Maynimpiruw Oraqpachan Jilïr Irpirinak taypinkañapatak uttʼayasi

PASÏR 2018 maran miércoles 24 de enero urojja, “Kenneth Cook (yoqa) jilatajj Oraqpachan Jilïr Irpirinakat maynirëjjewa” sasaw Estados Unidos markankir Betelansa Canadá markankir Betelansa yatiyasïna.

Kenneth jilatajj Pensilvania (Estados Unidos) markanwa nasïna, ukanwa jilsurakïna. Niya colegiot mistuñampëjjäna ukhaw mä yateqer masipajj Jehová Diosar uñtʼañapatak yanaptʼäna. Jilatajj 1980 maran 7 de junio uruw bautisasïna. 1982 maran 1 de septiembre uruw precursor regularat serviñ qalltarakïna. Pä mara qhepatjja, Betelan serviñapatakiw invittʼapjjäna. 1984 maran 12 de octubre urunwa jilatajj Wallkill (Nueva York) markankir Betelan trabajiñ qalltäna.

Kenneth jilatajj 25 maranakaw Oficina de Betel ukana ukhamarak imprentan kunayman lurañanakamp yanaptʼäna. 1996 maranjja, Jamie sat kullakampiw casarasïna, kullakajj jilatamp chikaw Wallkill markankir Betelan trabajiñ qalltäna. 2009 maran diciembre phajjsinjja, Patterson markankiri Centro Educativo de la Watchtower siski ukan servipjjañapatakiw jupanakar invittʼapjjäna, jilatajj departamento de Correspondencia de Redacción ukanwa yanaptʼañ qalltäna. 2016 maran abril phajjsinjja, Wallkill markar mä qhawqha tiempotak kuttʼapkäna ukhaw jupanakarojj Brooklyn markankir Betelan servipjjañapatak khitapjjäna. Phesqa phajjsinak qhepatjja, Warwick markankki uka central mundialaruw khitjjapjjarakïna. 2017 maran enero phajjsinsti, Comité de Redacción del Cuerpo Gobernante ukan yanaptʼañapatakiw jilatar uttʼayapjjarakïna.