Yatiyir mistuñatak tantachäwinxa sapürutak Bibliat apstʼatäki uk janiw yatxatasxaniti
Yatiyir mistuñatak tantachäwinxa, sapürutak Bibliat apstʼat qillqatatwa wakisirjamäna ukhax yatxatiriyätanxa. Ukampis jichhat uksaruxa, Diosan Arupat sapür yatxatañataki sat folletotxa janiw yatiyir mistuñatak tantachäwinx yatxatasiñapäxiti. Khitinakatï tam apsusipkani ukanakaxa, Bibliata, Diosan Apnaqäwipat Yatiyañataki, Benefíciese, Razonamiemto librota jan ukax Bibliat apstʼat yaqha qillqatanakatwa kunas yatxatasini uk apstʼapxañapa. Khitinakatï uka tantachäw sarayasipkani ukanakaxa, kunatï jilat kullakanakar yatiyir sarañatak yanaptʼani ukarjamaw wakichtʼasipxañapa. Ukhamarusa, kunjamtï yatitäkixa, tantachäwix janiw 10 jan ukax 15 minutonakat jiläñapäkiti, yämas mä tantachäwi qhipat yatiyir mistuñatak tantachasipxäta ukhax janipuniw jiläñapäkiti.