Job
3 Ukanak qhepatjja, Job chachaw parlañ qalltäna, ukatsti kunürutï naskäna uka ururuw maldisïna.*+ 2 Job chachajj akham sänwa:
3 “Kunürutï naskayäta uka urun chhaqtañapwa nayajj munirista,+
‘¡mä yoqall wawaw nasi!’ sasin maynejj siskäna uka aruman chhaqtañapwa munirista.
4 Uka urojj chʼamakar tukpan.
Diosas uka urut armasjjpan.
Janipun kuna qhanas uka urur qhantʼpanti.
5 Kunanakatï mä urur chʼamaktʼayki ukanakay* uka ururojj wiñayatak manqʼantpan.
Mä chʼiyar qenayay uka ururojj imjjatpan.
Ajjsarayir mä chʼamakay uka urun qhanaparojj atipjpan.
6 Uka arumajj sinti chʼamakar tukuyatäpan.+
Uka arumajj maran utjki uka urunak taypin janikiy kusispanti,
janirak phajjsinak taypins jakhutäpanti.
7 Cheqpachans uka arumajj saparstʼat uñjaspan,
janirak uka aruman kusisiñat arnaqasitanakas istʼaspanti.
8 Urur maldisipki ukanakay uka arumarojj maldisipjjarakpan,
jupanakaw Leviatán*+ sat animalarojj kunjam sartayañsa yatipjje.
9 Willjtapan warawaranakapas chʼamaktʼayatäpan.
Qhanan utjañapsa inamayak suypan,
qhantatin kʼajtaniñapsa janirak uñjpanti.
10 Kuna laykutejj janiw mamajan matrizap jistʼantkänti,+
janirakiw nayranakajat jan waltʼäwinaks imantkänti.
11 ¿Kunatarak nayajj naskayäta ukhajj jan jiwkpachätsti?
¿Kunatarak taykajan matrizapat mistusajj jan jiwkpachätsti?+
12 ¿Kunatsa mamajajj jarphipar ichjjarusisajj
nayar ñuñtʼaypachïtu?
13 Nayasti jan kuna llakiniw jichhajj samartʼaskiriskayäta,+
jan kuna llakinirakiw iktʼasiskiriskayäta,+
14 akapachan reyinakapampi jupanakan amuytʼayirinakapampi.
Jupanakajj lugaranak jupanakatak wakichasipjjäna, uka lugaranakajj jichhajj laqayanakäjjewa.*
15 Jan ukajja qorinïpkäna uka principenakampi,
jupanakan utanakapajj qollqempi phoqantatänwa.
16 ¿Kunatarak nayajj jan sullsutäkpachätjja?
¿Kunatarak jan jiwat naskpachätjja?
17 Jan wali jaqenakas janiw sepulturan llakisjjapjjeti,
qaritanakas ukanwa samartʼapjjaraki.+
18 Taqe preso katuntatanakas ukanwa samartʼapjje.
Janirakiw khitis jupanakarojj trabajipjjañapatak obligjjeti.
19 Ukansti jiskʼas jachʼas igualakiwa,+
esclavos patronapat librëjjarakiwa.
20 ¿Kunatsa Diosajj tʼaqesipki ukanakarojj qhan churpacha,
llakimp sinti aynachtʼatäpki ukanakarus jakañ churpacha?+
21 ¿Kunatsa jiwañ munapki ukanakajj jan jiwapki?+
Jupanakajj kunatï wali valoranïki imantatäkaraki ukanakarjamaw jiwañ jukʼamp thaqapjje.
22 Jupanakajj walpun kusisipjje,
sepultura katupjjatap laykojj jupanakajj wal kusisipjje.
23 ¿Kunatsa Diosajj thakipat saranukki uka jaqerojj qhan churi?
¿Janit Diosajj taqe toqet jupar jarkʼantki?+
25 Kuntï nayajj wal ajjsarkayäta ukaw nayar pasitu,
kunatï nayarojj ajjsaraykitäna ukaw pasarakitu.
26 Janiw nayatakejj sumankañasa, jan kuna llakin jakañasa, ni samartʼañas utjkiti,
jan waltʼäwinakajj utjaskakiwa”.