“¿Qhawqha horanaksa jakhusiñajaxa?”

¿Ukham sasin jisktʼasirïtati? Uka tuqit mä qhawqha qhanañchäwinakax Organizados libron 86 ukat 87 jananakanwa jikxatäta, ukatxa “Jisktʼäwinaka” siski uka chiqanwa Diosan Apnaqäwipat Yatiyañataki septiembre, 2008 qillqatan jikxatarakïta. Jakäwisan luräwinakasax mayj mayjätap laykuxa janiw kunjampunis jakhusiñapa uka tuqit listanak churapksmati. Ukhamasti, kunjamsa horanakax jakhusiñapa ukxa janiw khiti irpir chuyman jilatas ni yaqha jilat kullakanakas sañapäkiti.

Uka tuqinakat yaqha jisktʼanakamax utjchi ukat janirak uka tuqit qillqatanakax utjkchiti ukhaxa, sapa mayni yatiyiriw akham jisktʼasiñapa: “Uka horanakanxa, ¿Diosan arunakapatti yatiytxa jan ukax yaqha lurañanakarukich aptʼtxa?” sasa. Qhawqha horanaktï informesan qillqantktan ukampix kusisitäñasawa janiw llakisiyañapäkistuti (Hech. 23:1). Qhawqha horanaksa jakhuñasa ukax janiw añcha wakiskirïkiti jan ukasti kunjamsa Diosatak irnaqasktan ukaw jukʼamp wakiskirixa (Heb. 6:11).