আইনাক ভালদৰে ব্যৱহাৰ কৰক

যাকোবে বাইবেলক আইনাৰ লগত তুলনা কৰিছে, যিয়ে আমি অন্তৰৰ পৰা কেনে ব্যক্তি হওঁ সেয়া জানিবলৈ সহায় কৰে। (যাকো. ১:২২-২৫) আমি কেনেকৈ বাইবেলখনক আইনাৰ নিচিনা ভালদৰে ব্যৱহাৰ কৰিব পাৰোঁ?

ধ্যান দি পঢ়ক। যদি আমি খৰ-খেদাকৈ আইনাত নিজকে চাওঁ, তেনেহʼলে আমি হয়তো নিজৰ ভুল দেখা নাপাব পাৰোঁ। ঠিক সেইদৰে, যদি আমি বাইবেলখন খৰ-খেদাকৈ পঢ়োঁ, তেনেহʼলে আমি নিজৰ জীৱনত কি শুধৰণি কৰিব লগে সেয়া গʼম নাপাম। সেইবাবে, বাইবেলখন ভালদৰে পঢ়া আৰু অনুসন্ধান কৰাটো অতি গুৰুত্বপূৰ্ণ।

আনৰ ওপৰত নহয়, নিজৰ ওপৰত ধ্যান দিয়ক। কেতিয়াবা কেতিয়াবা আমি আইনাক এনেদৰে ধৰোঁ, যাৰ বাবে আমি আইনাত আনক দেখা পাওঁ আৰু তেওঁলোকৰ ভুলবোৰকো দেখা পাওঁ। ঠিক সেইদৰে, যেতিয়া আমি বাইবেল পঢ়োঁ, তেতিয়া হয়তো আমি আনৰ বিষয়ে চিন্তা কৰিব পাৰোঁ আৰু তেওঁলোকৰ ভুলবোৰৰ বিষয়ে ভাবিব পাৰোঁ। কিন্তু এইদৰে কৰিলে আমাৰ কোনো লাভ নহʼব, কাৰণ আমি নিজকে শুধৰণি কৰিব নোৱাৰিম।

নিজৰ বিষয়ে সঠিক চিন্তাধাৰা ৰাখক। যদি আমি আইনাত নিজৰ ভুলবোৰকে চাওঁ, তেনেহʼলে আমি নিৰাশ হৈ পৰিব পাৰোঁ। বাইবেল পঢ়াৰ সময়ত আমি কেৱল নিজৰ ভুলবোৰৰ বিষয়ে চিন্তা কৰা উচিত নহয়। আমি মনত ৰখা উচিত যে যিহোৱাই আমাৰ পৰা বেছিকৈ আশা নকৰে আৰু আমিও কৰা উচিত নহয়।—যাকো. ৩:১৭.