Pä jukʼa valoran monedanaka

¿Kumjamsa Diosan Reinopar yanaptʼsna? Oraqpachan yatiyasiski ukatak qollqe uchasaw yanaptʼaraksna. Ukat ¿jan qollqenïkstan ukhajj kamachsnasa?

Mä kutejja, Jesusajj mä viuda warmiruw templonkir mä arkar pä jiskʼa monedanak uchaskir uñjäna. Uka warmejj Diosar munasitapatwa ‘pobrëkasinsa qhawqhatï jakañapatak utjki ukjpach churäna’ (Mar. 12:41-44). Kuntï uka warmejj lurkäna ukajj Jehová Diosatakejj wali wakiskirïnwa ukatwa Jesusajj arkirinakapar jupat yateqasipjjam sispachäna. Ukhamarakiw nayrïr cristianonakat yateqasiraksna. Jupanakatakejja, qamiripkchïns janisa, qollqemp yanaptʼañajj wali wakiskirïnwa. Macedonionkirinakajj “jan kunanïpkchi ukasa [...] nanakarusti churapjjam sapjjakitay, Tatitun markapar yanaptʼapjjañajjataki sasaw walpun achiktʼasipjjetu” sasaw apóstol Pablojj jupanakat säna (2 Cor. 8:1-4).

Mä qhawqha monedaks cajar uchañäni ukhajja, taqpach apthapitajja waljäjjaniwa. Ukat kuna ratutï ‘kusisit chuymampi churañäniʼ ukhajja, Jehová Diosaruw kusisiyañäni (2 Cor. 9:7).