• Jeremías 33:9
    Biblia Aymara. Machaq Mundon Jakirinakataki

    • 9 Aka markan sutip istʼasajj wal kusisëjja, kuna sumanaktï nayajj markajar churkä uk istʼasajj aka oraqenkir taqe markanakaw nayar alabapjjetani jachʼañchapjjetani, suma markat uñjatarakïniwa.+ Kuna sumanaktï nayajj jupar churkä ukanakatsa sumankañatsa+ markanakajj ajjsarayasipjjaniwa khatatipjjarakiniwa’+ sasa”.

  • Sofonías 3:19, 20
    Biblia Aymara. Machaq Mundon Jakirinakataki

    • 19 Uka tiemponjja, jumar tʼaqesiyapktam ukanak contraw nayajj saytʼasëjja,+

      cojnaqerinakaruw nayajj salväjja,+

      aywitatätapki ukanakaruw tantachthapirakëjja.+

      Kawkjanakantï jupanakar phenqʼachapkäna taqe uka lugaranakanjja,

      jupanakarojj jachʼañchayäwa, wali uñtʼatäpjjañapatakiw yanaptʼarakëjja.

      20 Uka tiemponjja jumanakarojj kuttʼayanipjjämawa,

      uka tiemponjja jumanakarojj tantachthapipjjämawa.

      Kunapachatï nayajj preso apatanakamarojj juman uñjkat kuttʼayankä ukhajja,

      oraqenkir taqe markanakan wali uñtʼatäñamataki ukhamarak jachʼañchatäñamatakiw+ yanaptʼäma” siw Jehová Diosajja.+