10 jalja

Kunjamakis akat uksarux jakasïta

Jan walinakakis jutïrin utjañäkaspa ukham axsarasakiw yaqhip wayn tawaqunakax jiskʼatpach jilasipxi. Sum amuyañ sipanxa sinti jan walinakaw utjirjama, markpacha chhaqtayir bombanak lurasipxi, ukat kunatix aka Uraqin utjki ukanakas janikiw walïxarakiti, ukat qullqit pistʼañas taqi chiqanaraki utjaraki. Ukampis jumax yaqha tuqinakatwa llakisirakisma, akat 10, 20 jan ukax 30 maratxa kunjamakis jikxatasïta, ukanakatwa jil llakispachätaxa.

Ukampis jutïritakix wali askinakarakiw utji. Ukat kunjamxay jichhax sarnaqchïta ukarjamaw walinsa jan walinsa uñjasïta.