Aka wakichäwix junio 28–julio 4
JUNIO 28–JULIO 4
□ Taman Bibliat Yatxatañataki
cf 6 yatichäwi § 19-25, ukat 65 janankir recuadrompi
□ Yatiyañataki Diosan Yatichäwipa
Biblia liyiñataki: 1 Reyes 3-6
Yatiyañataki Diosan Yatichäwipa amtañataki
□ Yatiyañataki Tantachäwi
5 min. Yatiyäwinaka.
15 min. Julio phaxsin revistanakamp yatiyañataki wakichtʼasipxañäni. Tantachasirinakan arstʼanipxañapatakiw mayïta. Revistanakanx kuna yatichäwinakas utji, ukwa maya jan ukax pä minuton mä jukʼa qhañachtʼäta. Ukat paya jan ukax kimsa yatichäwinak ajllisaxa, kuna jisktʼanakampisa ukat Bibliat kawkïr jiskʼa tʼaqanakapampis yatiyapxaspa ukwa tantachasirinakarux jisktʼäta. Kunjamsa sapa may revistanakamp yatiysna ukwa demostracionan uñachtʼayäta. Tukuyañatakix kunjamsa wasitat kuttʼasax Bibliat yatichañ qalltsna, ukwa mä demostracionan uñachtʼayarakïta (km 9/07, 3 jana uñxattʼäta).
15 min. Wawatpach yatichatänwa. Tantachasirinakan arstanipxañapatakiw mayïta. Timoteox taqi chuyma ukat suma yatiyirit uñtʼatänwa (Fili. 2:20-22). Wawatpach mamapan ukat awichapan yatichatätap laykuw ukhamänxa (2 Tim. 1:5; 3:15). Wawanakax Diosan Arupat taqi chuyma yatiyirïpxañapatakix Biblian akïr iwxtʼanakaw awk tayakanakarux yanaptʼani. 1) Wawamarux jiskʼitatpachaw yatiyir irpañama, ukhamat jukʼat jukʼat yatiqataparjam yatiyañapatak yatichtʼäta (Pro. 22:6). 2) Diosan Arupat yatiyañwa nayrar uchapxañama, wawamax uk uñjasax yatiqasirakiniwa (Fili. 1:9, 10). 3) Familiana Diosar Yupaychañataki Arumana ukat yaqha urunakanwa yatiyañar wali askirjam uñjapxañapatak ukat taqi chuyma yatiyapxañapatak yatichapxañama (Deu. 6:6, 7). 4) Arunakamampisa luräwinakamampisa yatiyañarux wali askirjam uñjapxatam uñachtʼayapxañama (Fili. 3:8; 4:8; 1 Tim. 1:12). 5) Sapa seman yatiyaskakiñatakix familpachaw chʼamachasipxañama, ukhamat uka luräw wal munapxañamataki (Hech. 5:41, 42). 6) Taqi chuym yatiyirinakampiw chikachasipxañamaraki (Pro. 13:20). Ukat Diosan Arup yatiyañax wali kusiskañapunïñapataki ukat askinak jikxatapxañapatakis kunjamanakatsa awk taykanakapax yanaptʼatayna, uk tantachasirinakar jisktʼäta.