Watchtower INTERNETANKIR BIBLIOTECA
Watchtower
INTERNETANKIR BIBLIOTECA
Aymara
ʼ
  • kʼ
  • tʼ
  • pʼ
  • chʼ
  • qʼ
  • BIBLIA
  • QELLQATANAKA
  • TANTACHÄWINAKA
  • lfb 41 yatichäwi pág. 100-pág. 101 párr. 2
  • Davidampi Saúl reyimpi

Janiw videojj utjkiti

Disculpapjjeta, janiw aka video uñjañjamäkiti

  • Davidampi Saúl reyimpi
  • Biblian yatichäwinakap yateqañäni
  • Uka toqet jukʼamp yatjjatañataki
  • Kunatsa Davitax sarxäna
    Bibliat apstʼata sarnaqäwinaka
  • Davitaruw apnaqirit uttʼayasi
    Bibliat apstʼata sarnaqäwinaka
  • Sacrificionak luqtañat sipans istʼasirïñaw jukʼamp askixa
    Yatiyañataki, Jehová Diosan Apnaqäwipat yatiyaski 2011
  • Kunanakatsa 1 Samuel libron parli
    Biblia Aymara. Machaq Mundon Jakirinakataki
Jukʼamp uñjañataki
Biblian yatichäwinakap yateqañäni
lfb 41 yatichäwi pág. 100-pág. 101 párr. 2
Davidajj Saulan campamentop toqeruw artʼaski

LECCIÓN 41

Davidampi Saúl reyimpi

Davidajj Goliatar jiwaykäna uka qhepatjja Saúl reyejj ejercitopan pʼeqtʼirit jupar ajllïna. Davidajj walja guerranak atipjäna, wali uñtʼatäjjarakïnwa. Guerrat kuttʼanirïkäna ukhajja, warminakajj thoqtʼasisa, canttʼasisaw katoqapjjerïna: ‘Saúl reyejj 1.000 enemigonakaparuw atipji, Davidasti 10.000 enemigonakaparuw atipjaraki’ sasa. Ukatwa Saúl reyejj jupat envidiasjjäna, jiwayañ munjjarakïna.

Davidajj sum arpa tuktʼirïna. Mä urojj Saulatak tuktʼaskäna ukhaw Saulajj jiwayañatak mä lanzampi jaqtʼäna. Davidajj jankʼakiw altʼäna, lanzajj perqarukiw purïna. Uka qhepat walja kutiw Davidar jiwayañ yantʼäna. Ukatwa Davidajj wasarar escapjjäna.

Saulajj iktʼaski ukhajja Davidajj lanzapwa apasiski

Saulajj 3.000 soldadompiw Davidar arktäna. Davidampi jaqenakapamp imantasipkäna uka pachpa qollu pʼiyaruw Saulajj mantäna. Davidan jaqenakapajj akham sapjjänwa: ‘Saular añchhit jiwayam’ sasa. Davidajj kʼachat jakʼachasisaw Saulan isip mä jiskʼa khuchoqäna, Saulajj janiw uk amuyaskänti. Ukampis Jehová Diosan ajllit reyipar ukham luratapat Davidajj arrepentisïnwa. Jaqenakapajj Saular jiwayañ munapjjäna ukhas jarkʼaqarakïnwa. Saulajj qollu pʼiyat mistjjäna ukhajja, Davidajj akham artʼäna: ‘Nayajj jiwayirismänwa, ukampis janiw jiwayksmati’ sasa. Ukat qheparojj ¿Saúl reyejj sumti Davidar uñj-jjpachäna?

Janiwa, jiwayañatak arknaqaskakïnwa. Mä arumajja, Davidampi Abisái sobrinopampiw Saulan campamentopar jamasat mantapjjäna. Saular cuidiri Abner sat soldados wal iktʼaskäna. Abisái sobrinopajj akham sänwa: ‘¡Jichhakuch jiwayañäni! Nay jiwayä’ sasa. Davidasti sänwa: ‘Jehová Diosaw jupar kunjamsa uñjaskani. Antisas lanzapampi uma yurupampi aptasajj sarjjañäni’ sasa.

Davidajj mä qollur makatasaw Saulan campamentopar akham artʼanïna: ‘¡Abner! ¿Kunatsa reyir jan sum uñjkta? ¿Uma yurupas lanzapas kawkinkisa?’ sasa. Saulajj Davidätap amuyasajj akham sänwa: ‘Jiwayitasmänwa, ukampis janiw uk lurktati. Jichhaw yatjjta, jumaw Israelan machaq reyipäjjäta’ sasa. Saulajj utaparuw kuttʼjjäna. Ukampis janiw Saulan taqpach familiapajj Davidar uñisipkänti.

“Kawkhakamay wakischini ukhakamajj taqe jaqenakampi sumankapjjam. Munat jilatanaka, jan vengasipjjamti, antisas Diosar jaytapjjam, jupaw jan wali jaqenakarojj colerasiñap uñachtʼayaskani” (Romanos 12:18, 19).

Jisktʼanaka: ¿Kunatsa Saúl reyejj Davidar jiwayañ munäna? ¿Kunatsa Davidajj Saular jiwayañ jan munkäna?

1 Samuel 16:14-23; 18:5-16; 19:9-12; 23:19-29; 24:1-15; 26:1-25.

    Aymara qellqatanaka (2005-2025)
    Mistuñataki
    Mantañataki
    • Aymara
    • Apayañataki
    • Kunjamtï munkta ukarjam askichañataki
    • Copyright © 2025 Watch Tower Bible and Tract Society of Pennsylvania
    • Ak amtañamapuniwa
    • Aka amtanakanïpjjtwa
    • Configuración de privacidad
    • JW.ORG
    • Mantañataki
    Apayañataki