¿Sumäskiti?

Yatiyir sarkasin Bibliat apstʼat qillqatanak janïr jaqir churkasin ukham jisktʼasiñax wali askipunïspawa. Kawkïr qillqatanakatï kʼimphinuqatäki, churintatäki, qʼañüki jan ukax chʼiyanuqatäki ukanakaxa, kuna qhispiyir arunakatï uka qillqatanakan utjki ukarusa ukat Diosan markaparus janiw sum uñjaykiti.

¿Kunjamsa sumäskakiñapatak apnaqsna? Qawqchʼas qillqatanakax ukarjamaw yaqhipax maletinapar sum apantapxi. Amuytʼañataki, mä chiqaruw libronak uchapxi, yaqha chiqarusti revistanakamp folletonakampi ukat yaqha chiqarusti tratadonakaraki. Ukat maynimp parlañ tukuyatarux Bibliapsa ukat yaqha qillqatanaksa sumwa maletinapar wasitat apantxapxi, ukhamat sumäskakiñapataki. Ukat yaqhipaxa, mä carpetaru jan ukax yaqha ukhamanakaruw apnaqasipxi. Ukampis kunjamsay apnaqchiñänixa, kunapachatï Bibliat apstʼat qillqatanak jaqinakar churkañäni ukhax janipuni jan walinak jaqinakar parlayapxañäniti (2 Cor. 6:3).