Watchtower INTERNETANKIR BIBLIOTECA

Watchtower INTERNETANKIR BIBLIOTECA

INTERNETANKIR BIBLIOTECA

Job 7:6

Biblia Aymara. Machaq Mundon Jakirinakataki
- 6 Urunakajajj sawurin telarapjamaw jukʼamp ratuk saraski,+
  urunakajajj jan kuna suytʼañaniw tukusjjaraki.+

Job 14:1, 2

Biblia Aymara. Machaq Mundon Jakirinakataki
- 14 ”Warmit nasiri jaqejja,
  jukʼa tiempokiw jaki,+ vidapajj jan waltʼäwinakamp phoqantatarakiwa.*+
  
  2 Jupajj mä panqarar uñtataw jilsu, ukatsti wañsjjarakiwa.*+
  
  Jupajj mä chʼiwir uñtataw pasakiptasin chhaqtjjaraki.+

Salmo 39:5, 6

Biblia Aymara. Machaq Mundon Jakirinakataki
- 5 Jumasti mä qhawqha tiempo jakañakwa nayar churistajja,+
  juma nayraqatanjja jakäwijajj janis kunäkaspa ukhamawa.+
  
  Taqe jaqenakajj seguröpkaspas ukhamäpkchisa, janiw kunäpkisa jan ukasti aleq samsuñampi sasipjjakiwa.+ (Sélah).
  
  6 Cheqpachansa taqe jaqenakajj mä chʼiwir uñtataw sarnaqapjje,
  jaqenakajj inamayakiw wali apurat uksar aksar sarnaqapjje.
  
  Jupanakajj walja yänakwa* montontʼapjje, ukampis khitis ukanakat disfrutani uk janiw yatipkiti.+

Salmo 103:15, 16

Biblia Aymara. Machaq Mundon Jakirinakataki
- 15 Jaqen urunakapajj paston urunakapjamawa,+
  camponkir panqarar uñtataw panqararaki.+
  
  16 Ukampis kunapachatï thayajj thaytʼanki ukhajja, chhaqtawayjjewa,
  janis kunapachas ukankkaspäna ukhamakëjjewa.