• Isaías 2:2, 3
    Biblia Aymara. Machaq Mundon Jakirinakataki

    •  2 tukuya urunakanjja,*

      kawkjantï Jehová Diosan utapajj jikjjataski uka qollojja,

      taqe qollunakat sipansa jukʼamp jachʼäniwa, suma uttʼayatarakïniwa,+

      lomanakat sipansa jukʼamp jachʼäniwa,

      uka qollurusti taqe markanakaw sarapjjani.+

       3 Walja markanakaw sarapjjani, akham sapjjarakiniwa:

      “Jutapjjam, Jehová Diosan qollupar makatapjjañäni,

      Jacobun Diosapan utapar makatapjjañäni.+

      Diosajj thakinakapatwa yatichistani,

      jiwasasti thakinakapanwa sarnaqarakiñäni”+ sasa.

      Kuna laykutejj Sionatwa leyejj* mistuni,

      Jerusalenatwa Jehová Diosan arupajj misturakini.+

  • Apocalipsis 7:9, 10
    Biblia Aymara. Machaq Mundon Jakirinakataki

    • 9 Ukatjja walja jaqenakaruw nayajj uñjta, jupanakarojj janiw khiti jaqes jaktʼirjamäkänti. Jupanakajj taqe markanakata, tribunakata, kunayman kasta jaqenakata, kunayman aru parlirinakat jutirïpjjänwa,+ trono nayraqatana Cordero nayraqatan saytʼatäsipkarakïnwa. Jupanakajj kayukam purir janqʼo isinakampi isthapitäpjjänwa,+ amparanakapansa palmera ramanak aptʼasitäpjjarakïnwa.+ 10 Ukatjja akham sasaw wali jachʼat arnaqasipjjäna: “¡Tronon qontʼatäki uka Diosasampita+ Corderompitwa salvacionajj juti!”+ sasa.