Jan ajjsartʼiri ukat iyawsäwini walja chacha warminakatwa Bibliajj parli. Jupanakat yatjjatañaw Jehová Diosar confiyasa ukat jan ajjsaras yupaychañatak yanaptʼistani. Aka yatichäwinwa 2013 maratak Biblian apstʼat qellqatat sum qhanañchaskani.

▪ Janipun kunas Jehová Diosat jitheqtaykistpati

▪ Jehová Diosar jakʼachasiskakim

Jakäwisanjja, khitis awk taykasäni, khitis jilat kullakasäni ukat kawkinsa naciñäni ukanakjja janiw ajllksnati. Ukampisa Jehová Diosar jakʼachasiñäniti janicha uk ajllsnawa. Aka yatichäwinwa kunanakas jiwasarojj Jehová Diosat jan jitheqtayañapäki uk paqallqo toqet yatjjataskañäni.

▪ Jan sint llakisisa Jehová Diosar yupaychapjjañäni

Kuntï lurawayktan ukjja niya taqeniw mayj lurañ munasänjja. Ukampis nayra pantjasitanakasajj janiw Jehová Diosar yupaychañat jarkʼañapäkiti. Aka yatichäwinjja, kunjamsa chuym jan pisayasis Jehová Diosar yupaychsna, ukwa apóstol Pablon sarnaqäwipat yatjjataskañäni.

▪ Irpir chuymaninakajj kusisipjjañasatakiw yanaptʼistu

Corinto markankir cristianonakar payïr cartap qellqkäna uka arunakarjamajja, Pablosa ukat jupamp chika irnaqtʼir jilat kullakanakajj tamankirinakan kusisitäpjjañapataki yanaptʼañ munapjjatapwa uñachtʼayapjjäna (2 Cor. 1:24). ¿Kunsa irpir chuymaninakajj ukat yateqasipjjaspa? ¿Taman kusisiñ utjañapatakejj kunsa sapa maynejj lurañasa? Uka jisktʼanakaruw aka yatichäwin qhanañchtʼaskañäni.

YAQHA YATICHÄWINAKA

3 Jupanakajj taqe chuymaw sarapjjäna: Noruega markaru

32 Suma amtar puritapat askinakwa jikjjatäna

NAYRÏR JANA: Camp-Perrin markanwa jubilat chacha warmejj mä uta mantañan Bibliat yatiyasipki. Haití markankir yaqhep jilata kullakanakajja, uka chacha warmjamarakiw anqäjj markat pachpa markapar kuttʼanisajj kawkhantï Diosan arunakap jukʼampi yatiyañajj wakiski uka cheqanakan yatiyasipki

HAITÍ

UKHANIRUW MÄ YATIYIREJJ HAITÍ MARKAN YATIYAÑAPA

557

YATIYIRINAKA

17.954

BIBLIAT YATEQERINAKA

35.735