Jisktʼäwinaka

◼ ¿Bibliat apstʼat qillqatanak khitinakarus jaytasktanxa?

Taqi khitinakatï yatxatañ munapki ukanakaruw jayttanxa. Khitirutï yatiyktan ukax yatxatañ munani ukhaxa, revistanaka, folleto, libro, jan ukax yaqha qillqatanaksa jaytañasawa, ukat uraqpachan yatiyaski ukar qullqimpi jan yanaptʼirjamäni ukhasa (Job 34:19; Apo. 22:17). Ukatsti khitinakatï Bibliat apstʼat qillqatanak jan askirjam uñjapki ukanakarux janiw jaytksnati (Mat. 7:6).

¿Kunjamatsa maynix yatxatañ muniti janicha uk amuytanxa? ¿Jisktʼanakasar jaysaskiti? ¿Kuntï amuyki uk arsusiskiti? Ukat awispachax uka qillqatanak liytʼaniti janicha uk jisktʼañaw wakisispa. Wali amuytʼasirïñasawa ukhamatwa maynix yatxatañ muniti janicha uk amuyañäni. Ukhamasti callenakan yatiykasax janiw uka chiqnäm pasirinakarux qillqatanak ukhamak lakirksnati. Yatiyktan uka jaqix Bibliat yatxatañ munirjamati janicha uk jan sum amuykañäni ukhaxa, walïspaw mä tratado, jan ukax yaqha ukham jaytañaxa.

Maysa tuqitxa, Bibliat apstʼat qillqatanakat janiw qhawqha qullqsa ukanakat apthapiñäni uka laykukix apsuñasäkiti, jan ukasti, qhawqhampis yatiyañäni ukhakwa Tantachasiñ Utat apsuñasa. Chuymapat churki uka qullqix janiw Bibliat apstʼat qillqatanak pagañatakïkiti; jan ukasti, taqi kunatï uraqpachan yatiyañatak luraski ukar yanaptʼañatakiwa. Ukhamasti, yuspärasirïtas laykuw Diosan Reinopat jukʼamp yatiyasiñapatak taqi chuyma yanaptʼtanxa, ukat jukʼa qullqinïkasas churaraktanwa (Mar. 12:41-44; 2 Cor. 9:7). Ukham chuymanïsaxa, kuna qillqatanaktï yatiyañatak munktan ukakwa apsurakiñäni, ukhamatwa Diosan markapan kunanakatï utjki uk jan ina chʼusar tukjkañäniti.

[2 janan qhanañchäwipa]

Maynix Bibliat yatxatañ muniti janicha uk yatiñatakix wali amuytʼasirïñasawa