Kiñe mangelün dungu kom pu che ngealu

1. ¿Chumül am llituay taiñ küdaw ñi mangelafiel tati pu che ti fütra trawün mu?

¹ Pepikafilmi kiñe ilelkawün tami pu weni ka tami pu che, müna küdawpelayaymi ka amultukupelayaymi plata, feymu ayüwün-ngechi mangelafimi tami pu che. Ka femngechi, müna küdawtungey ñi pepikangeal tati küpalechi fütra trawün küla antü ngealu, kiñe fütra ilelkawün reke Jewba mew küpalu. Küla semana petu puwnolu ti fütra trawün, Jewba eluaeiñmu kiñe falin küdaw taiñ mangelafiel kakelu che ñi trawüal. ¿Chem kelluaeiñmu taiñ ayüwünkechi mangelafiel tati pu che?

2. ¿Chem yafüluwaeiñmu taiñ koneltuleal tüfachi amuldungun küdaw mu?

² Rakiduamaiñ fente taiñ kümelkayaetew tüfachi fütra trawün kiñe ilelkawün reke Jewba ñi eluel, femngechi mañumküleaiñ ka yafüluwaiñ taiñ koneltuleal tüfachi amuldungun küdaw mew taiñ mangelafiel tati pu che (Isa. 65:13, 14). Kafey tukulpayaiñ tunte ñi küme tripaken tüfachi küdaw (pefinge tati wichulechi dungu “Küme tripakey”, pingelu). Kiñeke che taiñ mangelfiel amuay chi tati fütra trawün mew, welu kakelu amulayayngün chi. Welu tunten che küpafule rume, taiñ koneltun mu tüfachi amuldungun küdaw mew püramyeafiyiñ ta Jewba ka poyechefengeaiñ Ngünechen reke (Sal. 145:3, 7; Apo. 22:17).

3. ¿Chumngechi wülngeay tati mangel dungu?

³ Kiñekentu pu trokiñ longkolelu müley ñi dullial chumngechi küme wülal doy mangel dungu, ka ñi elkünual kam elkünunoal ti papil tati ruka mu chew ñi mülenon che, kam ñi wülal amuldungule chew ñi rupameken alün che tati trawünche mu. Kümelu ñi femngeal trokifiliyiñ, sabado ka domingo antü mew ka wülafuiñ tati chillka. Dew afle ti amuldungun küdaw, ayüwküleaiñ taiñ koneltulen mu tüfachi fütra küdaw mew, ka taiñ mangelfiel tunte che taiñ pepilnieel, femngechi ñi llowal engün tüfachi fütra ilelkawün reke Jewba ñi pepikakünuel.