Watchtower INTERNETANKIR BIBLIOTECA

Watchtower INTERNETANKIR BIBLIOTECA

INTERNETANKIR BIBLIOTECA

Isaías 4:2

Biblia Aymara. Machaq Mundon Jakirinakataki
- 2 Uka urunjja kuntï Jehová Diosajj jiltaykani ukajja, musparkañäniwa, sumarakïniwa, khitinakatï Israel markat jakasipkakini ukanakatakejja oraqen achunakapajj mä orgullöniwa, kusiskañarakïniwa.+

Isaías 27:6

Biblia Aymara. Machaq Mundon Jakirinakataki
- 6 Jutkani uka urunakanjja, Jacobojj saphintaniwa,
  Israelajj panqaraniwa, machaq ramanakanirakïniwa,+
  aka oraqerojj achunakampiw jupanakajj phoqantapjjarakini.+

Isaías 35:6

Biblia Aymara. Machaq Mundon Jakirinakataki
- 6 Uka tiemponjja cojo jaqejj tʼijnaqaniwa, kunjamtï mä venadojj* mä qollur tʼijkatki ukhama,+
  amut jaqejj kusisiñatwa arnaqasini.+
  
  Wasaranjja umajj jalsuniwa,
  wasar pampanjja jawiranakajj wal jaltatarakini.

Isaías 51:3

Biblia Aymara. Machaq Mundon Jakirinakataki
- 3 Jehová Diosaw Sionarojj chuymachtʼani.+
  
  Taqe laqayanakaparus chuymachtʼarakiniwa,+
  wasaraparus Edén jardinarjamaw tukuyani,+
  wasar pampaparus Jehová Diosan jardinaparjamaw tukuyani.+
  
  Ukanjja wali kusisiñampi kʼuchisiñampiw utjani,
  yuspärasiñanakampi suma cancionanakampiw utjarakini.+

Ezequiel 36:35

Biblia Aymara. Machaq Mundon Jakirinakataki
- 35 Jaqenakajj akham sapjjaniwa: “Chʼusa oraqëkäna ukajj Edén+ jardinjamäjjewa, laqayar tukuyatäkäna, chʼusäkäna, allthapitäkäna uka markanakajj jachʼa perqanakamp muyuntat markäjjapjjewa, jakirinakas uka markanakan utj-jjarakiwa”+ sasa.