• Joel 3:4
    Biblia Aymara. Machaq Mundon Jakirinakataki

    •  4 ¿Kunas naya contrajj utji,

      Tiro, Sidón ukhamarak Filistean taqe oraqenakapa?

      ¿Kunatcha naya contrajj vengasisipkpta?

      Jumanakatï nayat vengasisipkstajja,

      nayajj ratukiw luratanakamarjam jumanakar kuttʼayapjjäma.+

  • Amós 1:6-8
    Biblia Aymara. Machaq Mundon Jakirinakataki

    •  6 Jehová Diosajj akham siwa:

      ‘“Gaza markan kimsa kuti jan wali luratanakapata,+ jïsa, pusi kuti jan wali luratanakapatjja, janiw nayajj amtaj mayjtʼaykäti,

      kuna laykutejj mä gruppacharuw preso apasjjapjje,+ Edom markaruw katuyjjapjjaraki.

       7 Ukatwa Gaza markan murallaparojj nina apayanëjja,+

      uka ninaw jachʼa torrenakap qʼal nakhantani.

       8 Asdod+ markankir jaqenakarojj tukjäwa,

      Asquelón+ marka apnaqerirus* tukjarakïwa,

      Ecrón+ marka contraw amparaj aytäjja,

      jiltʼapkani uka filisteonakajj tukjatäpjjarakiniwa”+ siw Taqe Kunjjar Munañani Jehová Dios Tatitojja’.

  • Zacarías 9:5
    Biblia Aymara. Machaq Mundon Jakirinakataki

    •  5 Asquelón markajj uk uñjasajj ajjsarayasiniwa,

      Gaza markajj walpun llakisini.

      Ecrón markajj ukhamarakiw wal llakisini, kuna laykutejj Tiro markar confiyatapat mä phenqʼaw uñjasini.

      Gaza markajj janiw reyinëjjaniti,

      Asquelón markajj janiw jaqenëjjaniti.+