Diosax nayra ñanqha jaqinakaruw tukjawayi

18 Adanan wawanakapax wal mirantapxäna. Jupanakasti wal ñanqhaptapxarakïna. Ukatwa Diosax jupanakaru tukjañ amtäna (Génesis 6:1, 5, 7).

19 Ukampisa, Noé sutini mä aski chachaw utjäna (Génesis 6:8, 9).

Juparux Jehová Diosax sänwa, mä jachʼa barco lurasim, kunapachatix ñanqhanakaxa tukjatäpkani ukhaxa familiamampix ukanwa qhispiyasipxäta. Uka barcoxa mä jachʼa cajonjamänwa. Arka satarakïnwa (Génesis 6:13, 14).

20 Jupanakax walja animalanakwa arkaru anantapxatayna (Génesis 6:19-21).

21 Jehová Diosax walpuni jallu purintayäna. Taqi ñanqha jaqinakaw jiwarawäpxi. Arkankirinakax qhispiyatapxänwa. ¿Yattati kunatsa? (Génesis 6:17; 7:11, 12, 21; 1 Pedro 3:10-12.)