• Isaías 11:11, 12
    Biblia Aymara. Machaq Mundon Jakirinakataki

    • 11 Uka urunjja Jehová Diosajj mayampiw chʼamap* uñachtʼayani, ukhamat Asiria,+ Egipto,+ Patrós,+ Cus,+ Elam,+ Sinar,* Hamat markanakata ukhamarak lamar qotankir islanakampita markapat jiltʼapki ukanakar recuperañataki.+ 12 Markanakatakejja mä señalwa* saytʼayani, Israelat taqe toqer ananukutanakaruw tantachthapini, Judá oraqet taqe toqer ananukutanakaruw tantachthapini,+ oraqen pusi thiyanakapatpachwa* tantachthapini.+

  • Isaías 43:5, 6
    Biblia Aymara. Machaq Mundon Jakirinakataki

    •  5 Jan ajjsaramti, nayaw jumampïskta.+

      Inti jalsu toqetpachwa nayajj juman wawanakamar irpanëjja,

      inti jalanta toqetpachwa jumarojj irptanirakïma.+

       6 Alay toqerojj* akham säwa: ‘¡Churjjam!’+ sasa,

      aynach toqerojj* akham sarakïwa: ‘Jan katjjasimti.

      Jaya lugaratpach yoqall wawanakajar irpanim, oraqen thiyanakapatpach* imill wawanakajar irpanirakim,+

  • Jeremías 23:7, 8
    Biblia Aymara. Machaq Mundon Jakirinakataki

    • 7 “Ukampis urunakajj jakʼachasisinkiwa”, sistwa naya Jehová Diosajja, “ukhaw jupanakajj akham sasin jan parljjapjjaniti: ‘¡Kunjamtï Jehová Diosajj cheqpachapun jakkir Diosäkejja, jupaw Israel markarojj Egipto oraqet apsunïna!’+ sasa. 8 Antisas akham sapjjaniwa: ‘¡Kunjamtï Jehová Diosajj cheqpachapun jakkir Diosäkejja, jupaw Israel markat jutirinakarojj alay toqenkir* oraqetsa jupanakar anatatkäna taqe uka oraqenakatsa apanjjäna!’ sasa. Jupanakasti pachpa oraqepanwa jakapjjani”.+

  • Ezequiel 34:12
    Biblia Aymara. Machaq Mundon Jakirinakataki

    • 12 Kunjamtï mä awatirejj anatatat ovejanakapar katunki manqʼaykaraki ukar uñtasitaw nayajj ovejanakajar uñjarakëjja.+ Qenayrantata ukhamarak wali chʼamak qenayanakani urun kawkja cheqanakarutï anatatatäpkäna taqe uka lugaranakatwa jupanakar salväjja.+