Hueluconque yafültucuhuaiñ

Rume yafültucuqueiñmu taiñ quiñentrür müleal taiñ pu peñi ca lamngen iñchiñ. Huelu duamfal-lai re taiñ quiñentrür müleal müten, doi mai Biblia feipi taiñ hueluconque ‘yafültucuhual taiñ doi cüme hueniyeafiel ta Chau Ngünechen’ (Rom. 1:11, 12). ¿Chumngechi femafuiñ?

Yafültucuafiyiñ caquelu taiñ feipin mu. Huiñoldunguliyiñ trahun mu, müte dungulayaiñ iñchiñ mu ca quisu taiñ raquiduam mu, doi mai chem quimürpuiñ Biblia mu, Jehová ca tañi pu serfiqueteu. Quiñentrür müleliyiñ pu peñi, pu lamngen iñchiñ, entuaiñ nütramcan taiñ quelluafiel ñi doi hueniyeafiel Jehová.

Yafültucuafiyiñ caquelu taiñ femquen mu. Quiñeque peafui taiñ fill antü serfiquefiel Jehová cüdaungefule rume, feita yafültucuafeyu. Caquelu peafui taiñ amuquen trahun rangiñ semana mu cutrancülen mu rume cam com antü cüdaulu rume, fei ca yafültucuafeyu.

Eimi cai, ¿yafültucuquefimi caquelu tami feipin ca tami femün mu? ¿Eluucüleimi cai tami ca yafültucuaeteu pu peñi, pu lamngen?