8 ”Sábado uru amtañjja janiw armasiñamäkiti, uka urojj sagrado uruwa.+ 9 Sojjta urunakaw trabajiñama,+ taqe kunsa lurañamaraki. 10 Ukampis paqallqöri urojja Jehová Diosamatak sábado uruwa. Ukürojj jumasa, wawanakamasa, esclavonakamasa, uywanakamasa, markanakaman jakir extranjero jaqes janiw kunansa trabajipjjañamäkiti.+

3 ”’Sojjta urunakajja kuna trabajsa lurapjjasmawa, ukampis paqallqöri urojja samarañ sábado uruwa,+ mä arunjja sagrado tantachäwiwa. Uka urojj janiw kuna trabajsa lurapjjañamäkiti. Kawkjantï jakapkäta ukanjja uka urojj Jehová Diosatak mä sábado urüniwa.+

24 “Israelitanakarojj akham sañamawa: ‘Paqallqöri phajjsin nayrïr urupanjja, taqe trabajonakamatwa samarapjjañama, uka urutakisti mä trompeta tuktʼasaw+ yatiyasiñapa, ukhamat sagrado tantachäwi amtapjjañamataki.

4 Ukampis paqallqöri maranjja, samarañ maraw oraqetakejj utjañapa, mä arunjja Jehová Diosatakejj samarañ maraw utjañapa. Janiw jumajj oraqemar jathampi phawañamäkiti, janirakiw uvas alinakan ramanakapsa khuchurañamäkiti.

11 Jumanakatakejja 50 marajj Kusisiñ Maräniwa. Cosechan jalaqtir jathanakat mistkani uka alinakjja, janiw apthapiñamäkiti. Jan khuchurat uvas ramanakan achkani uka uvasanaksa janirakiw apthapiñamäkiti.+