পদবোৰ কেনেকৈ মনত ৰাখিব পাৰোঁ?

ভাল লগা পদবোৰ মনত ৰাখিবলৈ আপোনাৰ কঠিন হয় নে? এই পদবোৰৰ পৰা হয়তো আপুনি শান্ত্বনা লাভ কৰে, বেয়া ভাৱনাবোৰৰ পৰা ওলাব পাৰে আৰু আনক জনাব বিচাৰে। (গীত. ১১৯:১১, ১১১) আপুনি সেই পদবোৰ কেনেকৈ মনত ৰাখিব পাৰে? ইয়াৰ কিছুমান উপায়ৰ বিষয়ে মন কৰক।

• JW লাইব্ৰেৰী এপত টেগ ব্যৱহাৰ কৰক। JW লাইব্ৰেৰী এপত যদি আপুনি বাইবেল পঢ়ি আছে আৰু এনে কিবা পদ পালে যি মনত ৰাখিব বিচাৰে, তেনেহʼলে সেয়া টেগa কৰি দিয়ক। আপুনি যদি বিচাৰে সেই টেগৰ নাম “ভাল লগা পদবোৰ” ৰাখিব পাৰে। এইদৰে পাছত আপুনি সহজে সেই পদবোৰ বিচাৰি পাব পাৰে।

• এনে ঠাইত পদবোৰ লিখি ৰাখক, য’ত আপুনি সহজে চাব পাৰে। আপুনি কাগজত সেই পদ লিখিব পাৰে আৰু সেয়া এনে ঠাইত লগাব পাৰে য’ত আপুনি সহজে দেখা পাব পাৰে। কিছুমান লোকে আইনাত আৰু আন কিছুমানে ফ্ৰিজত লগায়। কিছুমান লোকে পদৰ স্ক্ৰিনশ্বট লয় আৰু তাক নিজৰ কম্পিউটাৰ বা মʼবাইলৰ ওৱালপেপাৰ বনায়।

• পদবোৰৰ কাৰ্ড বনাওক। কাৰ্ডৰ এফালে পদ লিখক (বাইবেলৰ কিতাপ, অধ্যায় আৰু পদ) আৰু আন ফালে পদত দিয়া কথাখিনি লিখক। পাছত পদ চাই মনত পেলাবলৈ চেষ্টা কৰক যে সেই পদত কি লিখা আছে। বা লিখা কথাখিনি চাই মনত পেলাবলৈ চেষ্টা কৰক যে সেই কথা বাইবেলত কʼত লিখা আছে।