আমাৰ দিনৰ বাবে এক সাৱধানবাণীযুক্ত উদাহৰণ প্ৰতি মনোযোগ দিবলৈ আগ্ৰহ কৰা হʼল
আমাৰ সকলোৱে, আমাৰ দিনৰ বাবে এক সাৱধানবাণীযুক্ত উদাহৰণ নামৰ বাইবেল নাটকৰ ভিডঅʼখন চাই তাৰ পৰা পোৱা শিক্ষাত মনোযোগ দি নিজৰ অখণ্ডতা বজাই ৰাখিবলৈ নিৰ্ণয় লʼব পাৰোঁ। এই ভিডিঅখন চোৱাৰ পূৰ্বেই অনুগ্ৰহ কৰি গণনা পুস্তক ২৫ অধ্যায়টো পঢ়ক আৰু সেই ঘটনাৰ পৃষ্ঠভূমিৰ বিষয়ে জানিবলৈ ইনচাইট অন দ্যা স্ক্ৰিপশ্বাৰ, ২ খণ্ড, ৪১৯ পৃষ্ঠা, ৩-৫ অনুচ্ছেদ চাওক। তাৰ পিছত এই প্ৰশ্নসমূহৰ উত্তৰ দিয়ক: মোৱাবীয়াসকল কোন আৰু কিয় যিহোৱাই মোচিক তেওঁলোকৰ অহিতে যুদ্ধ নকৰিবলৈ কৈছিল? (দ্বিতী. ২:৯) মোৱাবীয়াসকলক ব্যৱহাৰ কৰি ইস্ৰায়েল জাতিক ধ্বংস কৰিবলৈ বিলিয়মে কেনে ষড়যন্ত্ৰ ৰচিছিল? প্ৰতিজ্ঞাত দেশত প্ৰৱেশ কৰাৰ অলপ সময়ৰ পূৰ্বেই বহুতো ইস্ৰায়েল ব্যক্তিয়ে সেই গুৰুত্বপূৰ্ণ পৰীক্ষাত বিফল হোৱাৰ বিষয়ে আমি কিয় পাহৰি যোৱা উচিত নহয়?—১ কৰি. ১০:১১, ১২.
যেতিয়া সাৱধানবাণীযুক্ত উদাহৰণ ভিডিঅখন চোৱা হয় তেতিয়া তলত দিয়া অনুসাৰে আমাৰ নিজৰ জীৱনৰ চাৰিটা দিশৰ বিষয়ে গম্ভীৰভাৱে বিবেচনা কৰক যিটো বৰ্তমান সময়ত ঈশ্বৰৰ অনুমোদন আৰু তেওঁৰ বিশ্বাসী প্ৰমাণিত হʼবলৈ অতি আৱশ্যক। (১) মনোবৃত্তি: কিছুমান ইস্ৰায়েল ব্যক্তিয়ে কেনেকৈ যিহোৱা আৰু তেওঁৰ ব্যৱস্থাৰ প্ৰতি ভুল মনোবৃত্তি ৰাখিছিল? তাৰ পৰিৱৰ্তে আমি কেনে মনোবৃত্তি ৰাখিবলৈ আৰু প্ৰকাশ কৰিবলৈ চেষ্টা কৰা উচিত? (২) সঙ্গতি: ইস্ৰায়েলসকলে মোৱাবীয়াসকলৰ সৈতে বন্ধুত্ব স্থাপন কৰাটো কিয় যিহোৱাই বিচৰা নাছিল? (যাত্ৰা. ৩৪:১২; হিতো. ১৩:২০) আমি কিয় বুদ্ধিমানপূৰ্বক হৈ আমাৰ বন্ধুৰ বাছনি কৰা আৱশ্যক? (৩) নৈতিকতা: বেয়া সঙ্গতিয়ে ২৩,০০০ জন ইস্ৰায়েল ব্যক্তিক কেনে গম্ভীৰ পাপ কাৰ্য্য কৰিবলৈ পৰিচালিত কৰিলে? (১ কৰি. ১০:৮) বৰ্তমান সময়ত অনৈতিক কাৰ্য্যত লিপ্ত হʼবলৈ কিছুমান ঈশ্বৰৰ সেৱকৰ ওপৰত কেনে প্ৰলোভন আহে, কিন্তু আমি কেনেকৈ নিজকে তাৰ পৰা ৰক্ষা কৰিব পাৰোঁ? (৪) উপাসনা: উপাসনাত শুদ্ধতা বজাই ৰাখিবলৈ ইস্ৰায়েসকলৰ ওপৰত কেনে পৰীক্ষা আহিছিল? বৰ্তমান সময়ত কিছুমানে গুপুতভাৱে মূৰ্ত্তিপূজাৰ সৈতে জড়িত থকা কাৰ্য্যবোৰত কেনেকৈ বশবৰ্তী হʼব পাৰে, কিন্তু আমি কেনেকৈ নিজকে ৰক্ষা কৰিব পাৰোঁ?—কল. ৩:৫.
নাটকত দেখা পোৱা যামীনে নৈতিক অখণ্ডতা বজাই ৰখাৰ বাবে কেনে আশীৰ্ব্বাদ লাভ কৰিলে? এই ভিডিঅখনৰ দ্বাৰা প্ৰসাশন গোষ্ঠীয়ে প্ৰকৃত খ্ৰীষ্টানসকললৈ কেনে আন্তৰিক পৰামৰ্শ আগবঢ়াইছে? যদি আপুনি এজন পৰিয়ালৰ মুৰব্বী, তেনেহʼলে নিজ পৰিয়ালৰ সৈতে এই ভিডিঅখন বাৰে বাৰে চোৱাটো বুদ্ধিমানৰ কাৰ্য্য বুলি কিয় অনুভৱ কৰে?