Jisktʼäwinaka

◼ ¿Kawkïr qillqatanakampitï yatiyir sarktan uka qillqatanakarux correo electrónico satäkis uk qillqxatawayasksnati?

Yaqhip yatiyirinakaxa, revistanakarusa tratadonakarusa correo electrónico satäkis ukxa sellompiwa jan ukax jiskʼa papelar qillqatanakampiw lipʼxatayapxi, ukhamat uka qillqatanak katuqir jaqinakax yatiqañ munapxchi ukax uka correor qillqapxañapataki. Chiqasa, jaqinakar yanaptʼañ layku suma amtampi ukham lurapxatapax askïskiwa. Ukampis Internetanxa kawkjansa jukʼamp yatxatapxaspa ukax revistanakansa tratadonakansa tukuyan qillqxatatäskiwa, ukhamax uka qillqatanakar jiwasankki uka correo electrónico qillqañax janiw walïkaspati.

Ukat kawkjansa jakastan ukat khitïtansa uk yatiyañ munapuniñäni ukhaxa, chiqansa Bibliat yatxatañ munani ukhaxa, yaqha papelaruw qillqtʼarapsna. Ukampis janiw jupanakampi thaqhayasiñ munktanti jan ukasti jiwasanakaw yatiqañ munirinakarux wasitampi yatichir kuttʼañasaxa. Jupanakar taqi chuymati yanaptʼañ muntan janicha ukaxa jupanakampi jikistʼasin parltʼañäni ukhaw sum amuyasini.