24 Moisesasti mistuwayasaw kuntï Jehová Diosajj siskäna ukanak Israel markar yatiyäna. Ukatsti Israel markankir ancianonakatjja 70 chachanakaruw tantachthapïna, Diosamp jikisiñ carpa muytpacharuw saytʼayarakïna.+ 25 Ukatjja Jehová Diosajj mä qenayan saraqanisaw+ Moisesamp parläna,+ ukatsti Moisesjjankkäna uka espíritu santot mä jukʼa apaqasajja,+ 70 ancianonakjjaruw uchäna. Kunapachatï espíritu santojj ancianonakjjar purïna ukhajja, ukspachaw jupanakajj profetanakjam tukupjjäna,*+ ukampis qhepatjja janiw wasitat ukham tukjjapjjänti.

18 Jehová Diosasti Moisesarojj akham sarakïnwa: “Nun chachan Josué yoqapar irptanim, jupasti pʼeqtʼañatakejj suma wakichtʼatawa, amparamampi jupar loqjjatam.+

20 Juman utjki uka autoridadatjja mä qhawqha jupar churañama,+ ukhamat taqpach israelitanakajj jupar istʼapjjañapataki.+

9 Kunapachatï jupanakajj paskatjjapjjäna ukhajja, Eliasajj akham sasaw Eliseor säna: “Diosajj janïr juman ukat nayar apkipanjja, kunsa jumatak lurirista uk mayita” sasa. Eliseosti akham sarakïnwa: “Mirä amp suma, ¿Diosajj churktam uka espiritumat* pä ukha*+ katoqeristti?”+ sasa.