QUIMELTUN 05
Chau Dios eli ta Biblia
Chau Jehová elueiñmu quiñe falin yehun (regalo), fei tati Biblia. Tati Biblia niei 66 lifru. Huelu, ¿cheu am tuhui Biblia? ¿Chumngechi am huirintucungei? Hune inaduamaimi chumi Chau Dios ñi huirintucungeal ti Biblia.
1. ¿Chem pengeli Chau Dios meu ñi cüpan tati Biblia?
Tati Biblia 40 huentru huirintucufingün. ¿Tunteñmaingün ñi huirintucufiel? 1.600 tripantu. Tati pu huentru huirintucufilu fill tuhun niefuingün. Tunte feleafui rume, com tañi huirintucungen Biblia mu quiñeucülei. ¡Afmatufali! Quimfali Chau Dios tañi duam meu ñi huirintucungen ta Biblia (papeltuaimi 1 Tesalonicenses 2:13). Feitachi pu huentru quisu tañi raquiduam huirintuculaingün, Chau Dios ñi nehuen mu adümelfi engün chem tañi huirintucual (2 Pedro 1:21). Feimu llemai, tüfachi pu huentru huirintucuingün Chau Dios tañi raquiduam (2 Timoteo 3:16).
2. ¿Com che cümelcayafeyu ñi feipin ta Biblia?
Chem tuhun nieafui rume ti che, quelluafeyu ñi feipin ta Biblia (papeltuaimi Apocalipsis 14:6). Tüfa Chau Dios tañi ayünieel, feimu tati Biblia müleyei fentren quehun dungun meu, trürümfal-lai caque lifru mu. Famülque meu, epe com che nieafui quiñe Biblia ca allcütuafui ñi feipin quisu engün ñi quehun dungun meu.
3. Jehová, ¿chumngechi cuñiutucuniefi ta Biblia?
Fillque chemcün meu huirintucungei Biblia, trülque ca fillque caquelu, huelu pürüm huesañmauquefui. Feimu quiñeque huentru fente cüme copiafingün caquelu chemcün meu, femnofule engün afafui tati Biblia. Quiñeque huentru ayüfui ñi apümafiel Biblia. Huelu caquelu huentru eluhuingün ñi incañpeafiel ti Biblia, tunte cuñihun-ngefule rume. Jehová nütramcaqueiñmu reque Biblia meu. Feimu eluñmalayai ñi apümngeal Biblia. Feimu Biblia feipi: “Ngünechen ñi dungu rumel mülequei” (Isaías 40:8).
DOI QUIMAIMI
Quimaiñ cüla dungu: 1) Chau Dios adümelfi pu huentru chem ñi huirintucual Biblia mu. 2) Chau Dios cuñiutucufi ti Biblia, fei ñi ñamnoam. 3) Com che allcütuafui Chau Dios ñi Dungu.
4. Ngünechen meu tuhui Biblia
Peaiñ ti VIDEO. Fei hula papeltuaiñ 2 Timoteo 3:16, ca ngüneduamaiñ tüfachi epu ramtun.
Pu huentru huirintucufilu rume ti Biblia, ¿chumngelua Ngünechen tañi dungu pingeafui?
Chau Dios adümelfi pu huentru chem ñi huirintucual Biblia mu, ¿chumngechi cai tüfa? ¿Chem pimi cai tüfachi dungu meu?
Quiñe cüdaufe huirintucumequei quiñe carta, huelu tañi patron feipimequeyu chem huirintucual. Ca femngechi pu huentru huirintucuingün ti Biblia, huelu Chau Dios quimeleyu chem huirintucual.
5. Biblia caiñetungelu rume, apümngelai
Jehová mu cüpai ta Biblia, feimu quisu incañpeniequefi. Cuifi meu, fentren che ayüquefui ñi apümafiel Biblia, ca pu religioso ayüquelafui pu che ñi papeltuafiel. Huelu femfulu rume pu che, quiñeque incañpefingün ta Biblia, cuñihun-ngefulu rume tañi mongen. ¿Ayüafuimi tami quimafiel ñi femün quiñeque engün? Peaiñ ti VIDEO, ca ngüneduamaiñ tüfachi ramtun.
Tami pefiel video meu, ¿falin-ngepei mai ñi papeltungeal ta Biblia? ¿Chumngelu cai?
Papeltuaiñ Salmo 119:97, ca ngüneduamaiñ tüfachi ramtun:
Cuñihun-ngefule rume, fentren che eluhuingün ñi rulpadunguafiel Biblia ca quelluafiel ta che ñi nieal quiñe Biblia. Fei, ¿chumngelu am femngechi femingün?
6. Tati Biblia itrocom che ñi nieal
Tati Biblia doi rulpadungungei chem lifru mu rume, ca epe com che niei quiñe Biblia. Papeltuaiñ Hechos 10:34, 35, ca ngüneduamaiñ tüfachi epu ramtun:
Chau Dios ayüquei com pu che ñi nieal quiñe Biblia tañi quehun dungun meu, ¿chumngelu chi?
¿Chem doi ayüquefimi Biblia mu?
Epe
com che
mülelu Mapu mu
papeltuafui ti Biblia
Doi
3.000
quehun dungu mu
rulpadungungei Biblia
5.000.000.000
Tüfa ñi fentelen Biblia,
trürümfal-lai caquelu lifru meu
QUIÑEQUE CHE FEIPIAFEIMU: “Biblia pu huentru ñi huirintucuel müten”.
¿Chem raquiduamimi fei ta mu?
¿Chem pengeli Chau Dios meu ñi cüpan tati Biblia?
TAMI QUIMEL
Tati Biblia Chau Dios mu cüpai ca quisu tañi pin meu com che nieafui quiñe Biblia.
¿Chem piafuimi?
Jehová, ¿chumngechi adümelfi pu huentru chem ñi huirintucual Biblia meu?
Com tami peel tüfachi quimeltun meu, ¿chem doi afmatuleimu?
Jehová chumfui rume tami nieal quiñe Biblia fei tami nütramcayaeteu reque, ¿chum duameleimu tüfa?
CA PEAFUIMI
Papeltunge chumngechi tati Biblia huirintucungelu cuifi, puhui taiñ antü meu, ca chumngechi rulpadungungei.
“Ngünechen tañi Dungu rumel felequei” (¡Tami quimafel! noviembre, 2007)
Quimnge chumngechi fütra inacangefui Biblia, huelu apümcangelai.
Inaduamnge ñi chumün quiñeque che ñi rulpadungual Biblia, cuñihun-ngefulu rume.
Mufüque rupa entuhuiringei tati Biblia, fei ¿chumngechi quimafuiñ ñi rüfngen tañi feipin?
a Chemu.