Predikir mistuñatak tantachäwinakatak suma ewjjtʼanaka

Tantachäwinakajj Jehová Diosan regalopawa, predikir mistuñatak tantachäwis ukhamarakiwa. Ukaw munasiñ uñachtʼayañatakisa, suma luräwinak lurañatakisa yanaptʼistu (Heb 10:24, 25). Predikir mistuñatak tantachäwejja, 5 jan ukajj 7 minutonakakïñapawa, uka tiemponwa gruponakajj organiztʼasiñapa, territorios asignasiñapa, oracionas lurasiñaparaki. Tantachäwi tukuyar apaschi ukhajja, jukʼamp minus tiempokïñapawa. Uka tantachäwi sarayir jilatajja, kunatï predikir misturinakarojj yanaptʼkaspa ukwa wakichtʼañapa. Sañäni, sabadonakajj semanan jan misturi jilat kullanakatï waljanïpjjchejja, kamsasas predicapjjaspa uk am­tayañakiw wakisispa. ¿Kuna toqenakat parltʼañas jilat kullakanakar yanaptʼarakispa?

• Cristianjam Jakañataki ukat Yatiyañataki: Tantachäwin yatjjatañataki sat qellqatan predicañatak mistki uka yanaptʼanaka.

• Kunjamsa jichhak pasir mä noticiampi parlañ qalltsna.

• Kunjamsa jan istʼañ munapki uka jaqenakar prediksna.

• Kunjamsa Diosar jan creyiri, evolucionar creyiri, yaqha aru parliri jaqerusa, jan ukajj markasan jan utji uka religionankir mä jaqerus prediksna.

• Kunjamsa Internetan jw.org cheqampisa, JW Library^® aplicacionampisa jan ukajj Bibliampis prediksna.

• Kunjamsa kit de enseñanza uka yanaptʼamp prediksna.

• Kunjamsa teléfono toqe prediksna, cartanaksa qellqsna, walja jaqenakajj utjki uka cheqanakans prediksna, revisitanaksa estudionaksa lursna.

• Jan kuna jan walir purtʼasiñata, kunayman toqet parlañatak wakichtʼatäñata, respetompi jaqenakamp parlañata, kusisit chuymampi parltʼañata, yaqha ukhamanakampit amtäwinaka.

• Sum liytʼañataki yatichañataki chʼamachasiñäni sat folleton mä leccionapa jan ukajj mä videompi.

• Kunjamsa jiwasamp predicki uka jilatarusa jan ukajj kullakarus yanaptʼsna chʼamañchtʼaraksna.

• Predicación toqet parli mä texto jan ukajj chʼamañchtʼkir mä experiencia.