25 Moisesajj taqpach israelitanak taypitjja, amuytʼasiri chachanakaruw ajllïna. Jupanakarusti Israel markjjaruw pʼeqtʼirinakat uttʼayäna, ukhamat yaqhepajj 1.000 jaqenakar pʼeqtʼapjjañapataki, yaqhepajj 100 jaqenakar pʼeqtʼapjjañapataki, yaqhepajj 50 jaqenakar pʼeqtʼapjjañapataki, yaqhepasti 10 jaqenakar pʼeqtʼapjjañapataki. 26 Kunapachatï problemanakajj utjäna ukhajja, uka pʼeqtʼirinakaw jaqenakar juzgapjjäna. Jachʼa problemanakajj utjäna ukhajja Moisesan ukaruw juzgañapatak apanipjjäna,+ ukampis jiskʼa problemanakjja jupanakaw juzgapjjäna.

18 ”Jehová Diosamajj churasipktam taqe uka markanakanjja, sapa tributakiw juezanaka+ ukhamarak pʼeqtʼirinaka uttʼayapjjañama, jupanakaw markarojj cheqaparjam juzgapjjañapa.

8 ”Markanakamantï mä problemajj utjani, uk juzgañajj jumanakatak wali chʼamarakïni, mä arunjja maynitï wila wartatapat juchanïni+ jan ukajj mä quejajj utjani jan ukajj maynitï yaqhar nuwjani jan ukajj yaqha problemanakas utjani ukhajja, Jehová Diosamajj ajllkani uka lugararuw sarapjjañama.+