Yatiyañataki Tantachäwin Wakichäwipa

10 septiembre semanataki

225 qʼuchu

10 min. Taman yatiyäwinakapa. Revistanakat kunjamsa parltʼasma sat yanaptʼanakax 8 janan utji, ukanakampiw 15 de septiembre La Atalaya ukat septiembre ¡Despertad! uka revistanak pä demostracionampi uñachtʼayäta, jan ukax yaqha yanaptʼanakampis uñachtʼayarakismawa. Sapa demostracionanxa, mayataks parlkchinixa paypach revistwa uñachtʼayañapa.

15 min. Jisktʼäwinaka. Mä irpir chuymaniw tamampi aka qillqatat parltʼañapa. Tiemponïskasaxa, Bibliat apstʼatanakax liytʼasiñapawa ukat qhanañchtʼasiñaparakiwa.

20 min. “Jesusat yatiqasisaw sarnaqañasa.”a Kunjamsa mayninakan sarnaqäwipasa luräwipasa yanaptʼatayna uk tantachasirinakax arstʼapxañapa.

130 qʼuchumpi tukuy mayisïwimpi.

17 septiembre semanataki

60 qʼuchu

10 min. Taman yatiyäwinakapa. Sucursalan qillqatapax nayrïr janan jikxataski uka qillqatatwa arstʼañama, tantachasirinakax mä jukʼa arstʼanipxarakispawa.

15 min. ¿Pasïr marax kunjamas irnaqtʼasiwayi? 2006 septiembre phaxsit 2007 agosto tukuykamax kunjamas irnaqtʼasiwayi uka tuqitwa, yatiyañ tuqit irpir chuymanix (superintendente de servicio) arstʼañapa. Jilat kullakanakar luräwinakapat yuspärtʼasaxa, jutïr maran kunanakan irnaqañas wakisispa ukanak maysa jan ukax pä tuqitsa arstʼäta. Precursoranakan irnaqäwipat arstʼäta ukat taqi chuyma irnaqäwinakapat yuspärtʼarakïta. Jan yatiyir mistxapxi uka jilat kullakanakar kunjamsa yanaptʼasiwayi ukanakatsa arstʼarakïtawa.

20 min. “2007 septiembre phaxsit 2008 agosto tukuykamax kun lurañarus chʼamachassna.”b Precursor auxiliarjam irnaqtʼir mä jan ukax pä jilat kullakanakaruw nayraqatan jisktʼäta. ¿Jukʼampi tiemponïñatakix kuns lurapxatayna? ¿Kuna askinaksa jikxatapxatayna? Maynïr jisktʼäwinxa, familian yanaptʼapampi precursor auxiliarjam irnaqtʼatayna uka jilatar jan ukax kullakar jisktʼasmax walïspawa. Llätunka tʼaqat parlkasaxa, tamanak tumptʼir jilatan jutañapatwa yatsta ukhax yatiyasma.

74 qʼuchumpi tukuy mayisïwimpi.

24 septiembre semanataki

162 qʼuchu

10 min. Taman yatiyäwinakapa. Qhawqha qullqis utji, sucursalan qhawqsa katuqapxi ukanakaw yatiyasiñapa.

15 min. “Revista katuqasirinakar Bibliat yatichapxañäni.”c Payïr tʼaqan jikxataski uka yanaptʼampi mä jiskʼa demostración uñachtʼayäta. Kunapachatsa Bibliat yatiqirjam uñtʼatäxaspa uk yatiyirinakar akham sas amtayäta: kunjamas Bibliat yatiqañaxa uk uñachtʼayasin pä kuti Bibliat yatichxäta ukat wal yatxatañ munatap uñachtʼayani ukhaxa, Bibliat mä yatiqirïkaspas ukhamwa yatiyxäta.

20 min. Octubre phaxsinxa, ¿Bibliat jukʼampi yatiqañ munasmati? sat tratadompix kunjamsa yatiqirinak jikxatsna. Octubre phaxsinxa La Atalaya ukat ¡Despertad! sat revistanakampiw irnaqañäni. Jukʼampi yatxatañ munchinixa, ¿Bibliat jukʼampi yatiqañ munasmati? sat tratadompiw Bibliat yatichañ qalltapxaraksna. Aka tratadox utjaschi ukaxa, katuqtʼirinakaw taqinir lakiraspa, ukatxa, kuna tuqitsa uka qillqatax parli uk mä jukʼa arstʼañamawa. Qalltatpachsa jan ukax kuttʼasasa aka tratadotxa taqpachatsa jan ukax mä jukʼaksa yaticharaksnawa sasaw qhanañchtʼäta. Revistanakat kunjamsa parltʼasma sat yanaptʼanakax 8 janan utji, ukanakampiw 1 de octubre La Atalaya ukat octubre ¡Despertad! uka revistanak demostracionampi uñachtʼayäta, jan ukax yaqha yanaptʼanakampis uñachtʼayarakismawa. Maynïrinxa, revista jan munir jaqiruw mä tratado jaytañapa. Ukampis mayninsti, revista katuqasipanxa, mä tratadompwa jaytañapa, ukat 5 janat parltʼapxañapa ukat 6 janan Kunsa yatichi libro mayiñapataki utjki ukwa uñxattʼayañapa, ukat mayan apanirapïma sañapawa.

222 qʼuchumpi tukuy mayisïwimpi.

1 octubre semanataki

88 qʼuchu

10 min. Taman yatiyäwinakapampi aka qillqatan waskiskir yatiyäwinakampi. Septiembre phaxsit informep churapxañapatakiw amtayañama.

20 min. “Qʼumäsax Diosaruw jachʼañchtanxa.”d Mä irpir chuymaniw arstʼañapa. La Atalaya del 1 de junio de 1989 revistan 15-20 jananakap uñxattʼarakïta.

15 min. “Jukʼampi Diosat yatiyañatak chʼamachasiskakiñäni.”e Diosat yatiyir sarañatak chʼamtʼasipki uka jilat kullakanakaw arstʼapxañapa. Ukat kunjams jukʼampi yatiyir sarañatakix chʼamachasisipki ukanak arstʼanipxañaparaki. Tiempompiw maynirus paninirus arstʼañapataki säta.

102 qʼuchumpi tukuy mayisïwimpi.

[[Qhanañchäwinaka]