16 Oraqenjja grano yapunakajj waljapunïniwa,+

qollu patjjanakansa jilarkir waljapunïniwa.

Reyin yapunakapajj Líbano+ qollunakanjamwa panqarani,

markanakanjja jaqenakajj oraqenkir chʼojjña alinakjamaw panqarapjjani.+

11 Jan jaytjasiñajj oraqetpachwa jiltani,

kunatï cheqapäki ukajj alajjpachanakatpachwa qhantʼanini.+

12 Jïsa, kunatï sumäki ukwa Jehová Diosajj churani,+

oraqesajj cosechapwa churarakini.+

12 Jupanakajj jutasaw Sion Qollu patjjan kusisiñat arnaqasipjjani,+

jupanakajj kʼajtapjjaniw Jehová Diosan munasiñapatsa,

granonakatsa, machaq vinotsa,+ aceitetsa,

ovejanakampin vacanakampin qallunakapatsa.+

Jupanakajj wali suma qarpat jardinar uñtasitäpjjaniwa,+

janipuniw mayampis jan chʼaman uñjasipkaniti”.+