Revistanakampi ukat folletonakampi yatiyapxañäni

Bibliat yatichañ qalltañatakix ¿Kunsa Bibliax chiqpachapuni yatichi? sat librompi yatiyktan uka phaxsinakanxa, utanitï uka libronïxchi ukat janirak Bibliat yatiqañ munkchi ukhax jan jichhak mistki uka revistanaka ukat folletonak churañasatakiw chʼamañchistu. ¿Kunatsa?

Pasïrinakan mistuwayki uka folletonakasa ukat revistanakasa wali wakiskir yatichäwinakaniwa, ukat inas jaqinakax ukanak uñxattʼasax yatxatañ munapxchispa. Ukatwa yatiyir sarañataki wakichtʼasiskäta ukhax uka revistanaka ukat folletonak maletinamar apantañ janipun armasimti. Janitï utjkstamxa, taman kawkhantï Bibliat apstʼat qillqatanak churapki uka chiqatwa mayisisma. Yatiykasax khitimpitï parlkäta jupax Kunsa yatichi sat libronïxchi ukat janirak Bibliat yatiqañ munkchi ukhaxa, jan jichhak mistki uka folletonaka jan ukax revistanakwa uñachtʼayasma, kawkïrsa munaspa uk ajlltʼasiñapataki. Ukat yaqha uruw kuttʼanï sasaw sawayäta. Kuttʼaskakïta ukhaxa, inas Bibliat yatiqañ munxchispa.