20 Moisesampi Aaronampejja jankʼakiw kunjamtï Jehová Diosajj siskän ukham lurapjjäna. Faraonana ukhamarak faraonan servirinakapan uñjkataw Aaronajj varapamp Nilo jawirar jawqʼatatäna. Ukatjja Nilo jawiran taqpach umapajj wilaruw tukjjäna.+

6 Ukatwa Aaronajj Egiptonkir umanak toqer varap aytäna, ukatsti kʼayranakajj umat mistunisaw taqpach Egipto oraq phoqantapjjäna.

17 Moisesampi Aaronampejj ukhampunwa lurapjjäna. Aaronajj varap aytasaw oraqenkir laqʼa polvor jawqʼatatäna, ukatjja jiskʼa chhichhillankhanakajj jaqenakampiru uywanakampiruw aqantapjjäna. Taqpach Egipto oraqenjja laqʼa polvojj jiskʼa chhichhillankhanakaruw tukjjapjjäna.+

6 Qhepürojj ukhampunwa Jehová Diosajj luräna. Egiptonkir taqe kasta uywanakaw jiwarapjjäna,+ ukampis israelitanakan uywanakapajj janiw mayas jiwkänti.

10 Moisesampi Aaronampejj mä hornot qhella apsusaw faraonan nayraqatapar sarapjjäna, ukatjja Moisesaw uka qhella altor willtäna, uka qhellasti jenqʼechir llaganakaruw* jaqenakjjansa uywanakjjansa tukjjäna.

23 Ukatwa Moisesajj varap alajjpach toqer aytäna, ukatjja Jehová Diosajj qʼejjo qʼejjonakampi, chhijchhimpi, ninampwa* oraqjjar purintayanïna. Jehová Diosasti Egipto oraqjjarojj chhijchhi purintayaskakïnwa.

12 Ukatjja Jehová Diosajj akham sasaw Moisesar säna: “Langostanak jutapjjañapatakejja Egipto oraq toqer amparam loqtam, ukhamat chhijchhejj jan tukjawayki uka chʼojjña alinak qʼal manqʼsupjjañapataki” sasa.

21 Ukatjja Jehová Diosajj akham sasaw Moisesar säna: “Alajjpach toqer amparam loqtam, ukhamat Egipto oraqpachan chʼamaktʼañapataki, wali chʼamakäñapataki” sasa.