• 1 Crónicas 29:10, 11
    Biblia Aymara. Machaq Mundon Jakirinakataki

    • 10 Ukatjja Davidajj taqe congregación nayraqatanwa Jehová Diosar jachʼañchäna. Davidajj akham sänwa: “Jehová Dios Tata, nanakan Israel tatajan Diosapa, wiñayans wiñayapatak* jachʼañchatämaya. 11 Jehová Dios Tata, taqe kunanakatï alajjpachansa aka oraqens utjki ukanakajj jumankiwa,+ ukatwa jumajj jachʼätajja,+ chʼamanïtasa,+ sutimas wali sumawa, kʼajkir qhanätawa,+ musparkañarakïtawa. Jehová Dios Tata, jumankiw reinojja.*+ Jumaw taqe kunjjar mä pʼeqtʼirjamajj jachʼañchatätajja.

  • Salmo 78:2-4
    Biblia Aymara. Machaq Mundon Jakirinakataki

    •  2 Nayajj uñachtʼäwinakampiw arsöjja.

      Kunanakatï nayra tiempon imantatäkäna ukanakatwa nayajj qhanañchäjja.+

       3 Kunanaktï jiwasajj istʼktan, yatkaraktan,

      awk taykasajj yatiyapkarakistu ukanakjja,+

       4 janiw wawanakaparojj imtʼkañäniti,

      jutïr wawanakaruw yatiyañäni,+

      Jehová Diosan suma luratanakapatsa, chʼamapatsa,+

      musparkañ luratanakapatsa yatiyañäniwa.+