Jisktʼäwinaka
◼ ¿Bibliat yatiqirinakax nayrar sartasipki ukanakarux kawkhakamas yanaptʼsna?
¿Kunsa Bibliax chiqpachapuni yatichi? ukat “Diosan munasiñapan jakasipxañäni” siski uka pä libro tukuyañkam yanaptʼañaw wakisispa. Ukat janïr uka pä librot mays yatiqañ tukuykipan bautisasxchi ukhasa, paypach libro tukuyañkamaw yanaptʼañasa. Ukhamarusa, horanaksa ukat qhawqha kutis kutʼtan uksa ukat jupar yatichatassa informaskakiñasawa. Ukat mä jilatampi jan ukax kullakampi jupar yatichir sarañäni ukat arstʼarakini ukhaxa, uka jilatasa jan ukax kullakasa horanakxa jakhusirakispawa (Diosan Apnaqäwipat Yatiyañataki, marzo 2009, 2 jana uñxattʼäta).
Jupanak sapaki yatxatapxañapataki janïr jaytkasaxa, machaqanakax Criston suma “saphintatäñapawa” ukat ‘suma uttʼatäpxañaparakiw iyawsäwinakapanxa’, ukhamat jutïrinx jan waltʼäwinakar saykatapxañapataki (Col. 2:6, 7; 2 Tim. 3:12; 1 Ped. 5:8, 9). Ukhamarusa, yatiqirix yaqhanakar sum yatichañapatakixa “kunatix chiqäki uk [sumwa] uñtʼapxañaparaki” (1 Tim. 2:4). Bibliat yatiqirinakasaru paypach librot tukuyañkam yanaptʼtan ukhaxa, “jakañaru irpiri thaki[njam]” jan jithiqtas sarapxañapatakiw yanaptʼtanxa (Mat. 7:14).
Irpir chuymaninakax maynix bautisasiniti janicha uk janïr awiskasaxa, Biblian wakiskir yatichäwinakapxa sumti amuyi ukat ukarjamat sarnaqaski ukwa sum amuyapxañapa. Kunapachatï Bibliat mä yatiqirix nayrïr libro janïr tukuykchi ukhaxa, irpir chuymaninakax bautisasiñapatak jisktʼanak lurapxani ukhaxa, wali amuyumpiw jisktʼapxañapa. Maynitï bautsasiñapatak jan suma wakichtʼatäkchi ukhaxa, khitis juparux yanaptʼaspa ukxa, irpir chuymaninakaw amtapxañapa ukhamat jutïrin bautisasiñapataki (‘Yatiyir sarapxam arkirijaptayapxam bautisasa’ sat folletot 57 janat 60 janakam uñxattʼäta).
[2 janan qhanañchäwipa]
Kunatix chiqäki uk sum uñtʼapxañapwa machaqanakanx wakisi