Job
24 ”¿Kunatsa Taqe Chʼamani Diosajj juicio urup jan uttʼayki?+
¿Kunatsa jupar uñtʼapki ukanakajj uka uru* jan uñjapki?
2 Jaqenakajj yaqha jaqenakan oraqenakapan qorpanakap onjjtayapjje.+
Jupanakajj pastonakapatakiw ovejanak lunthatapjje.
3 Jupanakajj jan awkin wajcha wawanakan* asnonakap aparapjje,
4 Pobrenakarojj thakit mistupjjañapatakiw obligapjje,
aka oraqen jan khiti yanapirinïpki ukanakajj jupanakat imantasipjjañapawa.+
5 Pobrenakajj chʼusa pampankir salvaje asnonakjamaw+ manqʼa thaqapjje,
chʼusa pampanwa wawanakapatakejj manqʼa thaqapjje.
6 Yaqha jaqen oraqepanwa manqʼañanak cosechapjjañapa,*
jan wali jaqen uvas yapupatwa jiltʼanak apthapisipjjaraki.
7 Jupanakajj qʼalalakiw arumajj ikipjje, jan isini.+
Janirakiw thayan kunamp imjjatasiñas jupanakan utjkiti.
8 Jupanakasti qollunakar purintir jallump chʼaranjataw uñjasipjje,
jan kawkir imantasiñ utjatapat qarqanak* jakʼanwa quedasipjje.
9 Mä viuda warmin wawapajj* ñuñut aparatawa.+
Ukatsti pobrenakan isinakapajj maytʼasitapat garantiat apatarakiwa.+
10 Jupanakarojj jan isini qʼalal sarnaqapjjañapatakiw obligapjje.
Manqʼat awtjatarakiw grano marqanak apapjje.
11 Wali juntʼu urunjja, uvas yapunakan perqanakap taypinwa wal trabajipjje,*
uvas chʼirwañ lugaranakan uvasanak takipjje, ukhampachas umat pharjatäsipkakiwa.*+
12 Niya jiwirjamäpki uka jaqenakajj markan ayqosipkakiwa,
niya jiwirjam usuchjatäpki ukanakajj wali jachʼatwa yanaptʼayasiñatak arnaqasipjje,+
ukampis ukanakajj janiw Diosar llakisiykiti.*
13 Yaqhepanakasti qhanarojj uñisipjjewa,+
janiw thakinakapsa uñtʼapkiti,
janirakiw thakinakapsa arkapkiti.
14 Jaqe jiwayirejj qhanjtanki ukhaw sartasi,
jan khiti yanapirini jaqerus pobre jaqerus jiwayiwa,+
arumarusti lunthatasirakiwa.
15 Adulterio jucha lurir jaqen nayranakapajj chʼamakthapiñap suyaski,+
‘¡janiw khitis uñjkitaniti!’+ sarakiwa,
ajanups imtʼasirakiwa.
16 Lunthatanakajj chʼamakanwa utanakar mantapjje,*
urusti llawintasinipjjarakiwa.
Janiw qhan uñjañ munapkiti.+
17 Kunjamtï yaqhep jaqenakajj chʼamakar ajjsarapki ukhamaw jupanakajj alwarojj ajjsarapjje,
kunanakatï wali chʼamakan ajjsarayki ukanakampejj yatitäpjjewa.
18 Ukampis jupanakajj jankʼakiw umanakampi apatäpjje.*
Jupanakan oraqepajj maldisitäniwa.+
Janiw uvas yapunakaparojj kuttʼapkaniti.
19 Kunjamtï sequiasa juntʼusa khunun umap apasjjejja,
20 Taykanakapajj* juchachasirinakat armasjjapjjaniwa, laqʼonakaw sistʼasiñkam manqʼantjjapjjani.
Janipuniw jupanakajj amtatäjjapjjaniti.+
Jan cheqapäki ukajj mä qoqar* uñtasitaw khuchunukutäni.
21 Jupanakasti jan wawachasir warmit aprovechasipjjewa,
viuda warmirus tʼaqesiyapjjarakiwa.
22 Diosajj* chʼamapampiw chʼamani jaqenakar tukjani,
jupanakajj sartapkchinisa, jiwapjjaniti jakapjjanicha uk janiw yatisipkiti.
23 Diosasti* jupanakan confiyasipjjatapsa jan kun ajjsarapjjatapsa ukhamak jayti,+
ukampis nayranakapajj kunanaktï jupanakajj lurapki ukanak uñjaskiwa.+
24 Jupanakajj mä jukʼa tiempotakikiw jachʼañchatäpjje, ukatjja chhaqtjjapjjewa.+
Jupanakajj kunjamtï grano puyanakajj* kʼichiratäki apthapitäkaraki ukhamäpjjewa.+
Jupanakajj aynachar apaqatäpjjewa, mayninakjamarakiw jiwjjapjje.
25 Janitï ukhamäkchejja, ¿khitis kʼarïtaj uñachtʼayaspa,
jan ukajj arunakaj conträspa?”.