14 Ukatjja Jehosafat chachan Jehú+ yoqapaw Jehoram contra saytʼasïna, Jehú chachajj Nimsí chachan allchhipänwa.

Jehoram reyimpi Israelan ejercitopampejj Ramot-Galaad+ markankasipkänwa, Hazael reyitwa Israelar arjjatasipkäna, Hazael+ chachajj Siria oraqen reyipänwa.

24 Jehú chachasti flechtʼañ arcop katusajj Jehoram reyiruw jikhanipat flechtʼäna, flechasti chuymapat junstarakïna, ukhamatwa jupajj guerran nuwasiñatak carropan jiwjjäna.

6 Ukatwa Jehú reyejj akham sasin yaqha carta qellqäna: “Jumanakatejj nayampïpjjstajja, nayarus istʼañ munapjjarakchistajja, reyiman wawanakapan pʼeqenakap apanipjjam, qharür aka horasaruw Jezreel markar jutapjjäta” sasa.

Reyin 70 yoqanakapajj markan wali importante chachanakampïsipkänwa, jupanakaw reyin yoqanakaparojj uywapjjarakïna. 7 Kunapachatï cartajj jupanakar purïna ukhajja, ratukiw reyin 70 yoqanakapar katusajj jiwarayapjjäna,+ pʼeq apaqasajj canastanakar uchasaw Jezreel markar Jehú reyin ukar apayapjjarakïna.

23 Ukatjja Jehú reyimpi Recab chachan Jehonadab+ yoqapampejj Baal diosan temploparuw mantapjjäna. Baal diosan adoririnakaparojj* akham sasaw jupajj säna: “Wali amuyumpi thaqtapjjam, Jehová Diosar adoririnakat janiw ni maynis akan utjañapäkiti, jan ukasti Baal diosar adoririnakakiw akankañapa” sasa.

25 Nakhantayat ofrenda loqtañ tukuyasajja, Jehú reyejj akham sasaw guardianakarusa oficialanakarus säna: “¡Mantanipjjam, jiwarayapjjam! ¡Jan maynirus escapayapjjamti!”+ sasa. Ukatwa guardianakas oficialanakas jupanakar espadampi jiwarayasajj anqar jaqsunipjjäna, ukhamaw jupanakajj Baal diosan templopankir manqha santuariopkam* puripjjäna.