Jesusan jiwäwip amtañatak tantachäwix Diosaruw jachʼañchi
1. Jesusan jiwäwip amtañatak tantachäwir jutapkani ukanakax kuntï istʼapkani ukax wali askïtaps amuyapkchinixa, ¿kunanakamps askïtap uñjapxarakispa? Uk qhanañchtʼam.
1 Uka tantachäwir jutapxañapatakiw invitación churir sarañatak chʼamachasisktanxa. Ukhamaxa, janiw kuntï istʼapkani ukakix jupanakatak askïñapäkiti, jan ukasti kuntï uñjapkani uksa askïtapwa uñjapxañaparaki. Uka tantachäwir sarasin qhipatxa, tantachasiñ utan suma lurtʼatätapata, qʼumätapata ukat kunjamsa jupanakpachax askichapxi, ukat kunja munasiñampis katuqtʼasipxi ukanakat mä mamax wali sumwa parlatayna. Ukhamasti janiw arstʼir jilatakix Jehová Diosar jachʼañchasiñapatak chʼamachasiñapäkiti, jan ukasti taqiniw chʼamachasiñasa (Efe. 4:16).
2. Tantachäwir jutapkani ukanakax Jehová Diosar jachʼañchapxañapatakixa, ¿kunjamsa taqinis chʼamachassna?
2 Wali munasiñampi katuqtʼapxañäni: Uka tantachäwir jutapkani ukanakarux kusisita ukat munasiñap katuqtʼapxañäni, ukhamatwa Diosar jachʼañchapxani (Juan 13:35). Ukampis janis taqinimpi parltʼirjamakchiñänixa, khitinakatï jiwas jakʼankkani ukanakaruw arunttʼasax parltʼsna (Heb. 13:1, 2). Ukat purinipkani ukanakat inas yaqhipax jan khitirus uñtʼapkchiti ukanaksa sum amuyañasaraki, inas jupax invitación katuqasin jutchi. Akham sasaw jisktʼasma: “¿Jichhakipunit visittʼapxista?” sasa. Ukhamächi ukhaxa, jumamp quntʼasiñapatakiw jawstʼasma ukat kuna jisktʼanakamas utjki ukax jisktʼasiskakitätawa sasaw sarakisma. Ukat yaqha taman tantachasiñapatak jankʼak mistsuñ wakischini ukhaxa, akham sarakismawa: “Kunjamakïnsa tantachäwix jumatakix uk yatiñ munirista, ¿kunjamatsa jumamp yaqha uru jikissna?” sasa.
3. Diosan tamapat jithiqtatäpki ukanakaruxa, ¿kunjams katuqtʼañasa?
3 Diosan tamapat jithiqtatäpki ukanakarux sum katuqtʼapxañäni: Uka tantachäwirux Diosan tamapat jithiqtapki ukanakax jutapxapuniwa, awisax Jesusan jiwäwip amtañatak tantachäwirukiw yaqhipax jutapxi, ukhamasti munasiñamp katuqtʼañasawa ukat jupanakar uñjasax wal kusisitasaxa qhanäñapawa (Rom. 15:7). Uka qhipatxa, irpir chuymaninakaw tantachäwinakar jutasipkakiñapatakix jupanakan ukar chʼamañchtʼir sarapxañapa. Taqi khitinakatix uka tantachäwir jutapkani ukanakax arstʼäwi istʼasinsa ukat ‘aski luräwinakas uñjasinsa’ Jehová Diosaru jachʼañchapxañapatakiw oracionan mayisipkta (1 Ped. 2:12).