Yatiyañataki Diosan Yatichäwipa Amtañataki
Yatiyañataki Diosan Yatichäwipa sat tantachäwinxa kunanakas 2011 enero 3 urut qalltki uka semanat febrero 28 urut qalltki uka semankamax yatiqasiwayi ukanakwa uka tantachäwi irpir jilatax aka jisktʼanakampi 20 minutonakan amtayani. Ukasti febrero 28 urut qalltki uka semanänwa apasiñapa.
1. ¿Ezequiasax apnaqañ qalltkäna ukhaxa kunsa lurayäna ukat kunjamsa jichhürunakan ukham luraraksna? (2 Cró. 29:16-18.) [w09 6/15 jana 9 § 13.]
2. ¿Kunatakis Diosan luqtirinakapax sapa maras wal chʼamachasipxi, ukat kuna askis utjawayi? (2 Cró. 30:1, 4, 5.) [w09 6/15 jana 10 § 16, 17.]
3. ¿Jan istʼañ munapki ukanakar yatiyaskakiñatakix kunsa Diosan nayra luqtirinakapat yatiqassna? (2 Cró. 36:15, 16.) [w10 7/15 jana 11 § 17.]
4. ¿Bibliat yatxatañatakix kunsa taqinis Esdrasat yatiqassna? (Esd. 7:10.) [w08 9/15 jana 13.]
5. ¿Jan pächasisa ukat mayisïwiparjam luratap laykux kunsa Nehemiasax katuqäna? (Neh. 1:11.) [w09 11/15 jana 10 § 16, 17.]
6. ¿Kunas Diosar axsartʼañaxa, ukat kunjamsa chuymasan amuyunakapar yanaptʼi? (Neh. 5:15.) [lv jana 17 § 9.]
7. ¿Kunjamatsa Jehová Diosax markaparux yaqha markanakan “uraqip” churäna? (Neh. 9:22-25.) [w09 3/15 jana 22 § 12.]
8. Nehemías 9:28 qillqatarjamaxa, ¿kunjamsa Awkipax israelitanakar uñjäna ukatxa kunsa Jesusax yatiqasïna, ukat kunsa ukarjamax luräna? [w08 2/1 jananaka 19, 20 § 11-13.]
9. ¿Khitinakatï qhipa awkinïpki jan ukax qhipa taykanïpki ukanakax kunsa Ester tawaqut yatiqapxaspa? (Est. 2:7, 15, 17, 20.) [yp jana 45.]
10. ¿Sum isthaptʼasisax kunsa jikxatsna? (Est. 5:1, 2.) [yp jana 95.]