MIQUEAS
1 Moréset lugarankir Miqueas*+ chachajja aka arunakwa Jehová Diosat katoqäna, Jotán,+ Acaz,+ Ezequías+ chachanakajj Judá+ marka reyjam apnaqapkäna uka urunakanwa Samariampita Jerusalenampit parlir aka arunak mä visionan katoqäna:
2 “¡Taqe markanaka, istʼapjjam!
Oraqe, jumajj wali atencionampi istʼam, taqe kunanakatï jumar phoqantktam ukanakas istʼapjjpan.
Taqe Kunjjar Munañani Jehová Dios Tatitojj jumanak contra testigot saytʼpan,+
Jehová Diosajj santo templopatpach testigot saytʼpan.
3 Jehová Diosajj kawkjantï jakki uka lugaratwa mistusinki,
jupasti saraqanisaw oraqenkir alto lugaranakapan sarnaqani.
4 Qollunakajja jupan kayup manqhäjj toqenwa umatatapjjani,+
vallenakas payaruw jaljtarakini,
kunjamtï likʼejj nina nayraqatan umatatki ukhama,
kunjamtï umanakajj mä barrancot waraqtanipki ukhama.
5 Jacobun kutkatasitap kawsaw taqe ukanakajj pasi,
Israelat jutir wawanakan juchanakap kawsaw pasi.+
¿Kuna kawsas Jacobojj kutkatasi?
¿Janit Samaria kawsajj kutkataski?+
¿Kawkïrinakas Judá markan alto lugaranakapajja?+
¿Janit ukanakajj Jerusalenäki?
6 Samaria markarojja camponkir qala montonaruw tukuyäjja,
uvasanak yapuchañ lugararuw tukuyäjja,
qalanakapjja valleruw jaqtʼäjja,*
cimientonakapsa qʼalwa uñstarayäjja.
7 Taqpach idolonakapajj qʼala tukjatäniwa,+
kawkïr regalonak kawsatejj jupajj aljaskäna taqpach uka regalonakajj* ninampi nakhantayatäniwa.+
Taqpach idolonakapwa nayajj tʼunjäjja,
jupajj prostitución jucha luratapat katoqkäna uka qollqempiw taqe ukanak jikjjatäna,
taqe ukanakajja mayampiw prostitutanakan pagoparakïni”.
Chacal sat animalanakjamaw nayajj wararëjja,
avestruz sat animalanakjamaw wararirakëjja.
Castigojj markajan punkupkamaw puri, Jerusalén markakamaw puri.+
10 “Gat markan jan yatiyapjjamti,
janipun jachapjjamti.
Bet-Afrá lugaran* laqʼa polvon qorumnaqapjjam.*
11 Safir lugarankir jaqenaka, qʼalala ukhamarak phenqʼachat sarapjjam.
Zaanán lugarankiri jaqenakajj janiw mistunipkiti.
Bet-Ezel markanjja warariñanakaw utjani, janiw jumanakarojj yanaptʼjjapjjätamti.
12 Marot lugarankir jaqenakajja kunatï sumäki ukwa suyapjjäna,
ukampis Jerusalenan punkuparojja kunatï jan walïki ukaw Jehová Diosan ukat saraqanïna.
13 Lakís+ markan jakir jaqenaka, carrjja caballonakar chinkatapjjam.
Sionan phuchapan juchapajja jumanakan ukatwa juti,
kuna laykutejj Israelan kutkatasitanakapajj juma* taypinwa jikjjatasïna.+
14 Kunapachatï Moréset-Gat markajj sarjjani ukhajja, jumaw regalonak jupar churäta.
Aczib+ markan jakir jaqenakajja Israel markankir reyinakatakejj mä engañöpjjänwa.
15 Maresá+ markan jakir jaqenaka, taqe kun katuntir enemigoruw jumanakan ukar apanëjja.+
Israelan jachʼañchäwipajja Adulam+ markakamaw purini.
16 Munat wawanakam kawsajj ñikʼut khuchurasipjjam, pʼeqsa afeitasipjjarakim.
Niyakejjay wawanakamarojj yaqha markar apañatak aparapjjstamjja,+
mä pakar uñtat pʼeqenakam qʼaraki jaytapjjam”.
2 “¡Ay kunakïkani, khitinakatï jan walinak lurañ amtapki ukanakatjja!
¡Ay kunakïkani, khitinakatï ikiñanakapan jan walinak lurañ amtapki ukanakatjja!
Alwan qhanapampiw kunanaktï amtapki ukanak lurapjje,
kuna laykutejj ukanak lurañatakejj amparanakapan chʼamanïpjjewa.+
2 Kunapachatï jupanakajj mä oraqe munapjje ukhajja, uka oraq katuntasipjjewa,+
mä uta munapjje ukhajja, uka utjja katuntasipjjewa,
mä jaqen utap katuntasiñatakisa+
herenciap katuntasiñatakis jupanakajj engañjapjjewa.
3 Jehová Diosajj akham siwa:
‘Jumanak contra jan waltʼäwi+ apaniñatakiw nayajj amtaskta, uka jan waltʼäwitjja janiw jumanakajj escapapkätati.+
Janiw mayampis jachʼa jachʼa tukusajj sarnaqjjapjjätati,+ kuna laykutejj jan waltʼäwi tiempöniwa.+
4 Uka urunjja jaqenakajj jumanak toqetwa mä poesía arsupjjani,
jumanakatjja walpun jupanakajj llakisipjjani.+
Akham sapjjaniwa: “¡Qʼala tukjatätanwa!+
¡Jupaw markajan herenciap katuntasi, yaqhanakaruw churaraki!+
Oraqenakasjja jupar jan adorapki* uka jaqenakaruw churi” sasa.
5 Ukhamasti mediñatak pitampi midtʼañatakejj janiw khitis utjkaniti,
ukhamat Jehová Diosan congregacionapan oraqe jalanoqañataki.
6 “¡Jan jukʼampejj yatiyjjapjjamti!” sasaw jupanakajj yatiyapjje.
“Janiw ukanakat yatiyasiñapäkiti.
¡Jiwasajj janiw jiskʼachatäkañäniti!”.
7 Jacobut jutir wawanakapa, ¿kunatsa jaqenakajj
“¿Jehová Diosan espiritupajj janit paciencianëjjpacha?
¿Akanakajj jupan luratanakapati?” sasin sapjje?
¿Cheqapar sarnaqerinakarojj janit arunakajajj yanaptʼki?
8 Ukampis jichhanakakiw nayan markajajj mä enemigor uñtat sartasi.
Guerrat kuttʼanir jaqenakjam wali confiyat pasasipki ukanakarojja,
isin suma mantonakap jan ajjsartʼasaw aparapjjtajja.
9 Markajankir warminakarojja suma utanakapat alisnukupjjtawa,
kunanakampitï wawanakapar nayajj bendiskta taqe ukanakjja wiñayatakiw aparapjjtajja.
10 Sartasipjjam, sarjjapjjarakim, aka lugarajj janiw samartʼañ lugaräkiti.
Qʼoma sarnaqañ jan utjatapatjja,+ tukjäwiw utji, jan wali tukjäwiw utji.+
11 Mä chachatï thayan qhepapa, engañon qhepap sarchi,
“vinompit alcoholampit nayajj jumar yatiyäma” sasin kʼarisirakchi ukhajja,
¡aka markatakejj jupajj wali suma yatiyirïspawa!+
12 Jacob, cheqpachapuniw nayajj taqe jumanakar tantachthapipjjäma,
jïsa, Israelat jiltʼapkani ukanakaruw tantachthapëjja.+
Mayarukiw jupanakarojj ovejanakarjam mä uyur tantachthapëjja,
mä tamarjamaw pastonakapan tantachthapëjja,+
13 Khititï perqa pʼiyski ukajja, jupanak nayraqataw sarani,
mä pʼiya pʼiysusajj punknamaw pasapjjani, uka punknamaw mistupjjarakini.+
Jupanakan reyipajj jupanak nayraqataw pasani,
Jehová Diosaw taqe jupanakarojj pʼeqtʼani”.+
3 Nayajj akham sistwa: “Jacobut jutir wawanakar pʼeqtʼirinaka,
Israel markan jilïrinakapa, mirä amp suma, istʼapjjam.+
¿Janit jumanakajj kunatï cheqapäki uk yatipjjañamäki?
2 Ukampis jumanakajj kunatï walïki ukarojj uñisipjjtawa,+ kunatï jan walïki ukarojj munasipjjtawa,+
markajarojja jañchipwa apaqapjjtajja, chʼakhanakapan aychapwa apaqapjjaraktajja.+
3 Markajan aychapwa manqʼantapjjtajja.+
Jañchipwa apaqapjjtajja,
chʼakhanakapsa pʼakjapjjtawa, jiskʼa jiskʼwa pʼakjapjjtajja,+
mä phukur phayañatak chʼakhanakarjama, mä phukur phayañatak aycharjama.
4 Uka tiemponjja Jehová Diosaruw yanapa mayiñatakejj artʼasipjjani,
ukampis jupajj janiw jayskaniti.
5 Profetanakajj markajaruw saranukuyasipki,+
kunapachatï lakanakapampi khistuñatak kuna manqʼas utji ukhajja, sumankañatwa+ yatiyapjje,+
ukampis khitinakatï jupanakar jan kuns lakapar uchapki ukanakarojja, guerraw utjani sasaw wal ajjsarayapjje,
ukatwa Jehová Diosajj uka profetanak contrajj akham sasin arsuwayi:
6 ‘Jumanakatakejj chʼamakaw utjani,+ janiw kuna visión uñjañas utjkaniti,+
jumanakatakejj chʼamakakiw utjani, janirakiw kuntï yatirinakajj lurapki ukanak lurjjapjjätati.
Profetanakatakejja intejj jalantjjaniwa,
urus jupanakatakejj chʼamaktʼjjaniwa.+
7 Visionanak uñjir jaqenakajja phenqʼachataw uñjasipjjani,+
yatirinakan luräwinakap lurir jaqenakajja chuymas pʼakintataw uñjasipjjani.
Jupanakajj taqpachaniw lakanakap* taptʼasipjjani,
kuna laykutejj janiw Diosajj jupanakar jayskaniti’ sasa”.
8 Ukampis nayajj Jehová Diosan espiritupan yanaptʼapampejja chʼamampi phoqtʼatätwa,
justiciampi chʼamampi phoqtʼatarakïtwa,
ukhamat Jacoburojj kutkatasitapat yatiyañajataki ukhamarak Israelarojj juchapat yatiyañajataki.
9 Jacobut jutir wawanakar pʼeqtʼirinaka,
Israel markan jilïrinakapa, mirä amp suma, ak istʼapjjam.+
Jumanakajj kunatï cheqapäki ukatjja ajjtasipjjtawa, kunatï cheqapäki ukjja qʼewjjapjjtawa,+
10 jumanakajj wil wartasaw Sionar saytʼayapjjtajja, kunatï jan cheqapäki ukanak lurasaw Jerusalén saytʼayapjjaraktajja.+
11 Pʼeqtʼirinakapajj qollqe chilltayasisaw juzgapjje,+
sacerdotenakapajj pago laykuw yatichapjjaraki,+
profetanakapajj qollqe* laykuw yatirinakan luräwinakap lurapjjaraki.+
Ukhamsa lurapjjchejja, Jehová Diosaruw confiyapjjta sasaw sapjje, akham sapjjarakiwa:
“¿Janit Jehová Diosajj jiwasampïki?+
Janiw kuna jan waltʼäwis paskistaniti”+ sasa.
12 Jumanak kawsajja,
Sionajj mä oraqjam qhollitäniwa,
Jerusalenajj qʼala tukjatäniwa,+
qollu patjjankir templosti, qoqanakamp* phoqantat mä jiskʼa qollur uñtasitarakïniwa.+
kawkjantï Jehová Diosan utapajj jikjjataski uka qollojja,+
taqe qollunakat sipansa jukʼamp jachʼäniwa, suma uttʼayatarakïniwa,
lomanakat sipansa jukʼamp jachʼäniwa,
uka qolluruw markanakajj sarapjjani.+
2 Walja markanakaw sarapjjani, akham sapjjarakiniwa:
“Jutapjjam, Jehová Diosan qollupar makatapjjañäni,
Jacobun Diosapan utapar makatapjjañäni.+
Diosajj thakinakapatwa yatichistani,
jiwasasti thakinakapanwa sarnaqarakiñäni” sasa.
Kuna laykutejj Sionatwa leyejj* mistuni,
Jerusalenatwa Jehová Diosan arupajj misturakini.
3 Jupaw walja markanak taypin juezäni,+
jayankir wali chʼamani markanak taypin kunanakatï jan walïki ukanakjja jupaw cheqañchani.
Markanakajja espadanakap aradon rejanakaparuw tukuyapjjani,
Markanakajja janiw yaqha markanak contrajj espada aytjjapjjaniti,
janirakiw jukʼampejj guerran nuwasiñatak yateqjjapjjaniti.+
4 Sapa mayniw uvas alipan chʼiwipar qontʼasipjjani* ukhamarak higos qoqapan* chʼiwipar qontʼasipjjani,+
jupanakarojj janiw khitis ajjsaraykaniti,+
kuna laykutejj ejercitonakan Jehová Diosapaw uk arsu.
5 Taqe markanakajja sapa mayniw diosapan sutipjjar sarnaqapjjani,
ukampis jiwasanakajj wiñayans wiñayapatakiw Jehová Diosasan sutipjjar sarnaqañäni.+
6 Jehová Diosajj akham siwa: “Uka urunjja,
cojöpkäna ukanakaruw tantachthapëjja,
aywitatatäpkäna ukanakarus tantachthapirakïwa,+
jupanakamp chikasti khitinakarutï nayajj tʼaqesiykayäta ukanakaruw tantachthapirakëjja.
7 Cojöpkäna ukanakatjja mä qhawqhaniruw jiltʼayäjja,+
jayar apatäpkäna ukanakarojja mä jachʼa markaruw tukuyäjja,+
Jehová Diosajj Sion Qollunwa jupanakarojj apnaqani,
jichhat uksarusa wiñayatakisa.
8 Uywanakar uñjañatak torre,
Sionan phuchapan jiskʼa qollupa,+
juman ukaruw nayrïr* apnaqäwejj kuttʼanini, jïsa, kuttʼaniniwa,+
Jerusalenan phuchapankki uka reinojj* juman ukaruw kuttʼanini.+
9 ¿Kunatsa wali jachʼat arnaqasiskta?
¿Janit reyinëjjta?
Jan ukajj ¿ewjjtʼirimach jiwjje,
ukhamat ususiskir mä warmir uñtat wal usuyasiñamataki?+
10 Sionan phuchapa, ususiskir mä warmir uñtat
qʼewinaqtam, wararirakim,
kuna laykutejj jichhajj markat sarjjätawa, camponwa jakarakïta.
Babilonia markakamaw purïta,+
ukanwa jumajj salvatäyäta,+
ukanwa Jehová Diosajj enemigonakaman amparapat salvätam.+
11 Ukatjja walja markanakajj juma contraw tantachtʼatäpjjani,
jupanakajj akham sapjjaniwa: ‘Sionajj qʼañuchatäpan,
nayranakasajj uk uñjarakpan’ sasa.
12 Ukampis jupanakajj janiw Jehová Diosan amuyunakap uñtʼapkiti,
janirakiw jupan amtapjja* amuyapkiti,
kuna laykutejj jupajj grano takiyañ lugaranwa jupanakar tantachthapini, marqa marqa jichhak yawirat trigorjama.
13 Sionan phuchapa, sartasim, trigo takirakim,+
kuna laykutejj wajjranakamjja hierroruw tukuyäjja,
kayu sillunakamjja cobreruw tukuyarakëjja,
walja markanakaruw jumajj polvor tukuyäta.+
Jupanakan engañjas jikjjatat ganancianakapjja Jehová Diosaruw churjjäta,
utjirinakapsa oraqpachan cheqpach Tatituparuw churjjarakïta”.+
5 “Enemigompi muyuntat markankir jaqenaka,
jumanak pachpaw cuerponakam kharinoqasisipktajja,
enemigompi muyuntataw uñjastanjja.+
Jupanakajj Israelan juezaparuw ajanupat mä varamp jawqʼatatapjje.+
Judá oraqenkir markanak* taypinkañatakejja, jumajj wali jiskʼakïtawa,
khititejj Israelan apnaqkani ukajj jumatwa nayatakejj mistuni,+
jupan qalltäwipajj nayra tiemponakatpachawa, nayra urunakatpachawa.
3 Jupasti jupanakarojj apanukuniwa,
usur warmejj ususkani ukapachkamaw apanukuni.
Jilanakapat jiltʼapkani ukanakajj Israel markaruw kuttʼapjjani.
4 Jupasti saytʼasiniwa, Jehová Diosan chʼamapampiw awatini,+
Jehová Diosapan jachʼa sutipjjaruw awatini.
Jupanakajj jan kunar ajjsarasaw jakasipjjani,+
5 Jupasti sumankañwa apanini.+
Asiriotï oraqesar mantanini, jachʼa torrenakas takichasirakini ukhajja,+
jupa contrajj paqallqo awatirinakwa saytʼayañäni, jïsa, jaqenak taypit kimsaqallqo principenakwa* saytʼayañäni.
6 Jupanakajj Asiria markan oraqepjja espadampiw awatipjjani,+
Nemrod+ chachan oraqepar mantañ lugaranakapjja espadampiw awatipjjani.
Kunapachatï asiriojj+ oraqesar mantanini, oraqes takichasirakini ukhajja,
jupaw asiriot salvistani.
7 Jacobut jutir wawanakapat jiltʼapki ukanakajja, walja markanak taypinjja
Jehová Diosat jutir sullar uñtasitäpjjaniwa,
chʼojjña alinakjjar wal purjjatir jallur uñtasitäpjjaniwa,
sullasa jallusa janiw jaqen munañapat utjkiti,
janirakiw jaqen wawanakapan munañapat utjkiti.
8 Jacobut jutir wawanakapat jiltʼapki ukanakajja, markanak taypinjja,
mä arunjja walja markanak taypinjja,
monte* animalanak taypinkir mä leonar uñtasitäpjjaniwa,
ovej tamanak taypinkir waynpach mä leonar uñtasitäpjjaniwa,
jupanak taypi pasiri, atakiri, jiskʼa jiskʼa tukjiri leonar uñtasitäpjjaniwa.
Jupanakar salvirejj janiw khitis utjkiti.
9 Enemigonakamarojj jumajj atipjätawa,
taqe enemigonakamajj tukjatäpjjaniwa”.
10 Jehová Diosajj akham siwa: “Uka urunjja,
juma taypin utjki uka caballonakamarojj tukjäwa, carronakamsa tukjarakïwa.
11 Oraqemankir markanakjja nayajj tʼunjäwa,
jachʼa perqanakamp muyuntat taqe markanakamsa tʼunjäwa.
12 Layqasitanakamjja nayajj chhaqtayäwa,
juma taypinjja janiw khiti magia luriris utjkaniti.+
13 Juma taypitjja idolonakamsa sagrado columnanakamsa tʼunjäwa,
amparamampi luratanakamarus janiw altʼasjjätati.+
15 Nayar jan istʼapkitu uka markanakatjja,
wali coleratapuniw nayajj vengasëjja”.
6 Mirä amp suma, kuntï Jehová Diosajj siski uk istʼapjjam.
Sartasipjjam, qollunak nayraqatar quejanak apanipjjam,
jiskʼa qollunakajj arunakam istʼapjjpan.+
2 Qollunaka, Jehová Diosan quejap istʼapjjam,
oraqen suma uttʼayat cimientonakapa,+ istʼapjjam,
kuna laykutejj Jehová Diosajj markap contrajj mä quejaniwa.
Jïsa, Israel contraw jupajj quejap akham sasin presentaski:+
3 “Nayan markaja, ¿kunarak nayajj jumar lursmasti?
¿Kunarak jumar qariyañatakejj nayajj lurtsti?+
Mirä amp suma, naya contra qhanañcham.
4 Kuna laykutejj nayaw Egipto oraqet jumar irpsunsma,+
esclavökayäta uka oraqetwa nayajj irpsunsma,+
nayajj Moisesampiru, Aaronampiru, Miriamampiruw juman ukar khitanta.+
5 Nayan markaja, mirä amp suma, kuna jan walinaktï Moab markankir Balac reyejj lurañ amtkäna uk amtasikimaya,+
Beor chachan Balaam yoqapajj Balac reyirojj kuntï siskäna uk amtasikimaya,+
kuntï Sitim+ lugarat Guilgal+ markakam paskäna uk amtasikimaya,
ukhamat Jehová Diosan cheqapar luratanakap yatiñamataki” sasa.
6 ¿Kunampirak Jehová Dios nayraqatar sarästi?
¿Kunampirak alajjpachankir Dios nayraqatan altʼasïsti?
¿Enterpach nakhantayat ofrendanakampit saräjja,
mä marani torillonakampit saräjja?+
7 ¿Waranqa waranqa orqo ovejanakampejj Jehová Diosajj kusisitäniti?
¿Walja aceitempejj kusisitäniti?+
¿Kutkatasitajatjja jilïr yoqall wawajarut churäjja?
¿Juchachasitajat pachpa wawajarut churäjja?+
9 Jehová Diosajj markankir jaqenakarojj wali jachʼatwa artʼi,
khitinakatï yatiñanïpki ukanakajja sutimarojj ajjsarapjjaniwa.
Castigañatak vararojj wali atencionamp istʼapjjam, khititï castigañatak vara apanki ukarus istʼapjjarakim.+
10 ¿Jan walinak luras jikjjataskäna uka wali valorani yänakajj* jan wali jaqen utapankaskakiti?
¿Jan phoqatäki uka ajjtaskañ efá* medidajj jan wali jaqen utapankaskakiti?
11 ¿Falso balanzanak apnaqasajj janit nayajj juchanïkiristjja?
¿Engañjañatak pesañ qalanak apnaqasajj janit nayajj juchanïkiristjja?+
12 Kuna laykutejj wali utjirin jaqenakapajj nuwasiñanakampi phoqantatäpjjewa,
markachirinakapas kʼarinakwa parlapjje,+
lajjranakapasa lakanakapasa engañjapjjewa.+
13 “Ukatwa nayajj jumar castigäma,+
juchanakam kawsajja qʼala tukjataw uñjasiyäma.
14 Jumajj manqʼätawa, ukampis janiw sisktʼaskätati,
manqʼat awtjatäskakïtawa.+
Kunanaktï jumajj apaskäta ukanakjja janiw mä seguro lugarar apaskätati,
kunanaktï apaskäta ukanakjja enemigonakamaruw nayajj churäjja.
15 Jumajja jathanakwa satäta, ukampis janiw cosechkätati.
Aceitunanakwa jumajj takïta, ukampis janiw aceitemajj utjkaniti.
Uvasanakwa jumajj takïta, ukampis janiw vino umkätati.+
16 Kuna laykutejj jumanakajj Omrí chachan leyinakapwa arkapjjtajja, Acab+ chachana ukhamarak familiapana taqe jan wali luratanakapwa arkapjjtajja,
jupanakan ewjjanakaparjamaw lurapjjaraktajja.
Ukatwa nayajj jumanakar castigapjjäma.
Kunanaktï nayajj jumanakar lurapkäma ukanak uñjasajja jaqenakajj musparapjjaniwa.+
Jumanakajj markanakan jiskʼachäwinakapwa aguantapjjarakïta”.+
7 ¡Ay nayat kunakïkani!
Nayajja manqʼasiñatak uvasanak jan jikjjatiri jaqer uñtasitätwa,
kawkïr suma higosanaktï wal munkäna uka higosanak* jan jikjjatir jaqer uñtasitätwa,
poqorat frutanak* cosechañajj tukuyjjäna, uvas cosecha tukuyatar jiltʼanak thaqañ tiempojj tukuyjjarakïna
uka qhepatwa uka jaqejj achunak thaqerejj saräna.
2 Jan jaytjasir jaqejja oraqet chhaqtjjewa,
jaqenak taypinjja janiw cheqap sarnaqer jaqejj utj-jjeti.+
Taqeniw maynir jiwayañatakejj suyjjatasipki.+
Sapa mayniw jupanakajj pachpa jilanakapar qänamp* katurasipki.
3 Jupanakajj jan walinak lurañatakejj wali yatjjattʼatäpjjewa.+
Principejja impuestonak mayiñatakejj walpun waytʼasi,
juezajja pago mayi,+
importante jaqejja munañanakapakwa mayi,+
taqe jupanakajj mayachtʼasisaw jan walinak lurapjje.
4 Khititï jupanak taypit jilankki ukajja chʼapinakar uñtasitawa,
khititï jupanak taypit cheqapar sarnaqerïki ukajja chʼapinakampi muytayat murallat sipansa jukʼampiwa.
Ukampis guardianakaman arsut urojj purininiwa, cuentanak mayiñ urojj purininiwa.+
Jupanakajj walpun sustjasipjjani.+
5 Compañeromarojj jan jumanakajj confiyapjjamti,
wali munat amigomarus janirak confiyapjjamti.+
Kuntï jumajj munat esposamarojj siskta ukat wal amuyasim.
6 Kuna laykutejj yoqajj awkiparuw jiskʼachi,
phuchasti taykap contraw saytʼasi,+
yojjchʼasti suegrap contraw saytʼasiraki.+
Mä jaqen enemigonakapajj pachpa utapankirinakawa.+
7 Ukampis nayajj taqe chuymaw Jehová Diosarojj suytʼäjja.+
Nayar salvir Diosarojj wali pacienciampiw suytʼäjja.+
Diosajasti nayarojj istʼitaniwa.+
8 Nayan enemigoja, jan waltʼäwin uñjasitaj laykojj jan kusisimti.
Nayajj tinkstsa, sartasïwa,
chʼamakansa nayajj jakstjja, Jehová Diosaw nayan qhanajäni.
9 Dios contra juchachasitaj laykojja,+
Jehová Diosan colerasitap nayajj aguantäwa,
Diosajj naya toqet saytʼasiñapkama ukhamarak justicia nayatak lurañapkama.
Jupaw nayarojj qhanar irpsunitani,
nayasti cheqapar uñjir Diosätapwa uñjäjja.
10 Nayan enemigojajj uk uñjarakiniwa,
khititï “¿kawkinkarak Jehová Diosamasti?”+
sasin siskitäna ukajj qʼala phenqʼachataw uñjasini.
Nayranakajajj enemigojarojj uñjaniwa.
Ukatsti jupajj callenakankir ñeqʼer uñtat taksutäniwa.
11 Uka urojja qala murallanakam saytʼayañ urüniwa,
uka urojja oraqemajj jachʼaptayatäniwa.*
12 Uka urojja juman ukaruw jupanakajj jutapjjani,
Asiria markatpacha, Egiptonkir markanakatpacha,
Egiptot jawirkama,*
lamar qotanakatpacha, qollunakatpachaw juman ukar jutapjjani.+
13 Markachirinakap kawsajja markajj qʼala tukjatäniwa,
jupanakajj luratanakap kawsaw ukhaman uñjasipjjani.
14 Dios Tata, mirä amp suma, varamampiy markamarojj awatim, herenciamäki uka ovejanakaruy awatim,+
khititejj mä monten* sapak jakkäna, mä huerto taypin sapak jakkäna ukaruy awatim.
Jupanakajj Basán toqensa Galaad+ toqensa nayra tiemponakanjam manqʼasipjjpan.
15 “Jumajj Egipto oraqet mistunkayäta uka urunakanjamarakiw
markamarojj musparkañanak nayajj uñachtʼayäjja.+
16 Markanakaw ukanak uñjapjjani, jupanakajj wali chʼamanïpkchisa phenqʼachataw uñjasipjjani.+
Amparampiw lakanakapsa taptʼasipjjani,
jiñchunakapajj oqaräjjarakiniwa.
17 Asirunakjamaw* laqʼa jallqʼapjjani,+
oraqen utjki uka qatatnaqtir animalanakjamaw imantasiñanakapat khatattʼasis mistunipjjani.
Wali ajjsartʼasaw Jehová Diosasan ukar jutapjjani,
juparojj ajjsarapjjarakiniwa”.+
18 ¿Khitis jumjam Diosajja?
¿Khitis Israel markat jiltʼirinakan pantjasitanakap perdoniri,+ juchanakap perdoniri jumjam Diosajja?+
Jupajj janiw wiñayatak coleraskaniti,
kuna laykutejj juparojj munasiñat jan jaytjasirïñaw kusisiyi.+
19 Jupajj wasitampiw jiwasat khuyaptʼayasini,+ pantjasitanakasarus mä enemigorjamaw atipjani.*
Nanakan taqe juchanakaj-jja lamar qota manqhanakaruw jumajj jaqontäta.+
20 Jacoburojj jan apanukusir Diosätamwa uñachtʼayäta,
Abrahanarusti munasiñat jan jaytjasirïtamwa uñachtʼayarakïta,
kunjamtï nayra awkinakajarojj nayra tiemponakatpach mä juramento lurkayäta ukhama.+
Uka sutejja, Miguel jan ukajj Micaya hebreo sutit jiskʼaptayat sutiwa. Miguel sutejj “¿khitis Diosjamajja?” sañ muni, Micaya sutejj “¿khitis Jehová Diosjamajja?” sañ munaraki.
Hebreo arunjja, “willtäjja”.
Jan ukajja, “prostitución jucha luratapat pago katoqkäna taqe ukanakajj”.
Jan ukajja, “Afrá lugarankir utan”.
Variante: “qolumnaqapjjam”.
Ukham sasinjja, inas Sionan phuchapat parlaskchi.
Jan ukajja, “yupaychapki”.
Variante: “chʼajjwatapaw”.
Jan ukajja, “sunkhanakap”.
Jan ukajja, “qollqe metal”.
Jan ukajja, “arbolanakamp”.
Jan ukajja, “Qhepa urunakanjja”.
Jan ukajja, “yatichäwejj”.
Jan ukajja, “segaderanakaruw”.
Jan ukajja, “jakapjjani”.
Jan ukajja, “arbolapan”.
Jan ukajja, “nayra”.
Jan ukajja, “gobiernojj”.
Jan ukajja, “ewjjtʼapjja”.
Jan ukajja, “familianak”. Hebreo arunjja, “waranqanak”.
Variante: “qawayanakapkamaw”.
Jan ukajja, “pʼeqtʼirinakwa”.
Jan ukajja, “bosque”.
Hebreo arunjja, “jikʼinuküwa”.
Jan ukajja, “jumar mayampi maytamjja”.
Jan ukajja, “cheqap sarnaqer jaqëñama; jan khitirus yaqhachirïñama”.
Jan ukajja, “suma chuymampi jan jaytjasa munasiñ uñachtʼayañama”. Hebreo arunjja, “munasiñat jan jaytjasiñar munasiñama”.
Jan ukajja, “modestia”.
Jan ukajja, “cosasanakajj”.
Apéndice B14 uñjjattʼäta.
Jan ukajja, “nayraqat achoqeri higosanak”.
Hebreo arunjja, “juntʼupachan achuri frutanak”.
Jan ukajja, “redemp”.
Ukajja, “decretojj jayankaniwa” sasaw jaqokipasirakispa.
Ukajja, Éufrates jawiratwa parlaski.
Jan ukajja, “bosquen”.
Jan ukajja, “Katarinakjamaw”.
Jan ukajja, “takichasini”.