16 Kunapachatï oraqeman yapuchkta uka nayrïr achunak apthapïta ukhajja, Nayrïr Cosecha Fiestwa* amtañama.+ Ukatsti oraqeman yapuchkta ukanakat qhep qhepa achunak apthapïta ukhajja, Qhepa Cosecha Fiestwa* mara tukuyar amtañamaraki.+

12 ”’Paqallqöri phajjsit 15 urunak saraqatarojja, mä sagrado tantachäwi amtapjjañama. Janiw kuna chʼama tukuñ trabajsa lurapjjañamäkiti, paqallqo urunakaw Jehová Diosatak mä fiesta amtapjjañama.+

13 ”Kunapachatï granonakamsa, aceitemsa, vinsa apthapipkäta ukhajja, paqallqo urunakaw Ramanakamp Carpachasiñ Fiesta+ amtapjjañama.

4 Ukatjja jupanakajj kunjamtï Leyin qellqatäki ukarjamaw Ramanakamp Carpachasiñ Fiesta amtapjjäna,+ qhawqhatï sapa urutak wakiskäna ukarjamaw nakhantayat sacrificionak sapüru loqtapjjäna.+

14 Ukatjja Jehová Diosajj Moisés taypi israelitanakar churkäna uka Leyin mä qellqataw uñstäna, ukarjamasti israelitanakajj paqallqöri phajjsin utjkäna uka fiestan ramanakamp lurat carpanakanwa jakapjjañapäna.+ 15 Ukatsti taqe markanakapansa Jerusalén markansa akham sasaw israelitanakajj yatiyapjjañapäna:+ “Qollunak toqer mistupjjam, olivo qoqanakan* jachʼa ramanakapampi, pinonakampi, mirtonakampi, palmeranakampi, yaqha jachʼa qoqanakan ramanakapampi aptanipjjam, ukhamat qellqatäki ukarjam carpachasipjjañamataki” sasa.

16 Markankirinakajj mistusaw ramanak aptanipjjäna, ukhamat carpachasipjjañapataki, sapa mayniw pachpa techopansa, pationakapansa, cheqpach Diosan utapan utjkäna uka pationakapansa,+ Uma Punku+ plazansa, Efraín Punku+ plazansa carpachasipjjäna. 17 Khitinakatï preso apatat kuttʼanjjapjjäna taqe ukanakaw* carpachasipjjäna, ukanwa jakapjjarakïna, ukatwa israelitanakajj walpun kusisipjjäna, kuna laykutejj Nun chachan Josué+ yoqapan urunakapat uka urkamajja, janipuniw ukham lurapkänti.+ 18 Sapüruw cheqpach Diosan Leyinakan libropajj liytʼasïna,+ nayrïr urut qhepa urkama. Jupanakasti paqallqo urunakaw fiesta amtapjjäna, kimsaqallqöri urunsti mä sagrado tantachäwi lurapjjarakïna, kunjamtï mayitäkäna ukarjama.+

2 Ukhamarus judionakan Tabernaculonak Lurañ Fiestaw*+ jakʼankjjäna.