Yatiyäwinaka

◼ Kuna qillqatanakampis noviembre phaxsin yatiyañäni: Bibliat apstʼata sarnaqäwinaka; jan wawanïkchixa Diosan munasitapäsnawa sat folletompiw parltʼasma. Diciembre: Chiqpach Diosar yupaychapxañäni. Enero: Akïr 32 jananakan folletonakampiw yatiysna: ¿Kunsa Diosax jiwasanakaru mayistu? ukat ¡Wiñayan wiñayapataki kusisita aka Uraqin jakasim!

◼ Diciembre phaxsinxa precursor auxiliarjam irnaqtʼañax wali askïniwa, kunattix phisqa sabadoni ukat phisqa domingoniwa.

◼ Taman Bibliat apstʼat qillqatanak churir jilatawa kawkïr qillqatanakampis yaqha markankirinakaru ukhamaraki yaqha yupaychäwinkir jaqinakaru yatiysna ukatak wakiyat lista katu.

◼ Khitinakatï DPA (Directriz anticipada para la atención de la salud) jan ukax CIAM (Consentimiento Informado para la Atención Médica) sat tarjetar jan phuqantapki ukanakax taqiniw uka tarjetar phuqantapxañapa. Aka tarjetaxa jan wil uchayasiñ tuqitwa jarkʼaqistu. Irpir chuymaninakaruw yanap munsta ukhax mayïta (Nuestro Ministerio del Reino de noviembre de 2006 taypinkki uka qillqat uñxatäta).

◼ Bibliat yatiqirinakatxa sapa phaxsiwa Yatichäwita yatiyañataki (S-3) sat formulariorux yatiyasïna, jichhax janiw uka formularior qillqañax wakisxiti. Ukampisa, Bibliat qhawqha yatiqirinakanïtansa ukxa taqiniw sapa phaxsi yatiyapxañasa, uksti Yatiyäwit jakthapïwi (S-4) satäkis uka formularioruw qillqantapxañasa. Jichhürut aksaruxa, Yatichäwita yatiyañataki sat formularioxa taman qhawqhanis tantachasipxi ukanak qillqañatakikïxaniwa.