Aka yatichäwinakaniwa

2017 marataki Bibliat apstʼata qellqatajja, jan walinakan uñjasisin Jehová Diosan yanaptʼap thaqhañatakiw chʼamañchtʼistani, ukwa aka yatichäwin yatjjatañäni. Ukatsti jan walinakampi jan aynachtʼañatakisa, mayninakar yanaptʼañatakisa kunsa Diosan nayra servirinakapat yateqassna uksa yatjjatarakiñäniwa.

Jehová Diosajj jiwas pachpa kuns amtirwa lurawayistu, ukajj mä suma churäwipawa. ¿Kunjamsa ukat yuspärsna? Diosar jachʼañchkir amtanakar purisaw Jupar yuspäratas uñachtʼaysna, ukwa aka yatichäwin yatjjataskañäni. Ukatjja, kuntï jilat kullakanakajj amtapkani uk respetañatakiw yanaptʼarakistani.

Aka yatichäwinakanjja, kunjamsa altʼat chuymanïtas uñachtʼaysna ukwa yatjjataskañäni. Nayrïr yatichäwinjja, altʼat chuymanïki ukajj kunjamasa ukwa yatjjatañäni. Payïr yatichäwinsti, jan walinakan uñjasisajj kunjamsa altʼat chuymanïsna ukwa yatjjatarakiñäni.

Jilïr jilatanakajja, waynanakaruw Diosan markapan jukʼamp luräwinak katoqapjjañapatak yanaptʼapjjañapa. Aka yatichäwinjja, kunjamsa waynanakasa, jilïrinakasa yanaptʼasipjjañapa uka toqetwa yatjjataskañäni.