (manelngey) ti yafüluwün?

   2.  ¿Chem pifel ti dungu mülelu Matew 24:13 “afa­elchi antü”? (Mat. 16:27; Rom. 14:10-12; 2 Kor. 5:10.)

3.  Chillkatual Marku 13:3-10.

   ¿Chem dungu mülelu Marku 13:10 feypilu matuke kimelngeal ti kümeke dungu, ka chumngechi müley ñi konal taiñ mongen mu Jesu ñi piel? (Rom. 13:11, 12; 1 Kor. 7:29-31; 2 Tim. 4:2.)

99 Nütram

Kiñe wenulechi katrüntüku ruka mew

1.  Chumngechi pengeli ti adentun, ¿chumngelu (chemu) müleyngün Jesu ka tañi mari epu apostol engün kiñe wenulechi katrüntüku ruka mew?

2.  ¿Iney am tati wentru tripalelu, ka chumay?

3.  Dew rupalu wüla ti Paskua iyael (yagel), ¿chem falin iyael llituy (femi) Jesu?

4.  ¿Chem dungu tukulpakefuy engün pu Israel che Paskua mu, ka chem tukulpalelkeeyew Jesu ñi pu inanieetew tüfachi falin-ngechi (manelfalchi) iyael?

5.  Rupalu Jesu ñi Pun Iyael, Jesu ¿chem feypifi tañi pu inanieetew, ka chumingün?

Ka ramtun dungu:

1.  Chillkatual Matew 26:14-30.

   1.  ¿Chumngechi pengeli Matew 26:15 tati Juda ñi ellka wülkünufiel Jesu, femi kidu ñi duam ñi ayüel?

   2.  ¿Chem epu duam mu pünengekey Jesu ñi wütrulngechi mollfüñ? (Mat. 26:27, 28; Jer. 31:31-33; Efe. 1:7; Ebr. 9:19, 20.)

2.  Chillkatual Luka 22:1-39.

   ¿Chumngechi feypingeafuy ta Weküfü konürkey ta Juda mew? (Luk. 22:3; Juan 13:2; Hech. 1:24, 25.)

3.  Chillkatual Juan 13:1-20.

   1.  Chumngechi feypikey ta Juan 13:2 mu, ¿kulpatufali Juda ñi femün mu, ka chem kimeltueiñmew tüfa iñchiñ Ngünechen ñi pu kona? (Gen. 4:7; 2 Kor. 2:11; Gal. 6:1; Sant. 1:13, 14.)

   2.  ¿Chem küme adümfalngechi kimeltun wüli Jesu? (Juan 13:15; Mat. 23:11; 1 Ped. 2:21.)

4.  Chillkatual Juan 17:1-26.

   ¿Chem dungu mew llellipuy Jesu tañi pu inanieetew “tañi kiñewküleael engün”? (Juan 17:11, 21-23; Rom. 13:8; 14:19; Kol. 3:14.)

100 Nütram

Jesu müley ta Getsemani mew

1.  ¿Chew amuay Jesu ka ñi pu apostol engün tripalu wüla ti wenulechi katrüntüku ruka mu, ka chem pifi ñi femal engün?

2.  Wiñotulu Jesu chew ñi mülen ñi pu apostol, ¿chem dungu pey, ka chumten rupa femi tüfachi dungu?

3.  Chumngechi pengeli ti adentun, ¿iney engün am koningün ti anümkawe mu, ka chumi Juda ­Iskariote?

4.  ¿Chumngelu (chemu) Juda trurufi (trepetufi) ­Jesu, ka chumi Pedro?

5.  Jesu, ¿chem feypifi ta Pedro, welu chumngelu Jesu ngillatulafi Ngünechen ñi werkülelaetew kiñe werken püllü no rume?

Ka ramtun dungu:

1.  Chillkatual Matew 26:36-56.

   1.  Chumngechi Jesu ngülamtukefi ñi pu apostol, ¿chumngelu doy küme inayen dungu ngey kom pu cristiano longkolelu mu? (Mat. 20:25-28; 26:40, 41; Gal. 5:17; Efe. 4:29, 31, 32.)

   2.  ¿Chumngechi Jesu pekefi tati pu pünekelu weychawe newen ñi allfülafiel tañi pu chafche? (Mat. 26:52; Luk. 6:27, 28; Juan 18:36.)

2.  Chillkatual Luka 22:39-53.

   Kiñe werken püllü pewfaluwfi ta Jesu ti anümkawe Getsemani pingelu ñi yafülduamafiel, ¿tüfachi dungu feypi Jesu ñi mupiltun newenkülelay? Feypinge (Luk. 22:41-43; Isa. 49:8; Mat. 4:10, 11; Ebr. 5:7.)

3.  Chillkatual Juan 18:1-12.

   ¿Chumngechi Jesu ingkafi tañi pu inanieetew tati pu kayñe mew, ka chem kimafuyiñ tañi femün mu? (Juan 10:11, 12; 18:1, 6-9; Ebr. 13:6; Sant. 2:25.)

101 Nütram

Jesu langümngey

1.  ¿Iney am doy ayülefuy Jesu ñi layal?

2.  Tati pu longkolechi religioso yefilu ta Jesu, ¿chumingün tati pu apostol?

3.  ¿Chem dungu rupay ti longkolechi saserdote ­Kayfa ñi ruka mew?

4.  ¿Chumngelu (chemu) tripapatuy Pedro, ka rume (mütre) fütra ngümakawi?

5.  Wiño yengetulu ta Jesu chew ñi mülen ta Pilato, ¿chem wiraringün tati pu wünelechi saserdote?

6.  Nag antü vierne mu, ¿chem dungu ñi rupan ta ­Jesu, ka chem maneluwün elufi ti weda mongen-ngechi wentru pültrülelu kiñe mamüll kidu ñi inafül?

7.  ¿Chew mülealu tati küme rumel mülewe feypilu Jesu?

Ka ramtun dungu:

1.  Chillkatual Matew 26:57-75.

   ¿Chumngechi pengelingün tati pu judio mülelu Longkolechi Tribunal mu ñi weda piwkengen engün? (Mat. 26:59, 67, 68.)

2.  Chillkatual Matew 27:1-50, TNM.

   ¿Chumngelu feypiafuyiñ Juda ñi weñangkü wiñorakiduamtun rüfngelay? (Mat. 27:3, 4; Mar. 3:29; 14:21; 2 Kor. 7:10, 11.)

3.  Chillkatual Luka 22:54-71.

   ¿Chem kimeltueiñmew Pedro ñi feypin feychi pun “kimlafiñ” ta Jesu ngünenmangelu ka presungelu? (Luk. 22:60-62; Mat. 26:31-35; 1 Kor. 10:12.)

4.  Chillkatual Luka 23:1-49.

   Norngenochi dungu ñi femngen Jesu, ¿chumi Jesu, ka chem kimeltueiñmew tüfa? (Luk. 23:33, 34; Rom. 12:17-19; 1 Ped. 2:23.)

5.  Chillkatual Juan 18:12-40.

   Pedro llükalu feychi mew tati pu wentru, ¿chem dungu pengeli tañi wiño küme feletun, ka ñi müna küme apostol ngerpun? (Juan 18:25-27; 1 Kor. 4:2; 1 Ped. 3:14, 15; 5:8, 9.)

6.  Chillkatual Juan 19:1-30.

   1. Jesu, ¿chumngechi pekefi tati nielchi chemkün? (Juan 2:1, 2, 9, 10; 19:23, 24; Mat. 6:31, 32; 8:20.)

   2.  ¿Chumngelu Jesu ñi afchi feypikünun, fey kiñe wewchi feypin ñi ingkakefiel Jewba ñi ngünenien? (Juan 16:33; 19:30; 2 Ped. 3:14; 1 Juan 5:4.)

102 Nütram

Jesu mongeley

1.  ¿Iney engün am tati domo ka tati epu wentru mülelu ti adentun mu, ka chew ñi mülen engün?

2.  ¿Chumngelu (chemu) Pilato werküdungufi tati pu saserdote ñi werkülafiel soldaw ñi llüwatuleafiel (lloftunieafiel) Jesu ñi rüngan lolo mew?

3.  Puliwen küla antü wüla Jesu ñi lan mu, ¿chumi kiñe werken küme püllü, welu chumingün tati pu saserdote?

4.  ¿Chumngelu afmalewey kiñeke domo pemefilu Jesu ñi rüngan lolo mew?

5.  ¿Chumngelu lefi Pedro Juan engu Jesu ñi rüngan lolo mew, ka chem dungu pefingu?

6.  ¿Chem dungu rupangey Jesu ñi kuerpu, ka chumi ñi pengelelafiel tañi pu inanieetew ñi mongelen?

Ka ramtun dungu:

1.  Chillkatual Matew 27:62-66 ka 28:1-15, TNM.

   Wiñomongetulu Jesu, ¿chumngechi tati pu longkolechi saserdote, tati pu farisew, ka tati pu trem fütakeche yafkayngün tati lif küme püllü mu? (Mat. 12:24, 31, 32; 28:11-15.)

2.  Chillkatual Luka 24:1-12, TNM.

   ¿Chumngechi pengeli Jesu ñi wiñomongetun mu, ta Jewba küme manelniefi tati pu domo ñi feypin? (Luk. 24:4, 9, 10; Mat. 28:1-7.)

3.  Chillkatual Juan 20:1-12.

   Küme kimnofiliyiñ chumngechi mupiy kiñe pelon dungu Biblia mew, ¿chumngechi kellukeeiñmew Juan 20:8, 9 taiñ ñochi duam ngeal? (Pro. 4:18; Mat. 17:22, 23; Luk. 24:5-8, TNM; Juan 16:12.)

103 Nütram

Kiñe rakümkülechi katrüntüku ruka mu

1.  Maria, ¿chem feypifi kiñe wentru “kuydarayenfe (kuydachichikenfe)” trokifi, welu chumngechi ngüneduami Jesu ngerken?

2.  ¿Chem dungu ruparumey tati epu inanielu trekalerpulu engu Emaw pichi (püchü) waria mu?

3.  ¿Chem afmatun dungu rupay tati epu inanielu feypifilu tati pu apostol “iñchiw pefiyu Jesu”?

4.  ¿Chumten rupa Jesu pewfaluwi tañi pu inanie­etew?

5.  ¿Chem pi Toma allkülu tati pu inanielu “pepefiyiñ ta Ñidol”, welu chem dungu rupay pura antü wüla?

Ka ramtun dungu:

1.  Chillkatual Juan 20:11-29.

   ¿Feypipey may Jesu ñi dungu mülelu Juan 20:23 tati pu che eluñmangey ñi wiñoduamal tati yafkan? Feypinge (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2.)

2.  Chillkatual Luka 24:13-43.

   ¿Chumngechi pepikayafuyiñ taiñ piwke ñi küme llowal tati rüfngechi dungu mülelu Biblia mu? (Luk. 24:32, 33; Esd. 7:10; Mat. 5:3; Hech. 16:14; Ebr. 5:11-14.)

104 Nütram

Jesu wiñotuy wenu mapu mu

1.  ¿Chumten ñi inanieetew pefi ta Jesu feychi mu, ka chem pieyew engün?

2.  ¿Chem anta Ngünechen ñi Reyno? Ka, Jesu ngüneniele kiñe warangka tripantu mu, ¿chumngechi ngeay ti mongen Mapu mew?

3.  ¿Chumten antü amuley Jesu ñi pewfaluwkülen tañi pu inanieetew mu? Welu ¿chem antü akuy ñi femal?

4.  Jesu, ¿chem werkün dungu elufi tañi pu inanie­etew petu ñi elkünunofiel?

5.  Ti adentun mu, ¿chem dungu rupamekey, ka chumngechi ñamfemi Jesu, tañi pu inanieetew ñi adkiñ mu?

Ka ramtun dungu:

1.  Chillkatual 1 Korintio 15:3-8.

   ¿Chumngelu (chemu) ti apostol Pablo pepi dunguy rüf maneluwün mu Jesu ñi wiño mongetun mew, famülke mu kay, chem dungu mew tati pu kristiano dunguafuy rüf maneluwün mu? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2.  Chillkatual Hecho 1:1-11.

   Chumngechi feypikünungey Hecho 1:8, ¿fente chumtepuwi ti amul dungun? (Hech. 6:7; 9:31; 11:19-21; Kol. 1:23.)

105 Nütram

Üngümküleyngün Jerusalen waria mu

1.  Chumngechi pengeli ti adentun mu, ¿chem dungu rupay Jesu ñi pu inanieetew ñi üngümkülen (ingelkülen) Jerusalen waria mu?

2.  ¿Chem afmatun dungu llowi tati pu witran ­Jerusalen mu?

3.  Pedro, ¿chem feypifi ta pu che?

4.  Fentren che allkütufilu Pedro wüla, ¿chum duamnieyngün, ka chem müley ñi femal engün?

5.  ¿Chumten che fawtisangey feychi antü mu?

Ka ramtun dungu:

1.  Chillkatual Hecho 2:1-47.

   1.  ¿Chumngechi pengelkey Pedro ñi dungu mülelu Hecho 2:23, 36 kom tati pu judio ñi duam mu, lay Jesu? (1 Tes. 2:14, 15.)

   2.  Pedro rakiduamlu wirintun Biblia mu, ¿chem küme inayentun elkünuy? (Hech. 2:16, 17, 29, 31, 36, 39; Kol. 4:6.)

   3.  ¿Chumngechi püney Pedro tati wünen ‘wenu reyno tañi llafe,’ tañi feypikünuetew Jesu ñi eluaetew? (Hech. 2:14, 22-24, 37, 38; Mat. 16:19.)

106 Nütram

Neykümngeyngün karsel mew

1.  Kiñe nag antü, ¿chem dungu mew rupay Pedro ka Juan engu petu konlu ti ngillatuwe ruka mu?

2.  Pedro, ¿chem feypifi kiñe küntro wentru, ka chem elufi doy falin-ngechi plata mu?

3.  ¿Chumngelu illkuy (lladküy) engün tati pu longkolechi religioso, ka chumfingün ta Pedro ka Juan engu?

4.  ¿Chem feypifi ta Pedro tati pu longkolechi religioso, ka chem feypingey tati epu apostol?

5.  ¿Chumngelu ütriri tati pu longkolechi religioso, welu chem dungu rupay karseltükufilu tati pu apostol epu rupa mu?

6.  Yengelu tati pu apostol Sanedrin mu, ¿chumngechi wiñoldunguy (llowdunguy) engün?

Ka ramtun dungu:

1.  Chillkatual Hecho 3:1-10.

   Afmatufalchi dungu femkelayiñ fachantü, ¿chumngechi kellukeeiñmew Pedro ñi feypin mülelu Hecho 3:6 taiñ falilnieafiel tati Reyno ñi werkün dungu ñi falin-ngen? (Juan 17:3; 2 Kor. 5:18-20; Fili. 3:8.)

2.  Chillkatual Hecho 4:1-31.

   Traftuliyiñ wedake dungu taiñ amul dungun küdaw, ¿chumngechi müley taiñ inayentuafiel taiñ kristiano pu peñi ka pu lamngen wünen siglo mu? (Hech. 4:29, 31; Efe. 6:18-20; 1 Tes. 2:2.)

3.  Chillkatual Hecho 5:17-42.

   Kuyfi mu ka fachantü, ¿chumngechi tati pu che poyekenofilu Jewba, pengelkey engün ñi nor raki­duamngechi tati amul dungun küdaw mu? (Hech. 5:34-39.)

107 Nütram

Esteban kuratungey

1.  ¿Iney am ta Esteban, ka chem dungu mu kellu­eyew Ngünechen ñi femal?

2.  ¿Chem pin mu Esteban rume (mütre) illkulkafi tati pu longkolechi religioso?

3.  Dew wingüdentungelu Esteban wekuntu waria mew, ¿chem chumngey?

4.  ¿Iney am ti weche wentru witralelu ti adentun inafül takün mu?

5.  Esteban petu ñi lanon, ¿chem ngillatufi Jewba?

6.  Kiñe che wedalkaeliñmew, ¿chumngechi inayentuafuyiñ Esteban ñi femün?

Ka ramtun dungu:

1.  Chillkatual Hecho 6:8-15.

   ¿Chem koylake ngünen, pünekey tati pu longkolechi religioso ñi katrütuafiel tati pu Dungukelu Iney Ngen Jewba ñi amul dungun? (Hech. 6:9, 11, 13.)

2.  Chillkatual Hecho 7:1-60.

   1.  ¿Chem dungu kellueyew ta Esteban ñi küme ingkafiel tati kümeke dungu traftulu ti Sanedrin mu, ka chem kimeltueiñmew ñi inayentu dungu? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2.  ¿Chem duam müley taiñ nieal chaftueliyiñmew pu che taiñ küdaw mu? (Hech. 7:58-60; Mat. 5:44; Luk. 23:33, 34.)

108 Nütram

Rüpü amuley ta Damasku

1.  Dew lalu ta Esteban, ¿chumi ta Pablo?

2.  Sawlu petu ñi amulen Damasku waria mu, ¿chem afmatufalchi dungu rupay?

3.  Jesu, ¿chem werküfi ta Pablo ñi femal?

4.  Jesu, ¿chem feypifi ta Anania ñi femal, ka chumngechi Sawlu wiño pelotuy?

5.  ¿Chem üy nietuy Sawlu, ka chumngechi pünengey?

Ka ramtun dungu:

1.  Chillkatual Hecho 8:1-4.

   ¿Chumngechi kelluntükuy ñi amuleal pu kristiano ñi mupiltun tañi fente kayñetungen chi we trawülechi pu kristiano, ka chumngechi trürümfali famülke mew? (Hech. 8:4; Isa. 54:17.)

2.  Chillkatual Hecho 9:1-20.

   ¿Chem küla küdaw Jesu nielfi ta Sawlu? (Hech. 9:15; 13:5; 26:1; 27:24; Rom. 11:13.)

3.  Chillkatual Hecho 22:6-16.

   ¿Chumngechi inayentuafuyiñ ta Anania, ka chumngelu doy falin-ngey (manelfali)? (Hech. 22:12; 1 Tim. 3:7; 1 Ped. 1:14-16; 2:12.)

4.  Chillkatual Hecho 26:8-20.

   Kristianongelu Sawlu küme che ngetuy, ¿chumngechi yafüluwafuy tati pu kurewen kiñelketu feyentunole ti rüf dungu mew? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

109 Nütram

Pedro pemefi ta Korneliu

1.  Ti adentun mu, ¿iney am tati wentru lukutuley?

2.  Kiñe werken püllü, ¿chem feypifi ta Korneliu?

3.  Pedro mülelu Simon ñi wente ruka Jope waria mu, Ngünechen, ¿chem pengelfi ta Pedro?

4.  Pedro, ¿chumngelu (chemu) feypifi ta Korneliu mülelay ñi lukutual ka ñi poyeaetew?

5.  Tati pu disipulu judio mülelu Pedro engün, ¿chumngelu afmatuy engün?

6.  ¿Chem falin kimeltun müley taiñ kimal pemefilu Pedro ta Korneliu?

Ka ramtun dungu:

1.  Chillkatual Hecho 10:1-48.

   Ti küdaw ñi amul dungual ti Reyno kümeke dungu, ¿chem pengeli Pedro ñi dungun mülelu Hecho 10:42 mu? (Mat. 28:19; Mar. 13:10; Hech. 1:8.)

2.  Chillkatual Hecho 11:1-18.

   ¿Chem duam pengeli Pedro küme pefilu Jewba ñi feypin tati pu judio tuwüngenolu, ka chumngechi iñchiñ inayeafuyiñ tañi femün? (Hech. 11:17, 18; 2 Kor. 10:5; Efe. 5:17.)

110 Nütram

Timotew kellukefi ta Pablo

1.  Ti adentun mu, ¿iney ngey ti weche wentru, chew müley ka iney pingey tañi ñuke ka tañi chuchu?

2.  Ramtufilu Pablo ta Timotew “ayüfulmi tami amual ñi amul dungual kamapu müleyechi pu che Sila iñchiñ”, ¿chem pi Timotew?

3.  Jesu ñi pu inaniekeetew, ¿chew wüne üytungey kristiano ngen?

4.  Amutulu engün Pablo, Sila ka Timotew Antiokia waria mu, ¿chem kiñeke waria pemeyngün?

5.  Timotew, ¿chumngechi kellufi ta Pablo, ka chem ramtun müley ñi ramtuwal tati pu wecheke famülke mew?

Ka ramtun dungu:

1.  Chillkatual Hecho 9:19-30.

   ¿Chumngechi pengeli Pablo ñi küme rakiduam ngen traftulu kayñetuwün ñi amul dungun kümeke dungu? (Hech. 9:22-25, 29, 30; Mat. 10:16.)

2.  Chillkatual Hecho 11:19-26.

   ¿Chumngechi pengeli ti nütram mülelu Hecho 11:19-21, 26 Jewba tañi lif küme püllü ngüyülniefi ka yeniefi ti amul dungun küdaw?

3.  Chillkatual Hecho 13:13-16, 42-52

   ¿Chumngechi pengeli Hecho 13:51, 52 tati pu feyentukelu elüñmalayngün tati traftuwün ñi yafüluwenoal engün? (Mat. 10:14; Hech. 18:6; 1 Ped. 4:14.)

4.  Chillkatual Hecho 14:1-6, 19-28.

   ¿Chumngechi ti feypin ‘chalintükufi engün Jewba mew’ tüngduameiñmew ñi newe llükanoal taiñ kelluafiel tati pu we koneltulelu? (Hech. 14:21-23; 20:32; Juan 6:44.)

5.  Chillkatual Hecho 16:1-5.

   ¿Chumngechi küme pengeli Timotew ñi küme pepikawkülen ñi sirkunsidangeal ta doy falin-ngey taiñ femal ‘kom tüfeychi dungu tati werken montuluwün dungu ñi duam’ ? (Hech. 16:3; 1 Kor. 9:23; 1 Tes. 2:8.)

6.  Chillkatual Hecho 18:1-11, 18-22.

   ¿Chem pengeli Hecho 18:9, 10 Jesu ñi koneltulen ñi longkolen ti amul dungun, ka tüfa, chem tüngkülen eluaymew famülke mew? (Mat. 28:20.)

111 Nütram

Kiñe pichi weche wentru umawnagi

1.  ¿Iney am ta tüfachi pichi (püchü) weche wentru tranalelu, ka chem dungu mu rupay?

2.  ¿Chumi Pablo pefilu tati la pichi weche wentru?

3.  Pablo, Timotew ka pu amulelu kidu engün, ¿chew amuyngün, ka chem dungu rupay witranagpulu engün Mileto waria mu?

4.  Agabo, ¿chem feypifi ta Pablo, ka chumngechi mupingey ñi piel tati pelon wentru?

Ka ramtun dungu:

1.  Chillkatual Hecho 20:7-38.

   1.  ¿Chumngechi lifküleafuyiñ “itrofill wentru ñi mollfüñ mew”, chumngechi ñi feypin Pablo mülelu ta Hecho 20:26, 27, TNM? (Ese. 33:8; Hech. 18:6, 7.)

   2.  ¿Chumngelu (chemu) tati pu longkolelu trawüluwkelu mu ‘müley ñi piwkentükunieafiel ti rüfngechi kimelün dungu tañi kimeltungeel’? (Hech. 20:17, 29, 30; Tito 1:7-9; 2 Tim. 1:13.)

2.  Chillkatual Hecho 26:24-32.

   ¿Chumngechi püney Pablo tañi romachengen ñi küme puwal tañi elfalchi küdaw ñi amul dungual tañi eluetew Jesu? (Hech. 9:15; 16:37, 38; 25:11, 12; 26:32; Luk. 21:12, 13.)

112 Nütram

Montuyngün kiñe wapi mew

1.  ¿Chem rupay tati farku amulelu Pablo rupalu inafül Kreta wapi (isla) mew?

2.  Tati pu che amulelu farku mew, ¿chem pieyew Pablo engün?

3.  ¿Chumngelu (chemu) teyfükawi ti farku?

4.  Tati kapitan elfalkülelu, ¿chem dungu feypi, ka chumten che montuy engün inaltu lafken mew?

5.  ¿Chem üy niey ti wapi ñi akuel engün, ka chumfi engün Pablo mu liflu ti antü?

Ka ramtun dungu:

1.  Chillkatual Hecho 27:1-44.

   Itrofill dungu mu rupalu Pablo amulu ta Roma waria mew, ¿chumngechi yafültükueiñmew taiñ maneluwün kom ñi fente nor feypin mülelu Biblia mu? (Hech. 27:16-19, 27-32; Luk. 1:3; 2 Tim. 3:16, 17.)

2.  Chillkatual Hecho 28:1-14.

   Tati pu che mülelu Malta, kimnofilu ta Ngünechen, pengeli “ñi fente küme tutey ñi piwkeyechefengen” ti apostol Pablo ka kakelu pu che mülefulu farku mew, ¿chem müley taiñ femal iñchiñ pu kristiano ngen, ka chumngechi? (Hech. 28:1, 2; Ebr. 13:1, 2; 1 Ped. 4:9.)

113 Nütram

Pablo Roma mew müley

1.  Pablo, ¿iney amul dungulfi petu ñi presulen Roma mew?

2.  ¿Iney am tüfachi witran anülelu, ka chummekey Pablo ñi duam mu?

3.  ¿Iney am ta Epafrodito, ka chem dungu yey wiñotulu ta Filipo waria?

4.  Pablo, ¿chumngelu (chemu) wirilelfi chillka (karta) tañi küme weni Filemon?

5.  Lifrekünungelu ta Pablo, ¿chumi, ka chem dungu mu rupay?

6.  Jewba, ¿iney am pünefi ñi wirintükual tati inan­kechi lifru Biblia mew, ka chem nütramyey ti Apokalipsi (Revelación) lifru?

Ka ramtun dungu:

1.  Chillkatual Hecho 28:16-31 ka Filipense 1:13.

   Petu presulelu ta Pablo Roma waria mu, ¿chumngechi püney ñi antü, ka chumngechi pu kristiano newentükueyew Pablo ñi wüdamngekenochi mupiltun? (Hech. 28:23, 30; Fili. 1:14.)

2.  Chillkatual Filipense 2:19-30.

   ¿Chem kümelkanchi dungu wirintükuy Pablo ta ­Timotew ka Epafrodito, ka chumngechi inayentuafuyiñ iñchiñ tati apostol ñi femün? (Fili. 2:20, 22, 25, 29, 30; 1 Kor. 16:18; 1 Tes. 5:12, 13.)

3.  Chillkatual Filemon 1-25.

   1.  ¿Chem doyümfi Pablo ñi llellipuafiel ta Filemon ñi küme femal, ka chumngechi famülke mew ngüyülfi reke tati pu longkolelu trawüluwkelu mu? (File. 9; 2 Kor. 8:8; Gal. 5:13.)

   2.  ¿Chumngechi pengeli Pablo ñi feypin mülelu ­Filemon 13, 14 mu, tañi yamniefiel trawüluwkelu ñi kiduke rakiduam ngen engün? (1 Kor. 8:7, 13; 10:31-33.)

4.  Chillkatual 2 Timotew 4:7-9.

   Apostol Pablo reke, ¿chumngelu maneluwküleafuyiñ ta Jewba taiñ kullituaetew reke püntütripanoliyiñ kidu mu tuntepule (chumtepule) taiñ mongen? (Mat. 24:13; Ebr. 6:10.)

114 Nütram

Kom wedake dungu afay

1.  ¿Chumngelu (chemu) feypi Biblia müley kawellu wenu mapu?

2.  Ngünechen kewayafi tati pu wedake che mülelu Mapu kiñe fütra awkan mu, ¿chem üy niey tüfachi awkan (weychan), ka chumngelu tüfachi awkan?

3.  Chumngechi pengelniengey ti adentun mu, ¿iney am ta longkoley chi kewan mu, chumngelu yeniey kiñe korona, ka chumngelu yeniey kiñe fütra kuchillo (espada)?

4.  Tukulpanieliyiñ tati 10, 15, ka 33 nütram mu, ¿chumngelu mülelay taiñ afmatuafiel Ngünechen ñi apümkayafiel wedake che?

5.  ¿Chumngechi pengeli ti 36 ka 76 nütram ta Ngünechen apümafi kom wedake che, feypillefule rume Ngünechen ñi poyekefiel engün?

Ka ramtun dungu:

1.  Chillkatual Apokalipsi 19:11-16.

   1.  ¿Chumngechi küme pengeli ti Wirin Chillka tati pürakawellulelu lig (fülang) kawellu mu ñi Jesukristo ngen? (Apo. 1:5; 3:14; 19:11; Isa. 11:4.)

   2.  ¿Chumngechi Jesu ñi mollfüñngechi takun küme pengeli ñi kom wewün tüfachi awkan mu ka ngewelayay? (Apo. 14:18-20; 19:13.)

   3.  ¿Iney (iñi) engün am chi koneltuay tati pu awkafe (weychafe) inaniefilu ta Jesu pürakawellkülelu ñi lig kawellu mu? (Apo. 12:7; 19:14; Mat. 25:31, 32.)

115 Nütram

Kiñe we küme rumel mülewe Mapu mu

1.  Chumngechi ñi feypin ta Biblia, ¿chem kümelkan nierpuayiñ tati Küme Rumel Mülewe Mapu mu?

2.  ¿Chem feypikünuy chi Biblia tati müleachi pu che ti Küme Rumel Mülewe mu?

3.  ¿Chumül Jesu femay kom tüfachi afmatungechi kangetun?

4.  Mülepalu Jesu Mapu mu, ¿chumi ñi pengelal ñi chumal Rey ngele Ngünechen ñi Reyno mu?

5.  ¿Chem femay Jesu ka tati pu ngüneniealu Mapu wenu mapu mu engün?

Ka ramtun dungu:

1.  Chillkatual Apokalipsi 5:9, 10.

   Tati pu rey ka saserdote ngünenietule Mapu kiñe Warangka tripantu mu, ¿chumngelu (chemu) maneluwafuyiñ tañi kutranduamyechengen ka kutranpiwkeyechengen engün? (Efe. 4:20-24; 1 Ped. 1:7; 3:8; 5:6-10.)

2.  Chillkatual Apokalipsi 14:1-3.

   ¿Chem pifel tati pu 144.000 wirintükunielu tañi tol mu Chaw ñi üy ka tati Korderu ñi üy? (1 Kor. 3:23; 2 Tim. 2:19; Apo. 3:12.)

116 Nütram

Chumngechi afnoachi mongen nieafuyiñ

1.  ¿Chem duamiyiñ kimal ayüliyiñ ñi nieal afnoachi mongen?

2.  ¿Chumngechi kimafuyiñ Ngünechen Jewba ka Jesu mu, ñi chummeken ti pichi (püchü) domo adentun mew ka ñi pu weni engün?

3.  ¿Ka chem lifru pengelküley adentun mew, chumngelu müley rumel papiltumekeafiel?

4.  Ka taiñ kimfiel Jewba ka Jesu, ¿ka chem duamnieyiñ taiñ diturpual afnoachi mongen?

5.  ¿Chem kimeltueiñmew tüfachi kayu mari aylla nütram?

6.  ¿Chem kimeltueiñmew pichi kona Samuel ñi küme femün, kechu mari kechu nütram?

7.  ¿Chumngechi inayentuafuyiñ Jesukristo ñi femün, ka femliyiñ, chem ayüwün dungu nieafuyiñ küpalechi antü mu?

Ka ramtun dungu:

1.  Chillkatual Juan 17:3.

   Chumngechi pengelkey tati Wirin Chillka ta doy kimfiel ta Chaw Ngünechen Jewba ka Jesukristo, ¿müley taiñ longkontükuafiel müten, kam müley doy amulerpual taiñ kimün? (Mat. 7:21; Sant. 2:18-20; 1 Juan 2:17.)

2.  Chillkatual Salmo 145:1-21.

   1.  ¿Ka chem fentren dungu mu nieyiñ taiñ püramyeafiel Jewba? (Sal. 145:8-11; Apo. 4:11.)

   2.  ¿Chumngechi Jewba “kümelkafe ngey kom pu che mu”, ka chumngechi tüfachi dungu kelluafeiñmew taiñ doy fülkonal kidu mew? (Sal. 145:9; Mat. 5:43-45.)

   3.  Rüf doy piwkeyefiliyiñ Jewba, ¿chem amulnieayiñ taiñ femal? (Sal. 119:171, 172, 175; 145:11, 12, 21.)