Zacarías
10 “Jallupachanjja Jehová Diosarojj yapunak poqorayir jallu mayipjjam.
Jehová Diosaw chʼiyar qenayanak utjayi,
juparakiw jaqenakatakejj jallu wal purjjatayi,+
camponkir chʼojjña alinaksa taqeniruw churaraki.
2 Terafim idolonakapajj* engañonakwa parlapjje,
yatirinakasa falso visionanakwa uñjapjje.
Jupanakajj jan kunatak servir samkanakatwa parlapjje,
inamayaw chuymachtʼañ munapjje, ukampis janiw khitis chuymachtʼatäkiti.
Ukatwa jaqenakajj ovejanakjam uks aks sarnaqapjjani,
jan awatirinïpjjatap laykojja tʼaqesipjjarakiniwa.
3 Awatirinakatakejj wali coleratätwa,
tʼaqesiyir pʼeqtʼirinakarojj* cuenta nayajj mayëjja,
kuna laykutejj ejercitonakan Jehová Diosapaw tamapat amtasi,+ Judá markankir jaqenakatwa amtasi,
jupanakarojja guerrar sariri jachʼañchkay caballoparjamaw tukuyi.
4 Judá markatwa pʼeqtʼirejj* mistu,
jupatwa jupanakar yanaptʼir gobernantejj mistu,
jupatwa guerran nuwasiñatak flechtʼañ arcojj mistu,
jupatwa taqe supervisoranakajj* mistu, taqe jupanakaw jupat mistupjje.
5 Jupanakajj guerrar sarir jaqenakjamäpjjaniwa,
callenakankir ñeqʼenak taksuri guerrar sarir jaqenakjamäpjjaniwa.
Jupanakajj guerranwa nuwasipjjani, kuna laykutejj Jehová Diosaw jupanakampïski,+
caballjjat sarir enemigonakajja phenqʼachataw uñjasipjjani.+
6 Judá markankir jaqenakarojja yaqhanakat sipansa jukʼamp chʼamaniruw tukuyäjja,
José chachat jutir wawanakaparus salväwa.+
Jupanakarojj oraqeparuw kuttʼayanëjja,
kuna laykutejj jupanakat nayajj khuyaptʼayasïwa,+
janis kunapachas jupanakar rechazkiriskayäta ukhamäniwa,+
kuna laykutejj nayaw jupanakan Jehová Diosapätjja, nayaw jupanakar jaysäjja.
7 Efraín chachat jutir wawanakajja, guerrar sariri wali chʼaman jaqenakjamäpjjaniwa,
chuymanakapajj wal kusisini, kunjamtï maynejj vino umtʼasin wal kusiski ukhama,+
wawanakapajj uk uñjasajj kusisipjjaniwa,
Jehová Dios laykojja chuymanakapajj kusisitäniwa.+
8 ‘Jupanakar tantachthapiñatakejja nayajj khuytʼäwa,
nayasti jupanakarojj salväwa,+ jupanakasti waljaniruw tukupjjani,
waljanïsipkakiniwa.
9 Jupanakarojj jathanakar uñtatas markanak taypin aywitataykchëjja,
jaya lugaranakanjja nayatwa jupanakajj amtasipjjani,
wawanakapamp chikaw chʼam katjjatapjjani, ukatsti kuttʼanipjjaniwa.
10 Egipto oraqetpachwa jupanakar irpanëjja,
Asiria markatpachwa jupanakar tantachthapëjja,+
Galaad+ oraqempiru Líbano oraqempiruw jupanakarojj irpanëjja,
ukanjja janiw jupanakatakejj campojj utjkaniti.+
11 Jupajja jan waltʼäwinak utjayasaw lamar qotnam pasani,
lamar qotanjja oladanakaruw jupajj jawqʼsuni,+
Nilo jawiran umanakapajj wañsjjaniwa,
Asiria markan jachʼa jachʼa tukutapajj jiskʼachatäniwa,