Watchtower INTERNETANKIR BIBLIOTECA

Watchtower INTERNETANKIR BIBLIOTECA

INTERNETANKIR BIBLIOTECA

Génesis 18:14

Biblia Aymara. Machaq Mundon Jakirinakataki
- 14 Jehová Diosatakejj ¿kun lurañas chʼamäspati?+ Akat mä mararuw nayajj juman ukar kuttʼanëjja, ukhatakisti Sarajj mä yoqall wawanïniwa” sasa.

Salmo 135:6

Biblia Aymara. Machaq Mundon Jakirinakataki
- 6 Jehová Diosajj kunanaktï jupajj munki taqe ukanakwa luri,+
  alajjpachansa, oraqensa, lamar qotanakansa, lamar qota manqhanakansa.

Isaías 43:13

Biblia Aymara. Machaq Mundon Jakirinakataki
- 13 Nayajj pachpakïsktwa,+
  janiw khitis amparajat kuns aparkitaspati.+
  
  Kunapachatï nayajj kuns lurta ukhajja, ¿khitirak uka lurañat jarkʼitaspasti?”.+

Isaías 55:10, 11

Biblia Aymara. Machaq Mundon Jakirinakataki
- 10 Kunapachatï alajjpachat jallojj purjjatki khunus khununtki ukhajja,
  oraqer sum chʼarantʼañkamajj janiw ukajj alajjpachar kuttʼkiti, jan ukasti alinakwa jiltayi, achunakwa achoqayaraki,
  satir jaqerojj jathanakwa churi, manqʼañatakejj manqʼañanakwa churaraki,
  11 lakajat mistki uka arunakajajj ukhamarakïniwa.+
  
  Janiw nayan ukarojj jan kun lurasajj kuttʼankaniti,+
  kuntï nayajj munkta ukjja cheqpachapuniw lurani,+
  kun lurañatakitejj nayajj khitkta ukjja kunjamatsa phoqapuniniwa.

Jeremías 32:17

Biblia Aymara. Machaq Mundon Jakirinakataki
- 17 “¡Taqe Kunjjar Munañani Jehová Dios Tata! Jumaw jachʼa chʼamamampi chʼamani amparamampi alajjpachanaksa oraqsa lurtajja.+ Janiw jumatakejj kunas jan lurañjamäkiti.

Marcos 10:27

Biblia Aymara. Machaq Mundon Jakirinakataki
- 27 Jupanakar uñkatasasti Jesusajj akham sänwa: “Jaqenakatakejj janiw kunjamatsa ukajj luraskaspati, ukampis Diosatakejj janiw chʼamäkiti, jupatakejj taqe kunas lurasikispawa”+ sasa.

Lucas 18:27

Biblia Aymara. Machaq Mundon Jakirinakataki
- 27 Jupasti sarakïnwa: “Jaqenakatakejj jan lurañjamäki ukanakajja, Diosatakejj lurasikispawa”+ sasa.