• Isaías 35:1, 2
    Biblia Aymara. Machaq Mundon Jakirinakataki

    • 35 Wasarasa waña oraqesa kusisiñamp phoqtʼatäpjjaniwa,+

      pampa wasarasa kusisiniwa, azafrán* panqarjamaw panqararakini.+

       2 Uka wasarajj walpun panqarani,+

      wali kusisitäniwa, kusisiñatsa arnaqasirakiniwa.

      Uka wasararojj Líbano qollunakan jachʼañchäwipaw churasini,+

      Carmelo+ qolluna ukhamarak Sarón+ lugaran kʼajkiripaw churasirakini.

      Jupanakajj Jehová Diosan jachʼañchäwipa ukhamarak Diosasan kʼajkiripwa uñjapjjani.