EL CANTAR DE LOS CANTARES
1 Salomón chachan wali suma cancionapa.+
3 Jumajj uchaskta uka aceitenakaman olorapajj wali sumawa.+
Sutimajja pʼeqe patjjar warjjattʼaski uka suma olorani aceiter uñtasitawa.+
Ukatwa tawaqonakajj munasipjjtamjja.
4 Jumamp chik irpasjjeta,* escapjjañäni.
¡Reyiw cuartonakapar irpanitu!
Kusisiñäni, panpachan kʼuchisiñäni.
Nayar munaskista uka toqet parltʼasiñäni, juman munasiñamajj vinot sipans jukʼamp sumawa.
Ukatwa jupanakajj* munasipjjtamjja.
5 Jerusalenankir warminaka, nayan jañchijajj chʼiyartʼatawa,* ukampis wali suma uñnaqtʼanïtwa,
Quedar+ markankir carpanakar uñtasitätwa, Salomonan carpapan telanakapar uñtasitätwa.+
6 Jan chʼiyartʼatätaj laykojj uñchʼukipjjestati,
lupiw ukham nakhantitu.
Jilanakajajj nayatakiw colerasipjje,
jupanakajj uvas yapunak uñjañajatakiw khitapjjetu,
ukampis uvas yapuj-jja janiw uñjasjjti.
7 Wali munat awatirija, sitaya,
kawkjansa uywanakam awatiskta,+
kawkjansa chika urojj uywanakam samartʼayta.
¿Kunatarak amigonakaman uywanakap taypin sarnaqañajäspasti,
mä velompi* ajanup chʼoqtʼasit mä warmir uñtasitasti?”.
8 “Taqe warminakat sipansa jumajj wali suma uñnaqtʼanïtawa,
jumatï jupajj kawkinkisa uk jan yatksta ukhajja,
uywanakan taktʼatanakap arkam,
cabritonakamsa awatirinakan carpanakap jakʼan awatim”.
9 “Nayan munataja, jumajj faraonan carronakap+ taypinkir wali suma yeguar* uñtasitätawa.
10 Mejillanakamajja aretenakampejj* wali sumawa,
kunkamasti collaranakampejj wali sumarakiwa.
11 Jumatakejj qoritwa adornonak* lurarapipjjäma,
qollqemp kʼachachtʼata”.
13 Munatajasti nayatakejj suma olorani mirra bolsitar uñtasitawa,+
arumanakajj pechonakaj* jakʼanwa quedasi.
14 Munatajasti nayatakejj mä qʼappach alheña*+ alir uñtasitawa,
En-Guedí+ markan utjki uka uvas yapu taypinkir alheña alir uñtasitawa”.
15 “¡Nayan munataja, jumajj wali suma uñnaqtʼanïtawa!
¡Wali suma uñnaqtʼanïtawa! Nayranakamas palomanakan nayranakapjamawa”.+
16 “¡Nayan munataja, jumajj wali suma uñnaqtʼanirakïtawa! ¡Wali munkañätawa!+
Jiwasan ikiñasajj chʼojjña pastonakawa.
17 Utasan* techopajj cedro qoqanakan* lawanakapat luratawa,
enebro qoqanakan lawanakapat luratarakiwa.
2 “Tawaqonak taypinjja
munatajajj chʼapinak taypinkir lirio panqarar uñtasitawa”.
Walpun nayajj chʼiwipan qontʼasiñ munta,
achupasti lakajatakejj wali mosqʼawa.
4 Jupajj jachʼa manqʼañ utaruw* irpitu,
jupajj nayar munasitapjja taqeniw uñjapjjäna.
Munatajar wal munasitaj laykojj wali usuntatätwa.
7 Jerusalenankir warminaka, mä juramento lurarapipjjeta,
camponkir gacelanakjjaru+ venadonakjjaru* juramento lurarapipjjeta:
maynir munasiñajatï jan utjkchitu ukhajja, munasiñajatakejj jan chʼamañchapjjestati.+
8 ¡Munatajan arupwa nayajj istʼta!
¡Uñtapjjam! Jutaskiwa,
qollunak makatasaw jutaski,
thoqtas thoqtasaw jiskʼa qollunaknam jutaski.
9 Munatajajj gacelar uñtasitawa, waynpach venador* uñtasitawa.+
Ukankaskiwa, perqasan qhepäjj toqen saytʼatäskiwa,
jupajj ventananak toqeruw uñchʼukisinki,
ventan rejillanak toqeruw uñchʼukisinki.
10 Munatajajj akham sasaw nayar situ:
‘Nayan munataja, sartasim,
suma uñnaqtʼani munataja, nayamp sarjjañäni.
Jallus pasarjjewa, phajsarjjarakiwa.
12 Camponjja panqaranakajj utj-jjewa,+
uvas alinak khuchurañ tiempos purinjjewa,+
qhorukutunakan cantatanakapas oraqesan istʼasjjewa.+
Nayan munataja, sartasim, jutam.
Suma uñnaqtʼani munataja, nayamp sarjjañäni.
14 Nayan palomaja, jachʼa qarqa* pʼiyanakat mistunim,+
barranco pʼiyanakat mistunim,
jumaruw uñjañ munsma, juman arum istʼañ munarakta,+
kuna laykutejj juman arumajj wali sumawa, uñnaqtʼamas wali sumarakiwa’”.+
15 “Qamaqenak* katurapipjjeta,
uvas yapunak tukjir jiskʼa qamaqenakar katurapipjjeta,
kuna laykutejj uvas yapunakasajj panqaraskiwa”.
16 “Munatajajj nayankiwa, nayasti jupankaraktwa.+
lirio panqaranak taypinwa+ jupajj uywanak awatiski.+
17 Janïr thayajj thaytʼankipana, janïr chʼiwejj paskipana,
nayan munataja, jankʼak kuttʼanim,
jiwas taypinkki uka qollunakankir* gacelar+ uñtasita waynpach venador*+ uñtasit jankʼak kuttʼanim.
3 ”Ikiñajanjja arumanakajj
munatajaruw nayajj thaqta.+
Juparojj thaqtwa, ukampis janiw jikjjatkti.+
2 Sartasisaw nayajj marka muytanëjja.
Callenakana, plazanakanwa
munatajarojj thaqtanëjja.
Juparojj thaqtwa, ukampis janiw jikjjatkti.
3 Marka muytir guardianakampiw nayajj jikista.+
Jupanakarojj akham sasaw jisktʼasta: ‘¿Janit munatajar uñjapkta?’ sasa.
4 Jupanakamp jikisisin sarjjaskayäta ukhajja,
munatajaruw jikjjatayäta.
Jupat katuntasisajj janiw antutkayätti,
mamajan utapar irpañajkama,+
nayar ususir mamajan cuartopar irpantañajkama.
5 Jerusalenankir warminaka, mä juramento lurarapipjjeta,
camponkir gacelanakjjaru venadonakjjaru* juramento lurarapipjjeta:
maynir munasiñajatï jan utjkchitu ukhajja, munasiñajatakejj jan chʼamañchapjjestati”.+
6 “¿Kunarak jewqʼe qenayar uñtat wasarat makatasinki ukasti?
Mirrampi janqʼo inciensompi perfumatawa,
mä comerciante jaqen taqe kasta perfumenakampi perfumatawa”.+
7 “¡Uñtapjjam! Salomón reyin kallnaqañ qonuñapawa,*
ukasti wali chʼamani sojjta tunka chachanakamp muytatawa,
Israelankir wali chʼaman chachanakamp muytatawa.+
8 Taqe jupanakajj sapa mayniw mä espadampi armantatäpjje,
taqe jupanakajj guerratak wakichtʼatäpjjewa,
sapa mayniw cinturapan mä espadanïpjje,
ukhamat arumajj utjki uka jan walinakat jupar jarkʼaqañataki”.
9 “Salomón reyin kallnaqañ qonuñapawa,
uksti Líbano qollunakankir qoqanakan* lawanakapampiw jupajj luräna.+
10 Sayirinakapjja qollqe metalatwa luräna,
espalderapsa ampar apoytʼasiñapsa qoritwa luräna.
Jupajj qontʼaski ukajja morado chʼankhat luratawa,
manqhäjjapajj munasiñampi kʼachachtʼatawa,
Jerusalenankir warminakan kʼachachtʼatawa”.
11 “Sionan phuchanakapa, mistunipjjam,
Salomón reyir uñtapjjam,
mamapajj panqaranakat lurarapkäna uka coronamp* uchtʼasitawa,+
casaraskäna uka urutakiw mamapajj lurarapïna,
chuymapajj kusiskäna uka urutakiw lurarapïna”.
4 “¡Nayan munataja, jumajj wali suma uñnaqtʼanïtawa!
¡Wali suma uñnaqtʼanïtawa!
Velom qhepäjjankir nayranakamajj palomanakan nayranakapjamawa.
Ñikʼutamajj cabra tamar uñtasitawa,
Galaad qollunakat saraqasinkir cabra tamar uñtasitawa.+
2 Laka chʼakhanakamajja jichhak yawirat ovej tamar uñtasitawa,
jichhak jareqat ovej tamar uñtasitawa.
Taqpach ovejanakaw ispa* qallunakanïpjje,
janiw ni mä ovejas qallup chhaqayaskiti.
3 Lakamajj llijkir wila color hilor uñtasitawa,
parlatamas chuymar purtʼkiriwa.
Velom qhepäjjankir mejillanakamajja,
payar partjat granada frutar uñtasitawa.
4 Kunkamajja+ Davidan torrepar uñtasitawa,+
qalanakamp suma perqtʼatawa,
uka qalanakatwa waranqa escudonakajj warkurtasipki,
uka qalanakatwa chʼamani chachanakan taqe escudonakapajj warkurtasipki.+
5 Paypach pechonakamajj* pä gacel qallunakjamawa,
gacelan ispa* qallunakapjamawa,+
lirio panqaranak taypin manqtʼasir gacela ispa qallunakjamawa”.
6 “Janïr thayajj thaytʼankipana, janïr chʼiwejj paskipanwa
mirrajj utjki uka qollur saräjja,
janqʼo inciensojj utjki uka jiskʼa qollur saräjja”.+
8 Nayan noviaja, Líbano qollunakat sarjjañäni,
Líbano qollunakat sarjjañäni.+
Amaná* qollu patat saraqanim,
Senir qollu patat saraqanim, Hermón qollu patat saraqanim,+
leonanakan pʼiyanakapat saraqanim, leopardonakajj jakapki uka qollunakat saraqanim.
9 Nayan kullakitaja, nayan noviaja, jumajj chuymajwa lunthatistajja,+
nayranakamampi may uñtanisakiw chuymaj lunthatistajja,
collaraman mä cadenapampikiw chuymaj lunthatistajja.
10 ¡Nayan kullakitaja, nayan noviaja, juman munasiñamajj wali sumawa!+
¡Munasiñamajja vinot sipansa jukʼamp sumawa!+
¡Perfumeman suma olorapajja taqe kasta perfumenakat sipansa jukʼamp sumawa!+
11 Nayan noviaja, lakamajj chʼaqarir miskʼjamawa.+
Lajjram manqhanjja lechempi miskʼimpiw utji,+
isinakaman suma olorapajj Líbano qollunakan suma olorapjamawa.
12 Nayan kullakitaja, nayan noviaja, jumajj llawintat mä jardinjamätawa,
llawintat mä jardinjamätawa, jarkʼaqat uma jalsur uñtasitätawa.
13 Jumajja qoqanakani* jardinjamätawa, ramanakamanjja granada frutanakajj waljapuniwa,
uka qoqan achunakapajj wali sumapuniwa, jardinamanjja alheña alimpi, nardo alinakampiw utji,
14 nardo+ alimpi, azafrán alimpi, suma olorani cañampi,+ canela+ qoqampi,*
janqʼo incienso churir taqe kasta qoqanakampi, mirrampi, aloenakampi,+
wali suma olorani alinakampiw+ utjaraki.
15 Jumajja jardinan uma jalsupar uñtasitätawa,
suma umani phujur uñtasitätawa,
Líbano qollunakat jalir uma jalsunakar uñtasitätawa.+
Wali kʼachitat jardinaj-jjar thaytʼanim,
ukhamat jardinajan suma olorapajj taqe toqer puriñapataki”.
“Munatajajj jardinapar mantpan,
wali suma achunakap manqʼarakpan”.
5 “Jardinajaruw nayajj mantta,+
kullakitaja, nayan noviaja.
Mirraja ukhamarak suma olorani alijwa nayajj apthapta.+
Abejanakajj miskʼichki uka miskʼijwa manqtʼasta.
Vinojata ukhamarak lechejatwa umtʼarakta”.+
“¡Munat amigonaka, manqʼapjjam!
¡Umtʼasipjjam, munasiñ uñachtʼayir arunakamp machjasipjjam!”.+
2 “Nayajj ikiskayätwa, ukampis chuymajajj uñnaqaskänwa.+
¡Munatajan leqtʼasinitapwa nayajj istʼayäta!
Akham sasaw jupajj leqtʼasinïna: ‘¡Kullakitaja, nayan munataja, llawirtʼita,
jan kuna kamachtʼat palomitaja!
Kuna laykutejj pʼeqejajj sullampi chʼarantʼatawa,
arumajj humedad utjatapatjja ñikʼutajajj chʼarantʼatawa’+ sasa.
3 Nayajj isij apsusjjtwa.
¿Mayampit isthapisëjja?
Kayunakajsa jareqasjjtwa.
¿Mayampit qʼañuchasëjja?
4 Punku cerrojotjja nayan munatajajj amparap ayaqasjjewa,
chuymajajj walpun putuqetäna.
5 Munatajar punku llawirañatakiw sartasiyäta,
amparanakajatjja mirraw chʼaqaräna,
ampar lukʼananakajatjja mirra aceitew chʼaqaräna,
punku cerrojon katuñanakapjjaruw chʼaqaräna.
6 Munatajarojj punkwa llawirayäta,
ukampis munatajajj kuttʼawayjjataynawa, sarjjataynawa.
Jupajj sarjjäna ukhajja, qʼalpun aynachtʼayäta.
Thaqtayätwa, ukampis janiw jikjjatkayätti.+
Jawsayätwa, ukampis janiw jupajj jayskitänti.
7 Marka muytir guardianakaw jikjjatapjjetäna.
Jupanakajj nuwjapjjetänwa, usuchjapjjetänwa.
Murallanakankir guardianakasti mantillajwa* aparapjjetäna.
8 Jerusalenankir warminaka, mä juramento lurarapipjjeta:
jumanakatï munatajamp jikisipjjäta ukhajja,
ak awisarapipjjeta, jupar wal munasitaj laykojj wali usuntatätwa”.
9 “Taqe warminakat sipansa wali suma uñnaqtʼani tawaqo,
¿mayni chachanakat sipansa kunanarak munatamajj jilankisti?
¿Mayni chachanakat sipansa kunanarak munatamajj jilankisti,
nanakar mä juramento lurayañamatakisti?”.
10 “Munatajajj wali suma uñnaqtʼaniwa, jañchipas wila colorarakiwa,
tunka waranqa chachanak taypinjja jupaw jilankejja.
11 Pʼeqepajj qoriwa, wali suma qoriwa.
Ñikʼutapajj onoqeskir palmera qoqan* laphinakapar* uñtasitawa,
ñikʼutapajj cuervo jamachʼjam chʼiyararakiwa.
12 Nayranakapajj jalir umanak jakʼankir palomanakjamawa,
lechen jarisir palomanakjamawa,
uma phoqarir estanque jakʼan* sayaraskir palomanakjamawa.
13 Mejillanakapajja suma olorani alinak jilayañ almacigor uñtasitawa,+
suma olorani alinakajj jilki uka jiskʼa qollunakar uñtasitawa.
Lakapajja mirra aceite chʼaqarir lirio panqaranakawa.+
14 Amparanakapan lukʼananakapajj qoriwa, sillunakapajj crisólito* suma qalawa.
Purakapajja llijtayat marfil suma qalawa, zafiro suma qalanakampi kʼachachtʼatarakiwa.
15 Kayunakapajj mármol qalat lurat columnanakawa, wali suma qorit lurat basenakjjar uchat columnanakawa.
Jupajja Líbano qollunakjam wali suma uñnaqtʼaniwa, cedro qoqanakjam*+ jan kikpaniwa.
16 Lakapajja miskʼjam mojjsawa,
jupajj wali munkañawa.+
Jerusalenankir warminaka, jupaw nayan munatajajja, jupaw nayan wali munatajajja”.
6 “Warminak taypit wali suma uñnaqtʼan tawaqo,
¿kawkirus munatamajj sari?
¿Kawkir thaknamas munatamajj sari?
Jupar thaqer sarañäni”.
2 “Munatajajj jardinaparuw saraqawayi,
suma olorani plantanak jilayañ almacigoruw saraqawayi,
ukhamat wali suma oraqenakan uywanak awatiñataki
ukhamarak lirio panqaranak apthapiñataki.+
3 Nayajj munatajanktwa,
munatajasti nayankarakiwa,+
lirio panqaranak taypinwa jupajj uywanak awatiski”.+
4 “Nayan munataja,+ jumajj Tirzá+ markjam wali suma uñnaqtʼanïtawa,
Jerusalén markjam wali suma uñnaqtʼanïtawa,+
guerratak tantachtʼat ejercitonakjam wali musparkañätawa.+
5 Kunapachatï jumajj uñkatista+ ukhajja,
chuymajajj wal putuqetu.
Ñikʼutamajj cabra tamar uñtasitawa,
Galaad lugarat saraqasinkir cabra tamar uñtasitawa.+
6 Laka chʼakhanakamajja jichhak yawirat ovej tamar uñtasitawa,
jichhak jareqat ovej tamar uñtasitawa.
Taqpach ovejanakaw ispa* qallunakanïpjje,
janiw ni mä ovejas qallup chhaqayaskiti.
7 Velomp imjjatat mejillanakamajja,
payar pachjat granada frutar uñtasitawa.
8 Sojjta tunka reinanakaw utjaspa,
kimsaqallq tunka concubinanakaw utjaspa,
jan jaktʼkañ tawaqonakaw utjarakispa.+
9 Ukampis mayni sapakiw nayan palomitajajja,+ mayni sapakiw jan kuna kamachtʼat palomitajajja.
Jupa sapakiw mamapan phuchapajja.
Jupar ususir mamapan wali munatarakiwa.*
Jupar uñjasajja tawaqonakajj wali sumwa jupat parlapjje,
reinanakasa concubinanakasa juparuw jachʼañchapjje,
10 akham sasa: ‘¿Khitis jupajja willjtar uñtat qhantirejja,
khitis jupajja phajjsi qhanar uñtasit wali suma uñnaqtʼanejja,
khitis jupajja inti qhanar uñtasit wali qʼomajja,
khitis jupajja guerratak tantachtʼat ejercitonakjam wali musparkañajja?’+ sasa”.
11 “Nuez achunak churir qoqanak* toqeruw saraqayäta,+
ukhamat vallenkir qoqanakan nayrïr chʼichtatanakap uñjañataki,
ukhamat uvas alin chʼojjñatatatap* uñjañataki,
granada qoqanakan panqarjjatap uñjañataki.
12 Janïr nayajj amuyaskayäta
ukhaw nayan pachpa munañanakajajj irpitäna,
wali suma markajan carronakap jakʼaruw irpitäna”.
13 “¡Kuttʼanim, kuttʼanim, sulamita!
¡Kuttʼanim, kuttʼanim,
ukhamat wasitat jumar uñjapjjañajataki!”.
“¿Kunatsa jumanakajj sulamitar uñchʼukipjjta?”.+
“¡Jupajj pä grupo thoqori jaqenakar* uñtasitawa!”.
7 “¡Wali respetat tawaqo,
kayunakamajja wiskhunakamanjj* wali sumawa!
Caderanakamajja adornonakar uñtasitawa,
mä artesanon amparanakapamp luratarakiwa.
2 Kururumajja mä copar uñtasitawa.
Janipuniy mezclat vinojj copaman faltpanti.
Purakamajja trigo montonawa,
lirio panqaranakamp muytayatarakiwa.
4 Kunkamajja+ marfil suma qalat lurat torrer uñtasitawa.+
Nayranakamajja+ Hesbón markankir umanakar uñtasitawa,+
Bat-Rabim punku jakʼankir estanquenakar uñtasitawa.
Nasamajja Líbano qollunakankir torrer uñtasitawa,
uka torrejj Damasco toqer uñtatawa.
5 Pʼeqemajja Carmelo qollur uñtasit wali musparkañawa,+
Wali jachʼa suma ñikʼutamajja chuymapwa reyirojj lunthati.
6 ¡Jumajj wali suma uñnaqtʼanïtawa, wali munkañarakïtawa,
wali munat tawaqo, taqe kunat sipansa jumaw jukʼamp suma uñnaqtʼanïtajja!
8 Nayajj akham sayätwa: ‘Palmera qoqaruw* nayajj makatäjja,
ukhamat achunakap apaqaniñataki’ sasa.
Pechonakamajj uvas achunakar uñtasitäpan.
Samanamajj manzananakan suma olorapar uñtasitäpan,
9 lakamajj wali suma vinor uñtasitäpan”.
“Munatajatakejj wali qoñaki vinojj saraqpan,
jaqenakan lakanakapnam saraqki ukhamarak jaqenakar ikirayki uka vinor uñtasit saraqpan.
10 Nayajj munatajanktwa,+
jupasti nayarojj munasituwa.
12 Wali alwat sartasin uvas yapunakar sarañäni,
ukhamat uvas alin chʼojjñatatatap uñjañataki,
uvas alinakan panqarjjatap uñjañataki,+
Ukanwa jumar munasitaj-jja nayajj yatiyäma.+
13 Mandrágora*+ achunakajj wali suma olor antutapjje,
punkunakasanjja taqe kasta ajllit achunakaw utjaraki.+
Machaq achunakampi waña achunakampiw utji,
nayan munataja, jumatakiw ukanak imarapjjsma.
8 ”¡Ojalay jumajj jilaj-jamäsma,
ojalay mamajat ñuñuri jilaj-jamäsma!
Ukhamäspa ukhajja, callen jumar jikjjatasajj jampʼattʼirismawa,+
ukampis janiw khitis jiskʼachkitaspati.
2 Nayaw jumarojj irpirisma,
mamajan utaparuw irpirisma,+
walja toqenakat yatichkitu uka mamajan utaparuw irpirisma.
Suma olorani vinwa nayajj churirisma,
jichhak lurat jugo churirisma, granada frutanakat lurat jugo churirisma.
3 Chʼeqa amparapampejj pʼeqejwa josqʼortʼitaspa,
kupi amparapampisti qhomanttʼarakitaspawa.+
4 Jerusalenankir warminaka, mä juramento lurarapipjjeta:
maynir munasiñajatï jan utjkchitu ukhajja, jupar munasiñajatakejj jan chʼamañchapjjestati”.+
5 “¿Wasarat makatasinki uka warmejj khitirakisti,
munatapat kattʼasit jutaski ukajj khitirakisti?”.
“Manzana qoqan* chʼiwipanwa nayajj sartaysma,
ukanwa mamamajj parto waytayasïna,
ukanwa parto waytayasisajj jumar ususiyätamjja.
6 Chuymamaruy nayarojj mä sellor uñtat uchita,
amparamaruy mä sellor uñtat uchita,
kuna laykutejj munasiñajj jiwañjam wali chʼamaniwa,+
kunjamtï Sepulturajj* maynirojj jan antutkejja, ukhamarakiw maynirojj wal munasiñajj munatapar jan antutaykiti.
Munasiñajja nakhaskir ninar uñtasitawa, Jah* Diosan ninapawa.+
7 Wali colerat umanakas janiw munasiñarojj chhaqtaykaspati,+
janirakiw jawiranakajj munasiñarojj apasipkaspati.+
Mä chachatï munasiñ layku utapankir taqpach utjirinakap churaspa ukhajja,
ukanakajj qʼala jiskʼachatäspawa”.*
8 “Jiwasajj mä kullakitanïtanwa,+
jupajj janïraw pechonakanïkiti,*
kuna uruntï casarasiñapatak irpasjjer jutapkani ukhajja,
¿kunarak kullakas laykojj lurañänisti?”.
9 “Jupatejj mä murallächi ukhajja,
mä qollqe torre jupjjarojj saytʼayañäni,
ukampis jupatejj mä punküchi ukhajja,
cedro tablampiw juparojj segurañäni”.
10 “Nayajj mä murallätwa,
pechonakajajj torrenakjamawa.
Jupajj uñjitu ukhajja,
sumankañan warmïtajwa uñji.
11 Salomón reyejj Baal-Hamón lugaranjja uvas yapunïnwa,+
yapuchir jaqenakaruw uka yapupjja jaytäna.
Uvas achunakatjja sapa maynejj waranqa qollqe metalanakwa churapjjäna.
12 Salomón rey, uka waranqa qollqe metalanakajja jumankiwa,
pä pataka qollqe metalanakajja uvas yapu uñjapki ukanakatakiwa.
Ukampis nayanjja uvas yapujaw utjitu, uka yapujajj nayatakikiwa”.
13 “Jumajj jardinanakanwa jakasktajja,+
compañeronakajj arunakam istʼañwa suyasipki.
Nayarojj arunakam istʼayarakitaya”.+
14 “Nayan munataja, apurtʼasim,
mä gacelar uñtasit jankʼak tʼijunim,+
waynpach mä venador* uñtasit jankʼak tʼijunim,
suma oloran alinakajj jilapki uka qollunaknam jankʼak tʼijunim”.
Hebreo arunjja, “Juman qhepam qatatita”.
Ukajja, tawaqonakatwa parlaski.
Hebreo arunjja, “chʼiyarätwa”.
Jan ukajja, “llakisiñ velompi”.
Jan ukajja, “qachu caballor”.
Ukajja, “kʼananakam taypinjja” sasaw jaqokipasirakispa.
Jan ukajja, “guirnaldanak”.
Hebreo arunjja, “nardo aceitejajj”.
Jan ukajja, “ñuñunakaj”.
Alheña alejja, suma olorani panqaranakaniwa, laphinakapatjja wila café colorantew apsusiraki.
Jan ukajja, “Suma utasan”.
Jan ukajja, “arbolanakan”.
Jan ukajja, “bosque”.
Jan ukajja, “arbolanak”.
Hebreo arunjja, “vino utaruw”.
Ukham sasinjja, uvas pasasanakampik lurat mä quequetwa parlaski.
Jan ukajja, “tarujanakjjaru”. Ukajja, qachu venadonakatwa parlaski.
Jan ukajja, “tarujar”.
Jan ukajja, “Jallupachajj”.
Jan ukajja, “arbolan”.
Variante: “jaqhe”.
Jan ukajja, “Zorronak”.
Ukajja, “jaljtayat qollunakankir” sasaw jaqokipasirakispa. Jan ukajja, “Beterankir qollunaka”.
Jan ukajja, “tarujar”.
Jan ukajja, “tarujanakjjaru”. Ukajja, qachu venadonakatwa parlaski.
Ukajja carpjjattʼat mä qonuñänwa, mä importante jaqer kallañatakïnwa.
Jan ukajja, “arbolanakan”.
Jan ukajja, “guirnaldamp; casarasiñ coronamp”.
Jan ukajja, “gemelo”.
Jan ukajja, “ñuñunakamajj”.
Jan ukajja, “gemelo”.
Jan ukajja, “Antilíbano”.
Jan ukajja, “arbolanakani”.
Jan ukajja, “arbolampi”.
Jan ukajja, “Norte toqenkir”.
Jan ukajja, “sur toqenkir”.
Jan ukajja, “velojwa”.
Jan ukajja, “arbolan”.
Ukajja, “achunakapar” sasaw jaqokipasirakispa.
Ukajja, “uma jalsu jakʼan” sasaw jaqokipasirakispa.
“Suma qalanaka” siski uk glosarion liytʼäta.
Jan ukajja, “arbolanakjam”.
Jan ukajja, “gemelo”.
Hebreo arunjja, “mamapatakejj wali qʼomawa”.
Jan ukajja, “arbolanak”.
Jan ukajja, “panqaranakap”.
Jan ukajja, “Mahanaim lugarankir thoqorinakar”.
Variante: “jiskhunakamanjj”.
Jan ukajja, “ñuñunakamajja”.
Jan ukajja, “gemelo”.
Jan ukajja, “arbolar”.
Jan ukajja, “arbolaruw”.
Jan ukajja, “arbolanakan”.
Mandragorajja, chʼoqer uñtasitawa, saphiniwa, achunirakiwa. Jaqerojj wawanïñapatakiw yanaptʼi sasaw amuyapjjerïna.
Jan ukajja, “arbolan”.
Jan ukajja, “Seolajj”. “Seol” siski uk glosarion liytʼäta.
“Jah” sutejja, Jehová Diosan jiskʼaptayat sutipawa.
Ukajja, “jupajj qʼala jiskʼachatäspawa” sasaw jaqokipasirakispa.
Jan ukajja, “janïraw ñuñunakanïkiti”.
Jan ukajja, “tarujar”.