Qhepa urunakat qhespirinakajj mä suma paraisonwa jakasipjjani.
¿Bibliajj kamsisa?
¿‘Qhepa urunakanti’ jakasktanjja?
¿Jumajj kamsasmasa?
Jïsa
Janiwa
Inas ukhamächi
Bibliajj akham siwa
“Qhepa urunakanjja jan wali tiemponakaw jutani” (2 Timoteo 3:1). Biblian qellqatäki uka profecianakasa kunatï jichhürunakan pasaski ukanakasa, ‘qhepa urunakankataswa’ uñachtʼayi.
Bibliajj akham saskakiwa
Qhepa urunakanwa guerranakasa, manqʼat pistʼañanakasa, oraq khatatinakasa jan qollañjam jan wali usunakas utjañapäna (Mateo 24:3, 7; Lucas 21:11).
Qhepa urunakanjja, jaqenakajj jan suma chuymani jan walinak lurirïpjjañapänwa (2 Timoteo 3:2-5).
¿Kunas jaqenakamp pasani?
Jaqenakajj akham sapjjewa Qhepa urunakajj tukuyjjani ukhajja, aka Oraqesa jaqenakasa qʼala tukjatäpjjaniwa sasa. Yaqhepasti, taqe kunas sumakëjjaniwa sasaw sapjjaraki. ¿Jumajj kamsasmasa?
Bibliajj akham siwa
“Aski jaqenakajj oraq katoqapjjani, wiñayatakiw ukan jakapjjarakini” (Salmo 37:29).
Bibliajj akham saskakiwa
Jan walinakajj chhaqtayaskani ukhaw qhepa urunakajj tukusjjani (1 Juan 2:17).
Aka oraqejj mä suma paraisöjjaniwa (Isaías 35:1, 6).