• 2 Samuel 15:32-34
    Biblia Aymara. Machaq Mundon Jakirinakataki

    • 32 David reyisti kawkjantï jaqenakajj Diosar adorapjjerïkäna* uka qollu patjjaruw purïna, ukanwa Husái+ sat arkita+ chachajj jupamp jikisiñatak suyaskäna, kayukam puriri suma isipas chʼiyjatänwa, pʼeqepas laqʼakamakïnwa. 33 Ukampis Davidajj akham sasaw jupar säna: “Jumatï nayamp chik sarasmajja, nayatak chʼama tukuñäspawa. 34 Ukampirus jumatï markar kuttʼäta, Absalonarojj ‘jachʼa rey, nayajj juman servirimätwa, nayrajj tataman serviripäyätwa, ukampis jichhas juman servirimäjjtwa’+ säta ukhajja, Ahitofel chachan amuytʼat arunakap pantjayasajj yanaptʼitasmawa.+